Bakı şəhəri, 25 dekabr 1997-ci il

Azərbaycan Respublikası Prezidentinin «Azərbaycan Respublikası Gömrük Məcəlləsinin tətbiqi haqqında» 1997-ci il 25 iyul tarixli 616 nömrəli Fərmanının icrasını təmin etmək məqsədilə Azərbaycan Respublikasının Nazirlər Kabineti qərara alır:

1. «Azərbaycan Respublikasının gömrük sisteminin büdcədənkənar inkişaf fondu haqqında Əsasnamə və fondun vəsaitinin xərclənməsi Qaydaları» təsdiq edilsin.

Azərbaycan Respublikasının Baş naziri

A. RASİ-ZADƏ.

• mal qismində Azərbaycan Respublikası gömrük sərhədindən keçirilən nəqliyyat vasitələri də daxil olmaqla, o cümlədən müşayiət olunmayan bağajda, beynəlxalq poçt göndərişlərində keçirilən kommersiya məqsədləri üçün nəzərdə tutulmayan malların və yüklərin, həmçinin nəqliyyat vasitələrinin gömrük rəsmiləşdirilməsinə görə alınan gömrük yığımları;
• Azərbaycan Respublikasının gömrük orqanları tərəfindən gömrük rəsmiləşdirilməsi üçün mütəxəssislərə ixtisas attestatının verilməsinə və ixtisas attestatının bərpasına gömrük tədiyələrinin ödənişinə zəmanət verən bankların və digər kredit təşkilatlarının reyestrə salınmasına görə alınan yığımlar;
• gömrük işi sahəsində qaçaqmalçılıq və gömrük qaydalarının pozulması işi üzrə müəyyən edilmiş qaydada Azərbaycan Respublikasının dövlət mülkiyyətinə keçirilmiş malların, nəqliyyat vəsaitlərinin və digər əşyaların satışından əldə edilən vəsait;
• girov predmeti hesab olunan malların və nəqliyyat vasitələrinin hərraclarda satışından əldə olunan vəsaitin dövlət büdcəsinə çatacaq hissəsindən artıq olan məbləğ;
• Azərbaycan Respublikası gömrük orqanlarının normal fəaliyyətinə qəsd edən inzibati hüquqpozmalara və gömrük qaydalarının pozulmasına görə müsadirə edilmiş malların və nəqliyyat vəsitələrinin satışından əldə edilən və yaxud onların dəyərinin tutulmasından əldə edilən vəsait, cərimələr və yığımlar;
• Azərbaycan Respublikasının gömrük orqanları tərəfindən, valyutanın tənzimlənməsi haqqında mövcud qanunvericilik və normativ aktlarının, eyni zamanda gömrük qaydalarının pozulması və ya gömrük orqanlarının normal fəaliyyətinə qəsd edən hüquqpozmalar nəticəsində müsadirə olunan valyuta;
• gömrük sisteminin inkişaf fondunun vəsaitlərinin bankların və digər kredit orqanlarının hesablarında yerləşdirmək və saxlamaqdan əldə edilən gəlirlər;
• Azərbaycan Respublikası Dövlət Gömrük Komitəsinin tabeçiliyində olan müəssisə, idarə və təşkilatların təsərrüfat hesablı fəaliyyətindən əldə edilən gəlirdən Azərbaycan Respublikasının qanunvericiliyi ilə nəzərdə tutulan vergi və rüsumlar ödənildikdən sonra qalan gəlir;
• gömrük hərraclarında iştirakdan tədiyələr və komisyon mükafatlandırılması;
• qabaqcadan qərar qəbul etməyə görə tədiyələr;
• maddi ziyanın ödənilməsi məbləği, Azərbaycan Respublikasının gömrük qanunvericiliyində nəzərdə tutulan digər gömrük tədiyələri;
• Azərbaycan Respublikasının Maliyyə Nazirliyi ilə razılaşdırılan sair daxilolmalar.

2.2. Gömrük sisteminin inkişaf fondunun vəsaiti, Azərbaycan Respublikası Dövlət Gömrük Komitəsinin banklarda və ya digər kredit idarələrində açılan hesablaşma və valyuta hesabına, habelə komitənin tabeçiliyində olan gömrük orqanlarının, idarə və təşkilatların büdcə vəsaiti üzrə cari hesabına köçürülə bilər.

• Azərbaycan Respublikasında gömrük siyasətinin işlənilməsi və həyata keçirilməsinə, Azərbaycan Respublikasının iqtisadi təhlükəsizliyinin və marağının təmin və icrasına nəzarət edilməsinə, Azərbaycan Respublikasının gömrük orqanlarına həvalə edilmiş mövcud qanunvericiliyin gözlənilməsinə;
• Azərbaycan Respublikasının xarici iqtisadi fəaliyyətinin və onun ayrı-ayrı bölmələrinin inkişafına, Azərbaycan Respublikasının beynəlxalq istehsalat kooperasiyasında iştirakına təsir göstərilməsinə;
• gömrük işi sahəsində qanun pozulmasına qarşı mübarizə aparılmasına;
• gömrük nəzarəti və gömrük rəsmiləşdirilməsinin, valyuta nəzarətinin, habelə Azərbaycan Respublikası üçün həyati əhəmiyyət kəsb edən strateji malların ixracına nəzarətin həyata keçirilməsi və təkmilləşdirilməsinə;
• Azərbaycan Respublikasında gömrük statistikasının aparılmasına, dövlət orqanlarının, müəssisə, idarə və təşkilatların, habelə vətəndaşların gömrük məsələləri üzrə beynəlxalq əməkdaşlığının təmin edilməsinə;
• gömrük idarələrinin normal işləməsi və inkişaf etdirilməsinin təmin edilməsinə;
• gömrük sisteminin maddi-texniki bazasının möhkəmləndirilməsinə və sosial sahənin inkişaf etdirilməsinə;
• gömrük orqanının vəzifəli şəxslərinə verilən geyim formasının və ərzaq payının dəyərinin ödənilməsinə;
• Azərbaycan Respublikası gömrük orqanlarının infrastrukturunun yaradılmasına, gömrük anbarlarının, müvəqqəti saxlama anbarlarının, başqa obyektlərin, habelə gömrük əməkdaşları üçün fərdi və ya kooperativ mənzil tikintisinin qismən maliyyələşdirilməsinə;
• gömrük orqanları əməkdaşlarına səhiyyə xidmətinin təşkili və xidmət səviyyəsinin yüksəldilməsinə;
• Azərbaycan Respublikası gömrük sistemi əməkdaşlarının mədəni-məişət şəraiti və sosial müdafiəsi ilə bağlı tədbirlərin büdcə maliyyələşdirilməsi hesabına mümkün olmayan hissəsini ödəmək üçün;
• gömrük kadrlarının hazırlanması, yenidən hazırlıq keçməsi, habelə Dövlət Gömrük Komitəsinin tədris müəssisələrinin saxlanılması və inkişaf etdirilməsi üçün tədbirlərin maliyyələşdirilməsinə;
• Azərbaycan Respublikası Dövlət Gömrük Komitəsinin tabeçiliyində olan elmi-tədqiqat təşkilatlarının fəaliyyətinin təmin edilməsinə və əlavə xərclərinin maliyyələşdirilməsinə;
• Azərbaycan Respublikası Dövlət Gömrük Komitəsinin sisteminə daxil olan müəssisə və təşkilatların yaradılması və fəaliyyəti ilə bağlı xərclərin maliyyələşdirilməsinə;
• gömrük orqanlarının aldığı kredit borclarının qaytarılmasına;
• Azərbaycan Respublikasının gömrük orqanlarına həvalə edilmiş vəzifələrin yerinə yetirilməsi ilə bağlı digər xərclərin maliyyələşdirilməsinə (bu xərcləri ayrılmış büdcə vəsaiti hesabına tam və ya qismən örtmək mümkün olmadığı təqdirdə);
• Azərbaycan Respublikası Dövlət Gömrük Komitəsinin tabeçiliyində olan idarə və təşkilatların maddi-maraq və sosial-mədəni tədbirlər fondunun möhkəmləndirilməsinə və onun pul vəsaiti ehtiyatının yaradılmasına.

3.2. Gömrük sisteminin inkişaf fondunun vəsaitinin xərclənməsi smetası Azərbaycan Respublikasının Maliyyə Nazirliyi ilə razılaşdırılmaqla Dövlət Gömrük Komitəsi tərəfindən müəyyən edilir və bu vəsaitin xərclənməsinə Maliyyə Nazirliyi nəzarət edir.