«Poçt rabitəsi haqqında» Azərbaycan Respublikası Qanununun tətbiqi ilə əlaqədar Azərbaycan Respublikasının bəzi qanunvericilik aktlarına dəyişikliklər və əlavələr edilməsi barədə

Azərbaycan Respublikasının Qanunu

Azərbaycan Respublikasının Milli Məclisi qərara alır:

I. «Rabitə haqqında» Azərbaycan Respublikasının Qanununa (Azərbaycan Respublikasının Qanunvericilik Toplusu, 1997-ci il, № 6, maddə 463; 1999-cu il, № 5, maddə 285; 2000-ci il, № 7, maddə 490; 2001-ci il, № 2, maddə 88; 2002-ci il, № 5, maddələr 237, 250; 2003-cü il, № 1, maddə 16; 2004-cü il, № 4, maddə 202) aşağıdakı dəyişikliklər və əlavələr edilsin:

1. 13-cü maddədə:

a) birinci hissədə «açıqcaların,», «çap nəşrlərinin,» və «və digər» sözləri çıxarılsın, «baratların» sözündən sonra «, poçt kartların, banderolların, kiçik paketlərin, sekoqramların, xüsusi «M» kisələrin» sözləri əlavə edilsin, «konkret ünvanlara» sözləri «ünvan sahibinə» sözləri ilə əvəz edilsin;

b) ikinci hissədə «xüsusi rejimli» sözləri «ümumi istifadədə olan və xüsusi təyinatlı» sözləri ilə əvəz edilsin;

c) üçüncü hissədə «canlı» sözü «xüsusi təyinatlı» sözləri ilə, «müvafiq feldyeger, kuryer (çapar) və dipkuryer» sözləri «dövlət-feldyeger, feldyeger-poçt və xüsusi poçt rabitəsi» sözləri ilə əvəz edilsin;

ç) maddəyə aşağıdakı məzmunda dördüncü hissə əlavə edilsin:

«Poçt rabitəsi sahəsində fəaliyyət Azərbaycan Respublikasının müvafiq qanunvericiliyi ilə tənzimlənir.».

2. 24-cü maddənin birinci hissəsində «orqanları» sözündən sonra «, bələdiyyə orqanları» sözləri əlavə edilsin.

3. 28-ci maddənin beşinci hissəsi çıxarılsın və altıncı hissə beşinci hissə hesab edilsin.

4. 29-cu maddədə:

a) birinci hissədə «və bağlamaların» sözləri çıxarılsın;

b) ikinci hissə aşağıdakı redaksiyada verilsin:

«Poçt rabitəsi operatorları poçt göndərişlərində sərhəddən keçirilməsi qadağan olunan mallar və əşyalar barədə istifadəçiləri əvvəlcədən məlumatlandırmalıdır.».

5. 33-cü maddədə:

a) ikinci hissədə «edilmiş» sözündən sonra «malların və» sözləri əlavə edilsin;

b) üçüncü hissədə «yükləri» sözü «malları» sözü ilə əvəz edilsin, «mümkün olmadıqda,» sözlərindən sonra «müəyyən olunmuş qaydada» sözləri əlavə edilsin;

c) dördüncü və altıncı hissələrdə «elan» sözü «bəyan» sözü ilə əvəz edilsin;

ç) altıncı hissədə «itirildikdə» sözündən sonra «,oğurlandıqda, xarab olduqda» sözləri əlavə edilsin.

6.36-cı maddənin birinci hissəsində «markalı zərf və açıqcalar» sözləri «zərflərin və poçt kartlarının üzərində mətbəə üsulu ilə həkk edilmiş poçt markaları, dövlət poçt ödənişi nişanlarına bərabər tutulan poçt markalayıcı maşının həkki» sözləri ilə əvəz edilsin.

7.37-ci maddədə:

a) ikinci hissədə «Rabitə operatorları qiymətli» sözləri «Poçt rabitəsi operatorları» sözləri ilə əvəz edilsin, «elan olunduğu qiymətdən» sözləri çıxarılsın, «əskik gəlməsi» sözlərindən sonra «, oğurlanması, xarab olunması» sözləri əlavə edilsin;

b) üçüncü hissədə «poçt göndərişlərindəki əşyaların əskik gəlməsinə» sözləri «oğurlanmasına, xarab olmasına, çatdırılmamasına» sözləri ilə əvəz edilsin.

II. «Yol hərəkəti haqqında» Azərbaycan Respublikası Qanununun (Azərbaycan Respublikasının Qanunvericilik Toplusu, 1998-ci il, № 9, maddə 564; 2001-ci il, № 5, maddə 298, № 11, maddələr 676, 698; 2002-ci il, № 1, maddə 9, № 8, maddə 463; 2003-cü il, № 8, maddə 424; 2004-cü il, № 2, maddə 57) 1-ci maddəsinin 20-ci bəndində «nəzərdə tutulan,» sözlərindən sonra «Milli operatora məxsus olan və poçtun daşınmasında istifadə edilən,» sözləri əlavə edilsin.

III. Azərbaycan Respublikasının Gömrük Məcəlləsinin (Azərbaycan Respublikasının Qanunvericilik Toplusu, 1997-ci il, № 6, maddə 447; 1999-cu il, № 10, maddə 570; 2001-ci il, № 11, maddələr 676, 686, 695, № 12, maddə 736; 2002-ci il, № 1, maddə 4, № 8, maddə 463; 2003-cü il, № 1, maddələr 3, 16, 23; 2004-cü il, № 2, maddə 57, № 3, maddə 133, № 6, maddə 400, № 7, maddə 505) 118-ci maddəsinin birinci hissəsində «dövlət rabitə müəssisələrinə» sözləri «poçt rabitəsi operatorlarına» sözləri ilə, «Dövlət rabitə müəssisələri» sözləri «Poçt rabitəsi operatorları» sözləri ilə əvəz edilsin.

IV. Azərbaycan Respublikasının Mülki-Prosessual Məcəlləsinə (Azərbaycan Respublikasının Qanunvericilik Toplusu, 2000-ci il, № 1, maddə 17; 2002-ci il, № 5, maddə 236; 2003-cü il, № 1, maddələr 23, 24, № 6, maddə 279; 2004-cü il, № 7, maddə 505, № 8, maddə 598, № 10, maddə 761) aşağıdakı əlavələr və dəyişikliklər edilsin:

1. Məcəlləyə aşağıdakı məzmunda 323.2-ci maddə əlavə edilsin və 323.2-ci və 323.3-cü maddələr müvafiq olaraq, 323.3-cü və 323.4-cü maddələr hesab edilsin:

«323.2. «Paylanmayan poçt göndərişlərinin açılmasına razılıq alınmasına dair ərizə 3 (üç) ayda bir dəfədən az olmayaraq, ünvan sahibinə və ya göndəriciyə çatdırılması mümkün olmayan poçt göndərişlərinin içərisindəki əşyalar, mallar və pul vəsaitlərinin sahibsiz hesab edilməsinə dair ərizə isə «Poçt rabitəsi haqqında» Azərbaycan Respublikasının Qanunu ilə müəyyən edilmiş 6 (altı) aylıq saxlama müddəti başa çatdıqdan sonra poçt rabitəsi operatoru tərəfindən məhkəməyə verilir.».

2.325-ci maddənin mətni 325.1-ci maddə hesab edilsin və Məcəlləyə aşağıdakı məzmunda 325.2-ci maddə əlavə edilsin:

«325.2. Məhkəmə paylanmayan poçt göndərişlərinin açılmasına razılıq alınması haqqında ərizəyə 5 (beş) iş günü ərzində baxmalıdır.».

3. Məcəlləyə aşağıdakı məzmunda 326.2-ci maddə əlavə edilsin və 326.2-ci maddə 326.3-cü maddə hesab edilsin:

«326.2. Məhkəmə paylanması mümkün olmayan poçt göndərişlərinin açılmasına razılıq verilməsinə dair ərizəyə baxaraq onu təmin etdikdə, belə razılığın verilməsi barədə, ünvan sahibinə və ya göndəriciyə çatdırılması mümkün olmayan və qanunla müəyyən edilmiş 6 (altı) aylıq saxlama müddəti başa çatmış poçt göndərişinin içərisindəki əşyaların, malların və pul vəsaitlərinin sahibsiz hesab edilməsinə dair ərizəyə baxaraq onu təmin etdikdə, həmin əşyaların, malların və pul vəsaitlərinin sahibsiz hesab edilməsi barədə qətnamə çıxarır.».

V. Bu Qanun dərc edildiyi gündən qüvvəyə minir.

Azərbaycan Respublikasının Prezidenti

İlham ƏLİYEV.

Bakı şəhəri, 4 mart 2005-ci il.

№ 855-IIQD.

«Azərbaycan» qəzetində dərc edilmişdir (1 may 2005-ci il, № 98) («AzerSoft»)

© AzerSoft