Bakı şəhəri, 10 sentyabr 2004-cü il

Ölkədə baramaçılığı inkişaf etdirmək və tut ipək qurdlarının lazımi həcmdə yem bazası ilə təmin edilməsi zəruriliyi barədə Azərbaycan Respublikası İqtisadi İnkişaf Nazirliyinin aidiyyəti təşkilatlarla razılaşdırılmış təklifini nəzərə alaraq, Azərbaycan Respublikasının Nazirlər Kabineti qərara alır:

1. «Azərbaycan Respublikasında ixrac-idxal əməliyyatları üzrə gömrük rüsumlarının dərəcələri, gömrük rəsmiləşdirilməsinə görə alınan yığımların miqdarı haqqında» Azərbaycan Respublikası Nazirlər Kabinetinin 2001-ci il 12 aprel tarixli, 80 nömrəli qərarına əlavə olunmuş Azərbaycan Respublikası Nazirlər Kabinetinin 2003-cü il 22 dekabr tarixli, 161 nömrəli qərarı ilə təsdiq edilmiş mətndə «Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri»ndə 06-cı mal qrupunda «0602 20 900 0» mal mövqeyi üzrə «15» tarif dərəcəsi «0» tarif dərəcəsi ilə əvəz edilsin.

2. Bu qərar imzalandığı gündən qüvvəyə minir və bir il müddətində qüvvədədir.

Azərbaycan Respublikasının Baş naziri

A. RASİ-ZADƏ

«Azərbaycan Respublikasının Qanunvericilik Toplusu»nda dərc edilmişdir (30 sentyabr 2004-cü il, ¹ 9, maddə 743) («AzerSoft»).