Financial and Legal Consulting of The CIS Regional Cluster
             Az | Ru | En |
          
 
 
   

«Razılaşdırılmışdır»
Azərbaycan Respublikası
Maliyyə Nazirliyi

Nazir F.Yusifov.

18 dekabr 1997-ci il.

«Təsdiq edilmişdir»
Azərbaycan Respublikası
Dövlət Gömrük Komitəsi

Komitənin sədri K.Heydərov.

Əmr ¹ 1104

25 dekabr 1997-ci il.

Azərbaycan Respublikası
Ədliyyə Nazirliyində
qeydə alınmışdır.

Qeydiyyat ¹ 82

07 yanvar 1998-ci il

nazir əvəzi S.Həsənova.

Artıq ödənilmiş və ya alınmış gömrük ödənişlərinin qaytarılması
Qaydaları

1. Ümumi müddəalar

1.1. Artıq ödənilmiş və ya alınmış gömrük ödənişləri ödəyicinin bir ildən gec olmayaraq gömrük orqanlarına təqdim edilmiş ərizəsi əsasında geriyə qaytarılır və yaxud gələcək xarici iqtisadi fəaliyyətində nəzərə alınır.

1.2. Artıq ödənilmiş və ya alınmış gömrük ödənişlərinin geriyə qaytarılması və yaxud gələcək xarici iqtisadi fəaliyyətində nəzərə alınması həmin ödənişlərin tutulmasını təmin etmiş gömrük orqanı tərəfindən həyata keçirilir.

1.3. Gömrük orqanının hesabında artıq ödənilmiş və ya alınmış gömrük ödənişinin qaytarılması üçün kifayət qədər vəsaiti olmadığı halda, onun müraciəti əsasında bu əməliyyat Dövlət Gömrük Komitəsinin icazəsi ilə onun digər gömrük orqanı tərəfindən həyata keçirilə bilər.

1.4. Gömrük ödənişləri geri qaytarıldıqda onlardan faizlər ödənilmir.

1.5. Ödənilməsinə möhlət verilmiş və ya gecikdirilmiş gömrük ödənişləri qaytarılarkən hesablanıb tutulmuş faiz və penyalar geri qaytarılmır.

1.6. Ərizədə artıq ödənilmiş və ya alınmış gömrük ödənişlərinin xarici iqtisadi fəaliyyətində istifadə olunması tələb olunarsa, onda həmin ödəniş məbləği tədiyəçinin əməliyyat apardığı hesaba köçürülür.

2. Artıq ödənilmiş və ya alınmış gömrük ödənişləri aşağıdakı hallarda geri qaytarılır

2.1. Gömrük rejiminə uyğun olaraq irəlicədən alınmış ödəniş məbləği faktiki hesablanmış ödəniş məbləğindən artıq olduqda.

2.2. Gömrük dəyərində düzəliş edilməsi halları ilə əlaqədar ödənişlər yenidən hesablandıqda.

2.3. Malların ikiqat vergiyə cəlb edilməsi ilə əlaqədar.

2.4. Təkrar idxal əməliyyatları zamanı ödənilmiş ixrac rüsumu və əlavə dəyər vergisi.

2.5. Gömrük rejimi dəyişdiyi halda qabaqcadan alınmış gömrük vergi və rüsumunun qaytarılması zərurəti yarandıqda.

2.6. Tarif dərəcəsi düzgün tətbiq edilmədiyi halda.

2.7. Gömrük vergi və rüsumlarının alınmasına verilən güzəştlərlə əlaqədar.

2.8. Gömrük nəzarəti altında məhv edilən, yaxud gətirilməsi qadağan olunan mallara (həmin mallar geri qaytarıldığı hallarda) qabaqcadan gömrük vergi və rüsumları alındıqda.

2.9. Xarici valyutanın məzənnəsinin düzgün tətbiq edilməməsi ilə əlaqədar artıq ödəniş olduqda.

2.10. İdxal olunmuş malların geri qaytarılması ilə əlaqədar.

2.11. Dövlət büdcəsinə əlavə dəyər vergisi və aksizlər üzrə artıq ödənişin qarşılıqlı şəkildə vergi orqanları ilə zaçot edilməsi ilə əlaqədar.

3. Artıq ödənilmiş və ya alınmış gömrük ödənişlərinin geri qaytarılması üçün gömrük orqanlarına aşağıdakı sənədlər təqdim edilməlidir

3.1. Artıq ödənilmiş və ya alınmış gömrük ödənişlərinin geri qaytarılması və yaxud gələcək xarici-iqtisadi fəaliyyətdə istifadəsinə icazə barədə (artıq ödənilmə və alınma səbəbləri, müəssisənin bank rekvizitləri göstərilməklə) tədiyəçinin ərizəsi.

3.2. Gömrük ödənişlərinin hesablanması və alınması üçün əsas olan sənədlərin surəti.

3.3. Gömrük ödənişlərinin alınmasını təsdiq edən bank sənədi (üzərində bankın qeydi olan ödəmə tapşırığı) və ya gömrükxananın ödənişi əks etdirən kassa mədaxil orderi.

3.4. Gömrük ödənişlərinin artıq ödənilməsini sübut edən digər sənədlər (malın qiymətini təsdiq edən sənəd, gömrük yük bəyannaməsinin surəti, müqavilə, müvafiq normativ sənədlər).

3.5. Artıq ödənişi qarşılıqlı zaçot etmək üçün təsdiqedici sənəd.

4. Son müddəalar

4.1. Artıq ödənilmiş ödəniş məbləğləri geri qaytarılarkən gömrük ödənişləri, maliyyə sanksiyası və penyadan ibarət olan borcların tədiyəçilər tərəfindən gömrük orqanlarına tam ödənilməsi nəzərə alınır.

4.2. Artıq ödənilmiş və ya alınmış gömrük ödənişlərinin geri qaytarılması üçün qərar qəbul edildikdən sonra ödəniş tapşırığı hazırlanır və icra olunmaq üçün gömrük orqanına xidmət göstərən müvəkkil banka təqdim olunur.

Gələcək xarici-iqtisadi fəaliyyətdə artıq ödənilmiş və ya alınmış gömrük ödənişlərindən istifadə olunacağı haqqında qərar qəbul edildiyi hallarda isə maliyyə inspektoru tərəfindən xüsusi reyestrin açılması təmin edilərək, yeni əməliyyatlar üçün hazırlanmış hesabın üstündə qabaqcadan artıq ödənişi təsdiq edən sənədin qeydiyyatı aparılır.

4.3. Artıq ödənilmiş gömrük ödənişlərinin geri qaytarılma halları barədə gömrük orqanları tərəfindən ərazi vergi xidməti orqanlarına məlumat verilməlidir.

© AzerSoft

Rəsmi məlumatlar Arxiv    
06.10.2007
Azərbaycan Respublikasının Prezidenti İlham Əliyev oktyabrın 2-də Prezident sarayında Qara Dəniz və Xəzər Dənizi Sahibkarlar Konfederasiyaları Birliyinin və Türk Sənayeçiləri və İş Adamları Birliyinin prezidenti Arzuxan Doğanı, Mərmərə qrupu vəqfinin sədri Akkan Suveri və ATA Holdinqin baş direktoru Əhməd Erentoku qəbul etmişdir. Azərbaycan Prezidenti ölkəmizdə “Qara dəniz və Xəzər dənizi regionunda regional birbaşa xarici investisiyalar” mövzusunda beynəlxalq konfransın keçirilməsinin böyük əhəmiyyətə malik olduğunu qeyd etdi və konfrans iştirakçılarına təbrik məktubu ünvanladığını bildirdi.

Daha ətraflı
06.10.2007
Azərbaycan və Xorvatiya arasında ikitərəfli münasibətlərin böyük perspektivləri var. Xorvatiya Prezidenti Stepan Mesiçin Azərbaycana rəsmi səfəri
Oktyabrın 2-3 tarixlərində Xorvatiya Respublikasının Prezidenti Stepan Mesiç Azərbaycanda rəsmi səfərdə olmuşdur.
Xorvatiya Respublikasının Prezidenti Stepan Mesiç oktyabrın 2-də Fəxri xiyabana gəlmişdir.
Xorvatiya dövlətinin başçısı türk dünyasının görkəmli oğlu, ümummilli lider Heydər Əliyevin xatirəsini ehtiramla anaraq, məzarı önünə əklil qoydu.
Xorvatiya Prezidenti görkəmli oftalmoloq alim, akademik Zərifə xanım Əliyevanın məzarı üstünə də tər gül dəstəsi qoydu.

Daha ətraflı
06.10.2007
MDB dövlət başçılarının növbəti zirvə toplantısı keçirilir
Oktyabrın 5-də Azərbaycan Respublikasının Prezidenti İlham Əliyev MDB üzvü olan ölkələrin dövlət başçılarının növbəti zirvə toplantısında iştirak etmək üçün Tacikistanın paytaxtı Düşənbəyə yola düşmüşdür.
Düşənbə hava limanında Prezident İlham Əliyevi Tacikistanın nəqliyyat və kommunikasiyalar naziri Əbdürəhim Aşur və MDB-nin İcraiyyə Komitəsinin sədri - icraçı katib Vladimir Ruşaylo və digər rəsmi şəxslər qarşılamışlar.

Daha ətraflı
    © 2006 — 2007, Financial and Legal Consulting of The CIS Supported by «Marco Computer Technologies» Dizayn MEQA şirkəti tərəfindən hazırlanıb