Azərbaycan Respublikasında müvəqqəti idxal (ixrac) edilən malların gömrük rüsumları və vergilərin ödənilməsindən tamamilə və ya qismən azad edilməsi
Qaydaları

1. Ümumi müddəalar

Bu Qaydalar Azərbaycan Respublikası Gömrük Məcəlləsinin 71-ci maddəsinə uyğun olaraq tərtib edilmiş və Azərbaycan Respublikasında müvəqqəti idxal (ixrac) edilən malların gömrük rüsumların və vergilərin ödənilməsindən tamamilə və ya qismən azad edilməsi qaydalarını müəyyən edir.

2. Müvəqqəti idxal (ixrac) edilən malların qanunvericiliklə müəyyən edilmiş gömrük vergi və rüsumlarının ödənilməsindən tamamilə azad edilməsi

2.1. Aşağıdakı hallarda gətirilən (aparılan) mallar (müvəqqəti idxalına icazə verilməyən mallar istisna olmaqla) həmin malların müvəqqəti idxal (ixrac) müddəti gömrük orqanları tərəfindən 1 ilədək müəyyən olunduqda və həmin müddət başa çatdıqdan sonra malların geri aparılacağı (gətiriləcəyi) barədə öhdəlik gömrük orqanına təqdim olunduqda, gömrük rüsumlarının və vergilərinin ödənilməsindən tamamilə azad oluna bilər:

2.1.1. xarici hüquqi şəxslərin Azərbaycan Respublikasının ərazisində (Azərbaycan Respublikasının hüquqi şəxslərinin xarici dövlətlərin ərazisində) mövcud qanunvericiliyə uyğun olaraq fəaliyyət göstərən nümayəndəliklərinin (filiallarının) Azərbaycan Respublikasının (başqa dövlətlərin) gömrük ərazisinə gəlir əldə etmək məqsədilə istifadə olunmamaq, başqa şəxslərə müvəqqəti istifadə üçün verilməmək şərtilə özünün bilavasitə istifadəsi və fəaliyyətinin təşkili üçün müvəqqəti olaraq gətirildikdə (aparıldıqda);

2.1.2. bağlanmış müqavilələrə əsasən konkret işlərin görülməsi üçün xarici hüquqi və fiziki şəxslər (ixracda Azərbaycan Respublikasının hüquqi və fiziki şəxsləri) tərəfindən gətirildikdə (aparıldıqda);

2.1.3. sərgilərdə, yarmarkalarda, beynəlxalq simpoziumlarda və bu kimi digər tədbirlərdə (istehsal və ya malın satışı nəzərdə tutulmuş kommersiya fəaliyyəti üçün təşkil olunan sərgilər istisna olmaqla) yalnız nümayiş etdirilməsi, habelə bu tədbirlərin təşkili üçün istifadə edilə biləcək müvəqqəti idxal (ixrac) olunduqda;

2.1.4. gəlir əldə etmək məqsədi ilə istifadə olunmamaq, başqa şəxslərə müvəqqəti istifadə üçün verilməmək şərtilə tədris və elmi-tədqiqat mərkəzlərində tədqiqat işlərinin aparılması üçün gətirildikdə (aparıldıqda);

2.1.5. təbii fəlakətlərin, qəzaların və bədbəxt hadisələrin aradan qaldırılmasından ötrü Azərbaycan Respublikasının dövlət orqanlarına və təşkilatlarına müvəqqəti olaraq əvəzsiz olaraq istifadəyə verilməsi üçün gətirildikdə, xarici dövlətlərə həmin hadisələrin aradan qaldırılması üçün aparıldıqda;

2.1.6. malların yüklənməsi üçün konteynerlər və onların təmiri üçün tələb olunan ehtiyat hissələri gətirildikdə (aparıldıqda);

2.1.7. malların qablaşdırılması üçün çoxdövriyyəli taralar gətirildikdə (aparıldıqda);

2.1.8. hüquqi və fiziki şəxslərin mülkiyyətində qalmaqla sifarişlərin alınması və nümayiş etdirilməsi üçün (sayı ikidən artıq olmamaqla) gəlir əldə edilməmək məqsədilə nümunələr gətirildikdə (aparıldıqda);

2.1.9. nümayiş etdirilməsi üçün məhdudlaşdırılmış sayda və satışı nəzərdə tutulmayan reklam materialları (kataloqlar, preyskurantlar, kommersiya prospektləri) müvəqqəti gətirildikdə (aparıldıqda), bir alıcı üçün bu materiallar bir nüsxədə və ya ümumi çəkisi 1 kq-a qədər olduqda;

2.1.10. malların xüsusiyyətlərinin nümayiş etdirilməsi üçün və satışı nəzərdə tutulmayan reklam filmləri (məhdud nüsxədə) müvəqqəti gətirildikdə (aparıldıqda);

2.1.11. istifadəsindən gəlir əldə etmək məqsədi güdülməyən sınaqların, təcrübələrin keçirilməsi, xüsusiyyət və xarakteristikalarının nümayiş etdirilməsi üçün müvəqqəti gətirildikdə (aparıldıqda);

2.1.12. hüquqi və fiziki şəxslərin mülkiyyətində qalmaqla müalicə və digər tibb müəssisələrinə əvəzsiz müvəqqəti istifadəyə verilməsi üçün tibb avadanlıqları və ləvazimatları gətirildikdə (aparıldıqda);

2.1.13. idman tədbirlərində və məşqlərdə istifadə etmək üçün satılmaması şərtilə idman malları müvəqqəti gətirildikdə (aparıldıqda);

2.1.14. teatr və sirk tamaşalarının, konsertlərin və bu kimi digər tədbirlərin keçirilməsi üçün xüsusi geyimlər, musiqi alətləri, səhnə ləvazimatları və rekvizitlər müvəqqəti olaraq gətirildikdə (aparıldıqda);

2.1.15. təlim, ələ öyrətmə, çoxaltma, baytarlıq müalicəsi, turizm, təcrübə keçmə, xilasetmə əməliyyatlarında istifadə və digər xüsusi tədbirlərin həyata keçirilməsi, bu kimi digər tədbirlər üçün heyvanlar müvəqqəti gətirildikdə (aparıldıqda);

2.1.16. foto və kino müsabiqələrində nümayiş etdirmək üçün kino videofilmlər və fotoşəkillər (əgər bunların istifadəsi gəlir əldə etmək məqsədi daşımırsa) müvəqqəti gətirildikdə (aparıldıqda).

3. Müvəqqəti idxal (ixrac) olunan malların qanunvericiliklə müəyyən edilmiş gömrük vergi və rüsumlarının ödənilməsindən qismən azad edilməsi

3.1. Bu Qaydaların 2.1. yarımbəndində göstərilən məqsədlər üçün gətirilən (aparılan) malların müvəqqəti idxal (ixrac) müddəti uzadıldığı təqdirdə, habelə müvəqqəti idxal (ixrac) edilməsinə icazə verilən digər mallara mövcud qanunvericiliyə uyğun olaraq gömrük rüsumlarının və vergilərinin ödənilməsindən qismən azad etmə tətbiq oluna bilər.

3.2. Bu Qaydaların 2.1. yarımbəndindən göstərilən məqsədlər üçün gətirilən (aparılan) malların müvəqqəti idxal (ixrac) müddəti uzadılmadıqda və ya müvəqqəti idxal (ixrac) müddəti başa çatmadan idxalçının (icracatçının) arzusu ilə sərbəst tədavül üçün buraxılış rejimi altında bəyan edildikdə, müvəqqəti idxal (ixrac) rejimi ilə bəyan olunduğu günə qüvvədə olan gömrük rüsumlarının və vergilərinin dərəcələri və gömrük dəyəri əsas götürülür.

3.3. Gömrük rüsumlarının və vergilərinin ödənilməsindən qismən azad edilmə hallarında hər bir ay üçün müvəqqəti idxal (ixrac) rejimində bəyan edilən günə sərbəst dövriyyə üçün buraxılış rejimində ödənilməli olan gömrük rüsumlarının və vergilərinin məbləğlərinin 3 faizi (sonralar — dövrü gömrük ödəmələri) ödənilir.

Dövrü gömrük ödəmələri müvəqqəti idxal (ixrac) rejimi ilə bəyan olunmaqla yük gömrük bəyannaməsi qəbul olunan günə qüvvədə olan gömrük rüsumlarının və vergilərinin dərəcələri gömrük dəyəri əsas götürülməklə ABŞ dolları ilə hesablanır və ödənilmə tarixinə Azərbaycan Respublikası Milli Bankının müəyyən etdiyi məzənnəyə uyğun olaraq manatla ödənilir.

3.4. Dövrü gömrük ödəmələrinin hesablanmış məbləğləri Dövlət Gömrük Komitəsinin müvəqqəti idxala (ixraca) icazə vermiş müvafiq gömrük orqanı tərəfindən müəyyən edilmiş müddətlərdə ödənilir.

3.5. Dövrü gömrük ödəmələrinin uçotu və ödənilməsinə nəzarət gömrük vergi və rüsumları üçün müəyyən edilmiş qaydada aparılır.

3.6. Malların geri aparılması, yaxud digər gömrük rejiminə keçirilməsi hallarında dövrü gömrük ödəmələrinin ödənilmiş məbləğləri geri qaytarılmır.

3.7. Gömrük rüsumlarının və vergilərinin ödənilməsindən qismən azad edilməklə müvəqqəti gətirilmiş (aparılmış) mallar sərbəst dövriyyə üçün buraxılış gömrük rejiminə keçirilməsi hallarında dövrü gömrük ödəmələrinin ödənilmiş məbləğləri malların sərbəst dövriyyə üçün buraxılış rejiminə uyğun rəsmiləşdirilməsi üçün ödənilməli olan gömrük rüsumlarının və vergilərinin məbləğinə daxil edilir.

3.8. Mövcud qanunvericiliyə uyğun olaraq gömrük ödənişlərinin ödənilməsinə möhlət verilməsi və ya vaxtının uzadılması hallarında, mallar müvəqqəti idxal (ixrac) gömrük rejimi altında olduğu müddətə, habelə dövrü gömrük ödənişləri üçün Azərbaycan Respublikası Milli Bankının verdiyi kreditlər üzrə həmin bankın müəyyən etdiyi dərəcələrə uyğun olaraq faizlər alınır və tam həcmdə dövlət büdcəsinə köçürülür.

3.9. Müvəqqəti gətirilmiş (aparılmış) malların idxal (ixrac) müddətinin uzadılması ilə əlaqədar gömrük rüsumlarından və vergilərindən qismən azad olunmasına, həmin malların sərbəst dövriyyəyə buraxılmasına deklarantlar tərəfindən Dövlət Gömrük Komitəsinin müəyyən etdiyi qaydada gömrük orqanlarına təqdim edilən sənədlər əsasında baxılır.

3.10. Aşağıdakı malların müvəqqəti idxalına yol verilmir: