Azərbaycan Respublikasında baytarlıq nəzarətində olan yüklərin ixracı və idxalının tərtibatı haqqında Qaydalar

	Financial and Legal Consulting of The CIS Regional Cluster

Az \| Ru \| En \|

Organizations territory/location

Poçt göndərilmə

İnformasiya-Sorğu Mərkəzi

Azərbaycan Respublikası Ədliyyə Nazirliyində 21 may 1998-ci il tarixdə qeydə alınmışdır. Qeydiyyat № 102 Ədliyyə naziri	Azərbaycan Respublikası Dövlət Baytarlıq Komitəsinin 12 may 1998-ci il tarixli 33№-li əmri ilə təsdiq edilmişdir. Dövlət Baytarlıq Komitəsinin sədri
S. HƏSƏNOVA	M. HÜSEYNOV

Azərbaycan Respublikasında baytarlıq nəzarətində olan yüklərin ixracı və idxalının tərtibatı haqqında
Qaydalar

Bu Qaydalar «Baytarlıq Təbabəti haqqında» Azərbaycan Respublikasının Qanununun müddəalarının icrası məqsədi ilə tərtib edilmişdir.

1. Ümumi əsaslar

Bu Qaydalarda nəzərdə tutulmuş «idxal», «ixrac» və «Beynəlxalq tranzit» terminləri Azərbaycan Respublikasının sərhədlərindən keçən baytarlıq nəzarətində olan yüklərə aid edilir (əlavə № 1).

Üçüncü ölkələrin ərazisindən tranzit haqqında icazə üçün sənədlərin tərtibatını (MDB ölkələrindən kənara) bilavasitə yük sahibi təmin edir.

Tabeliyindən və təşkilati-hüquqi formasından asılı olmayaraq respublika ərazisində yerləşən heyvandarlıq məhsullarının tədarükü, saxlanması, emalı və idxal, ixrac əməliyyatları ilə məşğul olan bütün hüquqi şəxslərin bu sahədəki fəaliyyəti daima Azərbaycan Respublikası Dövlət baytarlıq xidmətinin nəzarəti altında olmalıdır və həmin təşkilatların heyvan mənşəli yükləri idxal-ixrac etməsinə Komitə tərəfindən icazə verilir.

«Baytarlıq Təbabəti haqqında» Azərbaycan Respublikası Qanununun 5-ci maddəsinə müvafiq olaraq və bu Qaydalara riayət edilməklə (epizootik vəziyyətinə görə Azərbaycan Respublikası Dövlət Baytarlıq Komitəsi tərəfindən qadağa tətbiq olunan ölkələr istisna olmaqla) baytarlıq nəzarətində olan yüklərin Naxçıvan Muxtar Respublikasında idxal və ixrac əməliyyatlarının tərtibatının Naxçıvan MR Baytarlıq Komitəsi tərəfindən aparılmasına icazə verilir. Qaydaların 1 nömrəli əlavəsinin 4-cü bölməsində göstərilən dərman, bioloji preparatlar və ləvazimatların Azərbaycan Respublikasına, o cümlədən Naxçıvan Muxtar Respublikasına idxal və ixracı yalnız Azərbaycan Respublikası Dövlət Baytarlıq Komitəsinin icazəsi ilə həyata keçirilir.

Sərnişinlərə məxsus ev heyvanlarının (it, pişik, bəzək quşları və s.) idxal və ixracı zamanı da bu Qaydalara riayət olunmalıdır.

Məhv olmaq təhlükəsi altında olan məməlilərin, quşların, amfibiyaların, reptililərin, balıqların, ilbizlərin, həşəratların, onların törəmələrinin müəyyən hissələrinin və ov qənimətlərinin idxalına, məhv olmaq təhlükəsi altında olan vəhşi fauna və floranın növlərini ixrac edən ölkənin bu sahədə müvafiq orqanlarının icazəsi olduqda yol verilir. Qeyd edilən yüklərin Azərbaycan Respublikasından ixracı Respublika Ekologiya və Təbiəti Mühafizə Komitəsinin müvafiq icazəsi olduqda sənədləşdirilir.

2. İxrac zamanı tələb olunan qaydalar

Dövlət Baytarlıq nəzarətində olan yüklərin (əlavə № 1) Azərbaycan Respublikasından ixracı Dövlət Baytarlıq Komitəsinin rəsmi icazəsindən sonra həyata keçirilir. Yük sahibi yükü idxal edən ölkənin mərkəzi dövlət baytarlıq orqanlarından baytarlıq-sanitariya tələblərini əldə edir və onu Azərbaycan dilinə tərcümə etdirərək əsli ilə birlikdə Komitəyə təqdim edir.

Dövlət baytarlıq nəzarətində olan yüklərin Azərbaycan Respublikasından ixrac edilməsinə icazə almaq üçün yük sahibi ən azı 30 gün əvvəl həmin ərazidə yerləşən rayon, şəhər və Naxçıvan Muxtar Respublikasının Dövlət Baytarlıq xidmətinə məktubla müraciət edir. Bu zaman məktubda yükün və nəqliyyatın növü, yüklənmə məntəqəsi, göndərilən ölkə və yola salınma vaxtı, sərhəddən keçdiyi yer göstərilir və yükü idxal edən ölkənin baytarlıq tələbləri (orijinal və Azərbaycan dilinə tərcüməsi), müqavilə ekspertizaları, epizootik vəziyyətdən asılı olaraq yükün hansı inzibati ərazidən tədarük olunması haqqında məlumatları, damazlıq heyvanları ixrac edilərkən isə Dövlət damazlıq orqanının rəyi məktuba əlavə edilir.

Şəhər və rayonların baytarlıq xidməti və Naxçıvan MR Baytarlıq Komitəsi təqdim olunan yükün ixrac edilməsinə baxmaq üçün həmin yükün xüsusiyyətlərini, ərazinin epizootik vəziyyətini və baytarlıq tələblərinə uyğun olaraq laboratoriya müayinələrinin aparılmasını nəzərə alır. Yerdə həmin məsələlərin həlli mümkün olmadıqda Komitəyə müraciət edir.

Məsələnin müsbət həlli zamanı Dövlət Baytarlıq Komitəsi (Naxçıvan MR Baytarlıq Komitəsi) lazımi işlərin aparılması və sənədlərin tərtibatı üçün rayon (şəhər) baytarlıq xidmətinə göstəriş verir. Yükün baytarlıq-sanitariya tələblərinə uyğun hazırlanması ixrac edənin və yerli dövlət baytarlıq xidmətinin nümayəndəsinin birgə iştirakı ilə həyata keçirilir. İdxal-ixrac zamanı laboratoriya müayinələrini Komitə tərəfindən icazəsi olan Dövlət baytarlıq laboratoriyaları aparır. Zəruri hallarda müayinələrin aparılmasına və rəy verilməsinə elmi tədqiqat institutları cəlb oluna bilər.

Rayon (şəhər) baytarlıq idarələri yük çıxan ərazinin baytarlıq xidmətinin nəzarəti altında və müəyyən edilmiş qaydada əməl olunmaqla yükə baytarlıq şəhadətnaməsi tərtib edir və möhürünü vurur. Həmin şəhadətnamədə idxal edən ölkənin tələblərinin yerinə yetirilməsi haqqında tam məlumat olmaqla Dövlət Baytarlıq Komitəsi tərəfindən verilmiş icazənin tarixi və nömrəsi «xüsusi qeydiyyat» yerində qeyd edilir.

Baytarlıq şəhadətnaməsinin düzgün tərtib olunmasına və qüvvədə olan qayda, təlimat və normativ sənədlərin tələblərinə uyğun gəlməsinə rayon (şəhər) və eləcə də baytarlıq şəhadətnaməsinin verilməsinə hüququ olan baytarlıq orqanları bilavasitə məsuliyyət daşıyırlar.

Yük respublikanın dövlət sərhədlərindəki buraxılış məntəqəsindən keçərkən yük sahibi baytarlıq şəhadətnaməsini və yuxarı baytarlıq orqanı tərəfindən yükün respublikadan ixracına verilmiş rəsmi icazəni sərhəd baytar nəzarəti məntəqəsinə təqdim edir və əvəzində baytarlıq sertifikatını alır.

Dövlət baytarlıq nəzarətində olan yüklərin təkrar ixracı (reeksport) ixrac zamanı tələb olunan qaydalara tam riayət edilməklə həyata keçirilir.

Yükün tranziti zamanı yük göndərən ölkənin dövlət baytarlıq orqanı ərazisindən yük tranzit keçən ölkənin dövlət baytarlıq orqanından əvvəlcədən müvafiq icazə alır.

3. İdxal zamanı tələb olunan qaydalar

Dövlət Baytarlıq nəzarətində olan yüklərin (əlavə № 1) xarici ölkələrdən Azərbaycan Respublikasına gətirilməsi Azərbaycan Respublikası Dövlət Baytarlıq Komitəsinin rəsmi icazəsi ilə həyata keçirilir.

Baytarlıq nəzarətində olan yükün respublikaya gətirilməsi üçün yük sahibi ən azı 30 gün əvvəl yükün xüsusiyyətlərini, miqdarını, idxalın məqsədini, yük göndərən ölkənin adını, respublikaya daxil olan buraxılış məntəqəsini, heyvanın karantinə qoyulma və məhsulun anbarlaşdırılması yerləri haqda məlumatları göstərməklə, sənədləri Dövlət Baytarlıq Komitəsinə təqdim edir. Müraciətə yükü ixrac edən ölkənin Azərbaycan Respublikası Dövlət Baytarlıq Komitəsi ilə razılaşdırılmış baytarlıq sertifikatını, Azərbaycan Respublikasının Dövlət baytarlıq orqanının tələblərini özündə əks etdirən müqavilə, yararlılıq müddəti göstərilməklə uyğunluq, keyfiyyət və mənşə sertifikatları əlavə olunur.

Rayon (şəhər) baytarlıq xidməti dövlət baytarlıq nəzarətində olan yükün rayonun (şəhərin) ərazisinə gətirilməsi mümkünlüyünə baxır və idxal olunan məhsulun saxlanması yerini və qaydasını, gətirilən heyvanların karantinə qoyulma yerini Dövlət Baytarlıq Komitəsi ilə razılaşdırır.

Xarici ölkələrdən heyvan mənşəli məhsulların idxalı, həmin ölkənin epizootik vəziyyətindən asılı olaraq ixrac edən ölkə qarşısında Komitə tərəfindən qoyulmuş əlavə baytarlıq-sanitariya tələbləri əsasında həyata keçirilir. Bu tələblər yükə verilən baytarlıq sertifikatında göstərilir və ya əlavə edilir.

Dövlət Baytarlıq Komitəsi tərəfindən baytarlıq haqqında qanunvericilik aktlarının tələblərinə uyğun qoyulan aşağıdakı şərtlərə yük sahibi tərəfindən riayət olunmalıdır:

ixrac edən ölkənin epizootik vəziyyətindən asılı olaraq Dövlət Baytarlıq Komitəsinin tələbi ilə Dövlət baytarlıq nəzarətindəki yükləri idxal və ixrac edən ölkələrin dövlət baytarlıq orqanlarının qarşılıqlı razılaşdırılmış baytarlıq sertifikatlarının təqdim edilməsi;
yükü idxal edən nəqliyyat vasitəsi açılarkən Komitə tərəfindən müəyyən olunmuş baytarlıq laboratoriyasının və yerli dövlət baytarlıq orqanının mütəxəssislərinin iştirakının təmin edilməsi.

Azərbaycan Respublikasına qaramal, qoyun, donuz və quş əti və ət məhsulları yalnız attestasiya olunmuş istehsal və emal müəssisələrindən idxal olunur.

Dövlət Baytarlıq Komitəsindən rəsmi razılıq alındıqdan sonra baytarlıq nəzarətində olan yüklərin respublikaya idxalı barədə alıcı tərəf xarici ölkə ilə müqavilə bağlaya bilər.

İdxal edən tərəf müqaviləyə onun ayrılmaz hissəsi kimi Azərbaycan Respublikasının baytarlıq-sanitariya tələblərini və ya müvafiq baytarlıq sertifikatının nümunəsini daxil etməyə borcludur.

Baytarlıq nəzarətində olan yüklər dövlət sərhədində nəzarətdən keçirilərkən həmin yükün respublikaya gətirilməsi üçün Komitənin icazəsi olduğu təqdirdə baytarlıq və keyfiyyət (sağlamlıq) sertifikatlarının ekspertizası aparılır və yükün sərhəddən buraxılması məsələsinə baxılır. Yük respublikaya daxil olduqda sərhəd baytar nəzarəti xidməti baytarlıq sertifikatını baytarlıq şəhadətnaməsi ilə əvəz edir. Baytarlıq şəhadətnaməsində yükün idxalına Dövlət Baytarlıq Komitəsinin verdiyi icazənin nömrəsi qeyd olunur.

İdxal edilmiş dövlət baytarlıq nəzarətindəki yüklərin ünvanının, istifadəsi qaydalarının və digər şərtlərin dəyişdirilməsi rayon (şəhər) baytarlıq xidmətinin təqdimatı əsasında Dövlət Baytarlıq Komitəsinin icazəsi ilə həyata keçirilir.

Yük sahibi yükü yola salarkən hər partiya yükü və ya nəqliyyat vasitəsini müşayiət edən baytarlıq sertifikatının əsli ilə təmin edərək yük sərhəddən daxil olarkən onları dövlət baytarlıq xidmətinə təqdim etməlidir və yükün sertifikatında göstərilən tələblərə uyğun hazırlanmasına, temperatur rejiminə riayət olunmaqla nəql olunmasına və saxlanmasına cavabdehdir.

Dövlət qeydiyyatına alınması tələb olunan dövlət baytarlıq nəzarətindəki yüklər (bütün növ yemlər, yem əlavələri, bioloji preparatlar, dərman preparatları, virusların, bakteriyaların, göbələklərin diri kulturaları və ştammları) yalnız respublika dövlət baytarlıq orqanında qeydiyyata alındıqdan sonra idxalına icazə verilə bilər.

4. Müvəqqəti idxal və ixrac əməliyyatları

Dövlət baytarlıq nəzarətində olan yüklərin — heyvan, heyvan mənşəli xammal və məhsulların müvəqqəti idxalı və ixracı zamanı bu «Qaydalar»ın 2 və 3-cü bəndlərində göstərilən ümumi tələblərə uyğun həyata keçirilir.

Sərgi, yarmarka, zoopark və sirk heyvanlarının müvəqqəti ixracına bu heyvanlar çıxan ərazi yoluxucu xəstəliklərə görə salamat olduğu və nəql edilməzdən əvvəl 1 ay müddətində nəzarəti təmin edildiyi təqdirdə icazə verilə bilər. Müvəqqəti ixrac olunmuş heyvanlar geri qaytarılarkən 10 gün müddətində təcrid olunaraq baytarlıq nəzarətində saxlanılır.

5. İxrac və idxal üçün hazırlanan baytarlıq sənədlərinin tərtibatında pozuntulara, saxtakarlığa və həmin sənədlərin səlahiyyəti olmadan imzalanmasına yol verən baytar mütəxəssisləri və digər şəxslər inzibati qaydada məsuliyyət daşıyırlar.

Dövlət baytarlıq nəzarətində olan yüklərin daşınması üçün baytarlıq sənədlərinin tərtibatı və digər təşkilati işlər (heyvanların karantinə qoyulması, yemlə təmin edilməsi, müayinə üçün nümunələrin ötürülməsi, nəqliyyatla təminat və digər məsələlər) yük göndərən və ya yük qəbul edən təşkilatlar tərəfindən həyata keçirilir.

Sənədlərin tərtibatına, baytarlıq işləmələrinə və laboratoriya müayinələrinə aid bütün xərcləri Maliyyə Nazirliyi ilə razılaşdırılmış Preyskurant əsasında yük sahibi ödəyir.

Əlavə № 1

Azərbaycan Respublikasında Dövlət baytarlıq nəzarətindəki yüklərin

SİYAHISI

I. 1 №-li forma üzrə baytarlıq şəhadətnaməsi verilən yüklər:

1. Bütün növ heyvanlar (kənd təsərrüfatı, ev, vəhşi, zoopark, dəniz, xəzdərili, sirk, laborator və s.).

2. Bütün növ quşlar (ev, vəhşi, dekorativ və s.).

3. Arılar, ipək-barama qurdları.

4. Dekorativ həşəratlar, suda-quruda yaşayanlar, sürünənlər və reptililər.

5. Balıqlar (o cümlədən dekorativ), qurbağalar, xərçənglər, dəniz onurğasızları və digər hidrobioitlər, şərab ilbizləri.

6. Balıq kürüsü, embrionlar, rüşeymlər, heyvan sperması.

7. İnkubator yumurtaları.

8. Balıqlar üçün canlı yem (o cümlədən qaramus, artemiya, selina).

II. 2 №-li forma üzrə baytarlıq şəhadətnaməsi verilən yüklər:

1. Ev, vəhşi, dəniz heyvanlarının və quşların cəmdəkləri, yarımcəmdək, dörddəbir cəmdək, blok ətləri və emal olunaraq qida üçün icazə verilmiş məhsulları (yarımfabrikatlar).

2. Kəsilmiş heyvanların içalat məhsulları, əridilmiş və ya əridilməmiş piy, qurudulmuş və konservləşdirilmiş qan və ərzaq təyinatlı digər məhsullar.

3. Çiy hisə verilmiş, duzlanmış, bişirilmiş, bişirilib hisə verilmiş, yarımhisə verilmiş ət məhsulları.

4. Qida albumini, jelatin, kazein.

5. Süd və süd məhsulları.

6. Ət, balıq, süd konservləri.

7. Arı balı.

8. Balıqlar, xərçəngkimilər, digər hidrobioitlər, qida məqsədilə onlardan hazırlanmış məhsullar

9. Quş yumurtası, yumurta tozu və yumurta melanjı.

III. 3 №-li forma üzrə baytarlıq şəhadətnaməsi verilən yüklər

1. Endokrin xammalı.

2. Bağırsaq xammalı.

3. Qidaya yararsız içalat məhsulları.

4. İşlənib hazırlanmış buynuz-dırnaq xammalı, o cümlədən sümük.

5. Dəri və xəz-dəri xammalı.

6. Tük (qıl, yun, tiftik, lələk və s.).

7. Dəri sıyrıntısı və kəsikləri.

8. Texniki albumin.

9. Öd.

10. Mum, vərəmum, arı şanı, arı südü, arı zəhəri.

11. İlan zəhəri.

12. Bioloji sənaye üçün xammal.

13. Ovçuluq qənimətləri.

14. Mülyaj, kolleksiyalar, heyvanların zoologiyası, anatomiyası və paleontologiyası üzrə kolleksiya əşyaları.

15. Heyvan mənşəli yemlər (sümük unu, ət unu, balıq unu və başqa yemlər).

16. Yem qarışıqları, yem əlavələri.

17. Yem təyinatlı mikrobioloji sintez məhsulları.

18. Bitki mənşəli yemlər (taxıl yem məhsulları, pambıq çiyidi və qabığı, qarışıq yem, qaba yemlər, cecə, habelə bitki mənşəli qablaşdırma vasitələri, ot, küləş və s.).

19. Peyin (quş peyini).

IV. Dövlət Baytarlıq Komitəsində qeydiyyata alındıqdan sonra idxal-ixrac olunan yüklər

1. Bioloji preparatlar (serumlar, peyvənd vasitələri, diaqnostikalar və s.).

2. Baytarlıq dərman preparatları.

3. Virusların, bakteriyaların, göbələklərin diri kulturaları və ştammları.

4. Baytarlıq ləvazimatları.

Rəsmi məlumatlar

Arxiv

06.10.2007
Azərbaycan Respublikasının Prezidenti İlham Əliyev oktyabrın 2-də Prezident sarayında Qara Dəniz və Xəzər Dənizi Sahibkarlar Konfederasiyaları Birliyinin və Türk Sənayeçiləri və İş Adamları Birliyinin prezidenti Arzuxan Doğanı, Mərmərə qrupu vəqfinin sədri Akkan Suveri və ATA Holdinqin baş direktoru Əhməd Erentoku qəbul etmişdir. Azərbaycan Prezidenti ölkəmizdə “Qara dəniz və Xəzər dənizi regionunda regional birbaşa xarici investisiyalar” mövzusunda beynəlxalq konfransın keçirilməsinin böyük əhəmiyyətə malik olduğunu qeyd etdi və konfrans iştirakçılarına təbrik məktubu ünvanladığını bildirdi.

Daha ətraflı

06.10.2007
Azərbaycan və Xorvatiya arasında ikitərəfli münasibətlərin böyük perspektivləri var. Xorvatiya Prezidenti Stepan Mesiçin Azərbaycana rəsmi səfəri
Oktyabrın 2-3 tarixlərində Xorvatiya Respublikasının Prezidenti Stepan Mesiç Azərbaycanda rəsmi səfərdə olmuşdur.
Xorvatiya Respublikasının Prezidenti Stepan Mesiç oktyabrın 2-də Fəxri xiyabana gəlmişdir.
Xorvatiya dövlətinin başçısı türk dünyasının görkəmli oğlu, ümummilli lider Heydər Əliyevin xatirəsini ehtiramla anaraq, məzarı önünə əklil qoydu.
Xorvatiya Prezidenti görkəmli oftalmoloq alim, akademik Zərifə xanım Əliyevanın məzarı üstünə də tər gül dəstəsi qoydu.

Daha ətraflı

06.10.2007
MDB dövlət başçılarının növbəti zirvə toplantısı keçirilir
Oktyabrın 5-də Azərbaycan Respublikasının Prezidenti İlham Əliyev MDB üzvü olan ölkələrin dövlət başçılarının növbəti zirvə toplantısında iştirak etmək üçün Tacikistanın paytaxtı Düşənbəyə yola düşmüşdür.
Düşənbə hava limanında Prezident İlham Əliyevi Tacikistanın nəqliyyat və kommunikasiyalar naziri Əbdürəhim Aşur və MDB-nin İcraiyyə Komitəsinin sədri - icraçı katib Vladimir Ruşaylo və digər rəsmi şəxslər qarşılamışlar.

Daha ətraflı





© 2006 — 2007, Financial and Legal Consulting of The CIS	Supported by «Marco Computer Technologies»	Dizayn MEQA şirkəti tərəfindən hazırlanıb