1. Yoxlama tapşırığının doldurulma qaydası

1. 1-ci qrafada yoxlama tapşırığı tərtib olunan gömrük orqanlarının adı göstərilir.

2. 2-ci qrafada aşağıdakı qaydada tərtib edilən yoxlama tapşırığının nömrəsi göstərilir:

1. Azərbaycan Respublikasının gömrük orqanlarının və onların gömrük rəsmiləşdirilməsini aparan struktur bölmələrinin 5 rəqəmli kodu;

2. Cari ilin son rəqəmi (1 rəqəmli)

3. Ayın sıra nömrəsi (2 rəqəmli)

4. Yoxlama tapşırığının sıra nömrəsi (yeni ilin əvvəlində nömrələnmə 1-dən başlanır)

3. 3-cü qrafada gömrük yoxlamasının (əsas yoxlama və ya məqsədli yoxlama) keçirilməsi üçün təyin olunan gömrük orqanı əməkdaşlarının adları və soyadları göstərilir.

4. 4-cü qrafada (nəqliyyat vasitələrinin) gömrük yoxlamasını keçirmək.

• içərisində faktiki mallar yerləşən nəqliyyat vasitələrinin növü, dəniz və çay gəmisinin adı, reys nömrəsi, dəmir yolu vaqonunun nömrəsi, nəqliyyat vasitəsinin qeydiyyat nömrəsi və s., həmçinin Azərbaycan Respublikasının fiziki və ya hüquqi şəxsi haqqında (müəssisənin, təşkilatın, idarənin adları, eyniləşdirmə kodu və ya VÖEN kodu, yaxud fiziki şəxsin adı, atasının adı, soyadı haqqında) məlumatları təsdiq edən sənəd qeyd olunur.

Yoxlama keçirildiyi zaman, Azərbaycan Respublikasının gömrük sərhədindən keçirilməsi nəzərdə tutulmayan malların gömrük rejimi dəyişdirildiyi halda bu bənddə «nəqliyyat vasitələrinin» sözlərinin üstündən xətt çəkilir və gömrük rejiminin dəyişdirilməsi qeyd olunur.

Beynəlxalq daşımaları həyata keçirən nəqliyyat vasitəsinin yoxlanılması zamanı «mallar» sözünün üstündən xətt çəkilir.

5. 5-ci qrafada nəqliyyat, mal müşayiət və digər sənədlər barədə məlumatlar (sənədin növü, tarixi və nömrəsi) göstərilir. Gömrük yoxlaması zamanı Azərbaycan Respublikasının gömrük sərhədindən keçirilməsi nəzərdə tutulmayan malların gömrük rejimi dəyişdirildiyi zaman bu bənddə əvvəlki bəyannamənin nömrəsi göstərilir.

6. 6-cı qrafada gömrük orqanına təqdim olunan sənədlərə əsasən malları göndərən ölkə haqqında, yerlərin sayı və malların çəkisi barədə məlumatlar qeyd olunur.

7. 7-ci qrafada idxal zamanı malların çatdırıldığı son təyinat məntəqəsi, ixrac zamanı isə - təyinat ölkəsi və həmçinin yoxlama keçirilməsi tələb olunan və beynəlxalq daşımalar həyata keçirən nəqliyyat vasitələrinin və malların faktiki yerləşdiyi yer.

Əgər yoxlama müvəqqəti saxlanc anbarında və ya gömrük anbarında keçirilirsə, anbarın növü, adı, mallar yerləşdirilən müvəqqəti saxlanc anbarının, yaxud gömrük anbarının təsis olunmasına verilən icazə sənədinin nömrəsi göstərilir.

Malların və nəqliyyat vasitələrinin başqa yerdə yoxlanılması hallarında bu qrafada malların faktiki yerləşdiyi yer və ya digər məlumatlar göstərilir.

8. 8-ci qrafada neçə faiz həcmində malların gömrük yoxlaması aparılarsa buna dair dördkünc mötərizənin içərisində «x» işarəsi göstərilir.

9. 9-cu qrafada aşağıdakı yoxlama növlərindən biri qeyd olunur:

• əsas yoxlama;
• məqsədli yoxlama;

10. 10-cu qrafanın altında göstərilmiş yoxlama dərəcələrindən hansına uyğun yoxlama aparılmışsa, dördkünc mötərizənin içərisində «x» işarəsi göstərilir.

11. 11-ci qrafada gömrük yoxlamasının həyata keçirilməsi üçün istifadə olunmuş texniki nəzarət vasitəsinə dair dördkünc mötərizənin içərisində «x» işarəsi göstərilir.

12. 12-ci qrafada eyniləşdirmə vasitələrinin növü (plombu, möhürü, qoloqrafik yapışqanı və s.), nömrələri və sayı, onlar yoxlama (təkrar yoxlama) keçirildikdən sonra qoyularsa göstərilir.

13. 13-cü qrafada yoxlamanın keçirilməsini qərara alan şəxs tərəfindən cari il, tarix, şəxsi nömrəli möhürlə təsdiqlənən imzası, həmçinin adı və soyadı göstərilir.

14. 14-cü qrafada yoxlama keçirilməsini qərara alan şəxs tərəfindən yoxlama tapşırığının yazıldığı vaxt və gömrük yoxlama aktının alınması vaxtı bildirilir.

2. Gömrük yoxlama aktının doldurulma qaydası

1. 1-ci qrafada malların və nəqliyyat vasitələrinin gömrük yoxlamasını (əsas yoxlama, məqsədli yoxlama) keçirən gömrük orqanının adı göstərilir.

2. 2-ci qrafada aşağıdakı qaydada tərtib edilən gömrük yoxlama aktının nömrəsi göstərilir:

1. Azərbaycan Respublikasının gömrük orqanlarının və onların gömrük rəsmiləşdirilməsini aparan struktur bölmələrinin 5 rəqəmli kodu;

2. Cari ilin son rəqəmi (1 rəqəmli)

3. Ayın sıra nömrəsi (2 rəqəmli)

4. Gömrük yoxlama aktının sıra nömrəsi

Bu bənddə jurnalın artaraq nömrələnən sıra nömrəsi (yeni ilin əvvəlində nömrələnmə 1-dən başlanır) göstərilir.

Bu nömrələnmə yoxlama tapşırığının nömrələnməsi ilə eynidir.

3. 3-cü qrafada Yoxlama tapşırığı əsasında gömrük yoxlaması həyata keçirilən yoxlama tapşırığının nömrəsi göstərilir.

4. 4-cü qrafada gömrük yoxlamasının (əsas yoxlama və ya məqsədli yoxlama) başlanılmasının faktiki vaxtı (saat və dəqiqə, ay, gün, il) göstərilir.

5. 5-ci qrafada gömrük orqanının gömrük yoxlamasını keçirən əməkdaşlarının, həmçinin gömrük yoxlamasında iştirak edən şəxslərin (deklarantın, təşkilatın səlahiyyətli nümayəndəsinin və digər şəxslərin) soyadları və adları göstərilir.

6. 6-cı qrafada hansı növ gömrük yoxlaması aparılmışsa həmin növ gömrük yoxlamasının altından xətt çəkilməklə qeyd olunur.

7. 7-ci qrafada göndərən haqqında məlumatlar qeyd olunur: müəssisə, təşkilat, idarənin adı, eyniləşdirmə kodu və vergi ödəyicisinin eyniləşdirmə kodu (VÖEN) və ya fiziki şəxsin adı, soyadı, atasının adı və şəxsiyyətini təsdiq edən sənəd haqqında məlumatlar göstərilir.

Gömrük yoxlaması zamanı seçilmiş gömrük yoxlamasının (əsas yoxlama, məqsədli yoxlama) növündən asılı olaraq həmin növ yoxlamanın altından xətt çəkilir.

Gömrük yoxlaması zamanı Azərbaycan Respublikasının gömrük sərhədindən keçirilməsi nəzərdə tutulmayan malların və nəqliyyat vasitələrinin gömrük rejiminin dəyişilməsi barədə yoxlama zamanı bu bənddə «mal göndərən tərəfindən göndərilən» sözləri silinir və rejimin dəyişdirilməsi göstərilir.

8. 8-ci qrafada:

• malların aparılması zamanı təyinat ölkəsi;
• malların idxalında göndərən ölkənin adı göstərilir.

9. 9-cu qrafada mal alan şəxs haqqında məlumatlar göstərilir:

• müəssisənin, təşkilatın, idarənin adı, eyniləşdirmə kodu və VÖEN kodu və ya fiziki şəxsin şəxsiyyətini təsdiq edən sənəd.

10. 10-cu qrafada sənədlərin növü və nömrəsi göstərilir gömrük nəzarəti altında (malların çatdırılması üzrə nəzarət sənədi, BYD kitabçası, SMR, konosament, yük gömrük bəyannaməsi, yük gömrük bəyannaməsi qismində istifadə olunan digər sənədlər).

11. 11-ci qrafada gömrük yoxlaması keçirilən yer haqqında məlumatlar qeyd olunur (müvəqqəti saxlanc anbarının və ya gömrük anbarının adı).

Gömrük yoxlamasının digər yerdə keçirildiyi halda bu bənddə malların faktiki yerləşdiyi yer və ya malların və nəqliyyat vasitələrinin faktiki yerləşdiyi yer haqqında digər məlumatlar göstərilir.

Həmçinin malların (nəqliyyat vasitələrinin yoxlanılması yeri təsvir olunur) gömrük yoxlamasından keçirildiyi yer göstərilir. (Açıq və ya qapalı meydançada, bağlı yerdə, nəqliyyat vasitələrinin içində və üstündə)

12. 12-ci qrafada gömrük yoxlaması üçün təqdim olunan yerlərin sayı göstərilir (Paletlərin, altlıqların, yeşiklərin, qutuların, tayların, kisələrin, bağlamaların, çənlərin və s. sayı) .

Beynəlxalq daşımaları həyata keçirən nəqliyyat vasitələrinin yoxlaması zamanı bu bənd doldurulmur.

13.13-cü qrafada təqdim olunan sənədlərə əsasən malların brutto çəkisi göstərilir.

Beynəlxalq daşımaları həyata keçirən nəqliyyat vasitələrinin yoxlanılması zamanı bu bənd doldurulmur.

14.14-cü qrafada «x» işarəsi ilə mötərizələrdə çəkinin sadalanan üsullardan birinin və ya onların bir neçəsinin tətbiq olunması ilə gömrük yoxlaması prosesində istifadəsi nəticəsində müəyyən olunan «netto» və «brutto» çəkisi göstərilir.

Beynəlxalq daşımaları həyata keçirən nəqliyyat vasitələrinin yoxlanılması zamanı bu bəndlər doldurulmur.

15.15-ci qrafada malların faktiki olaraq yerləşdiyi nəqliyyat vasitəsi haqqında məlumatlar (nəqliyyat vasitəsinin növü, konteynerin nömrəsi, dəniz və çay gəmisinin adı, hava gəmisinin reys və bort nömrəsi, dəmir yolu vaqonunun, yol nəqliyyat vasitəsinin qeydiyyat nömrəsi və s.) qeyd olunur.

Malların müvəqqəti saxlanc anbarında və ya gömrük anbarında, malları qəbul edənin anbarında, digər yerdə yerləşdirilməsi hallarında göstərilən qrafa doldurulmur.

16. 16-cı qrafada nəqliyyat vasitələrinin yük yerlərinə vurulan eyniləşdirmə vasitələrinin nömrələri, sayı və növü (plombu, möhürü, qoloqrafik etiketlər və s.) göstərilir.

17. 17-ci qrafada müvafiq mötərizədə «x» işarəsi göstərilməklə eyniləşdirmə vasitələrinin toxunulub-toxunulmamazlığının yoxlanılmasının nəticələri qeyd olunur.

18. 18-ci qrafada gömrük yoxlaması (əsas yoxlama və ya məqsədli yoxlama) prosesində aşkar olunan məlumatlar qeyd olunur ki, bu məlumat aşağıdakılardan ibarət olmalıdır:

• malların və onların qablaşdırılmasının, hətta ilkin qablaşdırılmasının geniş şəkildə təsviri, həmçinin onların fiziki xüsusiyyətləri (rəngi, materialı, ölçüləri, temperatur xüsusiyyətləri və s.);
• malların vəziyyəti, onların keyfiyyətinin pisləşməsi əlamətləri, malların müəyyən hissəsinin, detallarının çatışmazlığı (məsələn, çıraqların şüşələrinin, maşınların təkərlərinin, qol saatlarının qolbağının və ya qayışının olmaması və s.);
• mallarda və onların qablaşdırmalarında, markalanmaların, damğaların, mal işarələrinin və uyğunlaşma işarələrinin olub-olmaması və onların təsviri;
• mallarda və qablaşdırmalarda buraxılış tarixi, istifadə müddəti, zəmanət müddəti, son istifadə tarixi haqqında məlumatın olub-olmaması;
• malların və qablaşdırmaların xarici zədələrinin təsvir olunmaqla mövcud olub-olmaması;
• malların nömrələrinin mövcudluğu və ya olmaması (cihaz, aqreqat və s.)
• qablaşdırmada malın sayı (malların ümumi sayının müəyyən edilməsi metodikası göstərilməklə) malların bir neçə qablaşdırılmalarda ardıcıl olaraq yerləşdirildiyi halda (məs. spirtli içkili butulkanın qutularda yerləşdirilməsi, bir neçə butulka qutusunun böyük ölçülü qutuda yerləşdirilməsi) bütün qablaşdırma növlərini və hər qablaşdırmada malların sayının göstərilməsi.

Beynəlxalq daşımaları həyata keçirən nəqliyyat vasitələrinin yoxlamasında, bu bənddə gömrük yoxlamasının nəticələri geniş təsvir olunur.

19. 19-cu qrafada malların ekspertizası üçün prob və nümunələr götürüldüyü halda prob və nümunələrin götürülməsi haqda aktın nömrəsi və tarixi göstərilir.

20. 20-ci qrafada gömrük qaydalarının pozulması əlamətləri aşkar edildiyi halda, həmin pozuntuya dair Azərbaycan Respublikasının müvafiq qanunvericilik aktının maddəci göstərilir.

21. 21-ci qrafada gömrük orqanının yoxlama (məqsədli yoxlama) keçirən əməkdaşı tərəfindən qoyulan gömrük təminatının növü (plombu, möhürü, qoloqrafik etiketi və s.) nömrəsi və sayı göstərilir.

22. 22-ci qrafada gömrük orqanının gömrük yoxlamasını (məqsədli yoxlama) keçirən əməkdaşları öz soyadlarını, adlarını, imzalarını qeyd edir və şəxsi nömrəli möhürlərini vururlar, yoxlamada iştirak edən şəxslər isə öz soyadlarını, adlarını və imzalarını göstərirlər.

23. 23-cü qrafada gömrük yoxlamasının başa çatdırıldığı tarix və vaxt göstərilir (saat və dəqiqə, gün, ay, il).

24. 24-cü qrafada Gömrük yoxlama aktında qeydiyyat üçün yer olmadığı halda, gömrük yoxlama aktının əlavə vərəqləri istifadə olunur.

25. 25-ci qrafada bu bənddə yoxlama nəticəsində əldə edilmiş məlumatlar qeyd olunur.

26. 26-cı qrafada Gömrük yoxlama aktının tərtib olunduğu tarix qeyd olunur.

Yoxlama tapşırığının və Gömrük yoxlama aktının qeydiyyatı, saxlanılması və uçotunun aparılması haqqında Təlimata

Əlavə 3.

* Yük gömrük bəyannaməsinin verilməsinə qədər yoxlama keçirilərsə göstərilən qrafa doldurulmur.

** Gömrük hüquq pozuntuları aşkar edildiyi halda, digər dövlət nəzarət orqanları ilə qarşılıqlı əlaqədə gömrük yoxlaması keçirildiyi halda və yaxud gömrük yoxlaması keçirilməsi ilə bağlı olan digər hallarda bu qrafa doldurulur.