«Fiziki şəxslər tərəfindən istehsal və kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən sadələşdirilmiş və güzəştli qaydada keçirilməsinə dair Təlimat»a əlavələr və dəyişikliklər

1) Təlimatın 2.6. bəndində «ov silahları, habelə qanunvericiliklə müəyyən edilmiş digər silahlar, onların sursatları» sözləri «xidməti və mülki silah, onların döyüş sursatları» sözləri ilə əvəz edilsin;

2) Təlimatın 2.9. bəndində «600» rəqəmi «250» rəqəmi ilə, «aparıla» sözü isə «keçirilə» sözü ilə əvəz edilsin.

3) 3.1.1. və 3.2.3. bəndlərində «yivli odlu silah növləri, döyüş sursatı (ov silahları üçün sursatlar istisna edilməklə)» sözləri «Azərbaycan Respublikasının qanunvericiliyi ilə dövriyyəsi qadağan olunmuş xidməti və mülki silahlar» sözləri ilə əvəz edilsin.

4) 3.2. bəndindən sonra aşağıdakı redaksiyada yeni 3.3 və 3.4. bəndləri əlavə edilsin:

«3.3. Silah və onun döyüş sursatlarının fiziki şəxslər tərəfindən göndərilməsinə yol verilmir.

3.4. Odlu silah və onun döyüş sursatının poçt vasitəsi ilə göndərilməsi qadağandır».

«Azərbaycan Respublikası Mərkəzi İcra Hakimiyyəti Orqanlarının Normativ Aktlarının Bülleteni»ndə dərc edilmişdir (2004-cü il, № 8, s. 84) («AzerSoft»).