• Azərbaycan Respublikasının gömrük işini aparan icra hakimiyyəti orqanı tərəfindən lisenziyaların verilməsi və lisenziyaların fəaliyyətinin bərpa edilməsinə görə yığımların alınması üçün;
• gömrük rəsmiləşdirilməsi üzrə mütəxəssislərə ixtisas attestatlarının verilməsi və attestatların bərpa edilməsinə görə yığımların alınması üçün;
• malların saxlancına görə gömrük yığımlarının alınması üçün;
• malların gömrük müşayiətinə görə gömrük yığımlarının alınması üçün;
• məlumatlaşdırma və məsləhətverməyə görə haqqın ödənişi üçün;
• vahid dərəcə ilə alınan gömrük ödənişləri üçün;
• ilkin qərarların qəbuluna görə haqqın alınması üçün;
• gömrük auksionlarında iştirak etməyə görə haqqın alınması üçün.

Gömrük rəsmiləşdirilməsi Gömrük Yük Bəyannaməsi ilə həyata keçirilərkən gömrük tədiyələrinin hesablanması və alınması üçün GMO-dan istifadə edilmir.

1.4. Malları və ya ödənişləri sadalamaq üçün yer çatışmadıqda GMO-nun əlavə vərəqləri doldurulur.

1.5. Gömrük mədaxil orderinin əlavə vərəqəsi (gələcəkdə — ƏGMO) iki özüəksetdirən vərəqədən ibarət olub, ciddi hesabat blankı hesab olunmur. ƏGMO gömrük orqanının vəzifəli şəxsi tərəfindən (icraçı inspektor) iki nüsxədə doldurulur və GMO-nun gömrük orqanında saxlanılan birinci və ikinci nüsxəsinə əlavə olunur. ƏGMO gömrük mədaxil orderinin ayrılmaz hissəsi hesab olunur və ancaq nömrə qoyulduqdan sonra GMO-nun əlavəsi kimi istifadə oluna bilər.

1.6. Doldurulmuş GMO və ƏGMO kargüzarlığın aparılması qaydalarına müvafiq olaraq üç il müddətində saxlanılır. ƏGMO rəsmiləşdirildiyi və GMO-dan ona məlumat nömrəsi köçürüldüyü andan ciddi hesabat sənədi hesab olunur.

Qrafa 1. «Orderin tipi»

Qrafada göstərilir:

• «1» — əgər tədiyəçi fiziki şəxsdirsə;
• «2» — əgər tədiyəçi müəssisə, idarə və ya təşkilatdırsa;

Qrafa 2. «Əlavə vərəqələr»

Qrafada gömrük mədaxil orderinə əlavə edilmiş vərəqələrin miqdarı göstərilir. Əgər ƏGMO doldurulmursa, GMO-nun həmin qrafasında xətt çəkilir.

Qrafa 3. «Məlumat nömrəsi»

Qrafada GMO-nun nömrəsi və rəsmiləşdirmə tarixi aşağıdakı sxem üzrə göstərilir.

Burada:

• element 1 — gömrük orqanının üçrəqəmli kodu;
• element 2 — gömrük postunun ikirəqəmli kodu;
• element 3 və 4 — gömrük mədaxil orderinin rəsmiləşdirildiyi tarix (gün və ay);
• element 5 — cari ilin son rəqəmi;
• element 6 — GMO-nun altı rəqəmli sıra nömrəsi;
• element 7 — beynəlxalq poçt göndərişləri zamanı doldurulur.

Qrafa 4. «Tədiyəçi»

Qrafada gömrük tədiyəsinin tədiyəçisi haqqında məlumat göstərilir. Əgər tədiyəçi fiziki şəxsdirsə, onda bu qrafada fiziki şəxsin poçt ünvanı, familiyası, adı və atasının adı; şəxsiyyətini təsdiq edən sənəd haqqında məlumatlar əks etdirilir.

Əgər fiziki şəxs hüquqi şəxs yaratmadan sahibkarlıq fəaliyyəti ilə məşğul olan subyektdirsə, əlavə olaraq qeydiyyat haqqında şəhadətnamənin nömrəsi, fəaliyyət müddəti, kim tərəfindən və nə vaxt verildiyi qeyd edilir.

Qrafa 5. «Ödəniş valyutası»

Qrafada ödəniş valyutasının adı, Respublika Milli Bankının müəyyən etdiyi məzənnəyə uyğun ABŞ dollarına münasibətdə kursu, kodu göstərilir.

Qrafa 6. «Əlavə məlumat»

Qrafada təqdim olunan sənədlərin ardıcıl nömrə ilə adı göstərilir.

• 1 — nəqliyyat sənədlərinin nömrəsi;
• 2 — yük gömrük bəyannaməsinin nömrəsi;
• 3 — beynəlxalq poçt göndərişlərinin;
• 4 — digər sənədlərin nömrəsi və tarixi.

Gömrük ödənişləri vahid tarif dərəcəsi üzrə fiziki şəxslər tərəfindən gətirilən minik avtomobilləri üçün tətbiq olunarkən (XİF MN-nın 8703-cü kodu) bu qrafada minik avtomobilinin markası, identifikasiya nömrəsi, buraxılış ili, ödəniş valyutasının kursu göstərilir.

Gömrük yığımlarının hesablanması zamanı bu qrafada yığımların stavkası, əgər bu tədiyələrin ölçüsü şərti maliyyə vahidi   məbləğinə uyğun olaraq müəyyən edilərsə, müəyyən edilmiş şərti maliyyə vahidi   məbləği göstərilir.

Gömrük sərhədindən keçirilən bir adda mal üçün gömrük tədiyəsi hesablanarkən bu qrafada malın adı və XİF MN üzrə kodu, kiloqramla çəkisi, miqdarı və mənşə ölkəsi göstərilir.

Qrafa 7. «Tutulan gömrük tədiyəsinin adı»

Qrafada bu sənəd üzrə hesablanan bütün gömrük tədiyələrinin adı göstərilir.

7.1 yarımqrafasında gömrük tədiyəsinə cəlb olunan malın ümumi gömrük dəyəri göstərilir (aşağı hissəsində ödəniş valyutası üzrə, yuxarı hissəsində statistika üçün ABŞ dolları ilə).

Malın adı, miqdarı, dəyəri, habelə hər bir mal üzrə tədiyənin stavkası və məbləği ƏGMO-nun 4-cü qrafasında göstərilir. Bu zaman ƏGMO-nun 2-ci qrafasında vərəqələrin ardıcıl nömrəsi, 3-cü qrafada isə GMO-nun məlumat nömrəsi təkrarlanır.

ƏGMO-da yer çatışmadıqda, həmçinin mal 10 addan çox olduqda, növbəti ƏGMO doldurulur.

Qrafa 8. «Gömrük tədiyələrinin hesablanılması»

Qrafanın birinci sütununda — Gömrük tədiyələri təsnifatına uyğun olaraq tədiyənin kodu.

İkinci «hesablamanın» sütununda aşağıdakılar göstərilir:

• vahid dərəcə üzrə alınan gömrük rüsumu: aksiz və digər gömrük tədiyələri və gömrük rəsmiləşdirilməsilə gömrük yığımı üçün — vergisiz kvotaya daxil olmayan malların gömrük dəyəri;
• əlavə dəyər vergisi üzrə— gömrük dəyəri məbləği, aksiz mallar üzrə, həmçinin aksiz məbləği göstərilir;
• vahid tarif dərəcəsi üzrə nəqliyyat vasitələri üçün (XİF MN üzrə 8703-cü mal qrupu) mühərrikin m³-la həcmi, həmin nəqliyyat vasitələrinə gömrük rəsmiləşdirilməsi üçün yığımın alınması zamanı həmin nəqliyyat vasitəsinin dəyəri.

Bu qrafada gömrük tədiyələrinin hesablanması hesablamanın aparıldığı valyuta ilə əks etdirilir.

Üçüncü — «Stavka» sütununda gömrük tədiyələrinin dərəcəsi göstərilir.

Dördüncü — «Tədiyə məbləği» sütununda «hesablanmanın əsası» sütunu ilə «Stavka» sütununun məlumatlarının hasilindən alınan rəqəm göstərilir. Hesablama üçün əsas olmadıqda bu sütuna «Stavka» sütununun məlumatı köçürülür.

Beşinci — «Tədiyənin valyutası» sütununda qısaldılmış şəkildə GMO-nun 5-ci qrafasında göstərilən valyutanın adı, əgər ödəniş «manatla» aparılıbsa «manat» göstərilir.

Altıncı — «Ödəniş forması» sütununda:

• «N» — bank vasitəsilə nağdsız;
• «NB» — bank vasitəsilə nağd;
• «GK» — gömrükxananın kassasına;
• «RK» — rabitə müəssisəsinin kassasına göstərilir.

Yeddinci — «Ödəniş haqqında məlumat» hər bir ödəniş formasının qarşısında aşağıdakı rekvizitlər yazılır:

• əgər ödəniş gömrükxananın kassasında aparılarsa, kassa mədaxil orderinin tarixi və nömrəsi;
• əgər ödəniş nağdsız qaydada aparılırsa, onda ödəniş sənədinin nömrəsi və tarixi;
• əgər ödəniş bank vasitəsilə nağd formada aparılırsa, tədiyənin qəbul edildiyini təsdiq edən sənədin nömrəsi və tarixi;
• əgər ödəniş rabitə müəssisəsinin kassasına qəbul edilibsə, kassa mədaxil orderinin nömrəsi və tarixi göstərilir.

8.1 yarımqrafasında — «Ödənişin cəmi»ndə gömrük tədiyələrinin rəqəmlə və yazı ilə «manat» və xarici valyutanın cəmi göstərilir.

Qrafa 9. «Gömrük əməkdaşının imzası»

Qrafada GMO-nu rəsmiləşdirən gömrük əməkdaşı imza edir. İmza icraçı inspektorun nömrəli möhürü ilə təsdiq edilir.

Qrafa 10. «Tədiyəni qəbul edənin imzası»

Ödəniş nəğd formada icraçı inspektora və ya gömrükxananın kassasına ödənildikdə ödənişi qəbul edən imza edir və şəxsi nömrəli möhürü ilə təsdiq edir.

Başqa hallarda bu qrafa doldurulmur.

Qrafa 11. «Tədiyəçinin imzası»

Bu qrafada ödənişlərin tədiyəçisi və hüquqi şəxsin vəkil etdiyi şəxsin soyadı, adı və vəzifəsi göstərilir.

Qrafa 1. «Keçmə üsulu»

Birinci qrafa doldurularkən keçən mala görə hesablanan gömrük tədiyələrini ödəmək üçün malın keçmə üsulunun kodu göstərilir:

• «01» — müşayiət olunan baqajla;
• «02» — müşayiət olmayan baqajla;
• «03» — beynəlxalq poçt göndərişi ilə.

Başqa hallarda bu qrafa doldurulmur.

Qrafa 2. «Əlavə vərəq N»

Qrafada ƏGMO-ya ikiişarəli ardıcıl nömrə qoyulur (məsələn, «01»).

Qrafa 3. «GMO-nun məmulat nömrəsi»

Əlavə vərəqin 3-cü qrafasına GMO-nun 3-cü qrafasında göstərilən məlumat (sorğu) nömrəsi köçürülür.

Qrafa 4. «Malın adı / alınan gömrük ödənişləri»

Bu qrafada Azərbaycan Respublikasının gömrük ərazisindən keçən malın və ya nəqliyyat vasitələrinin adı, dəyəri, gömrük rüsumunun dərəcəsi və onun həcmi, başqa tutulan vergilərin dərəcəsi və onların həcmi göstərilir. Əgər tədiyələri hesablamaq üçün gömrük dəyəri əsas götürülmürsə, onda bu qrafada gömrük orqanları tərəfindən tutulan yığımların və haqların adı göstərilir.

Əgər qrafa malın və nəqliyyat vasitələrinin adını göstərmək üçün istifadə olunursa, birinci üfiqi yarımqrafada malın adı göstərilir. Bu yarımqrafanın sol hissəsində malın XİF MN üzrə kodu, sağ hissəsində isə göstərilən malın natural ölçüsü (metrlə, kq-la və s.) göstərilir.

Bu yarımqrupun «dəyər» hissəsində ödənişə cəlb olunan malın adı göstərilir.

Bu yarımqrupun üçüncü «rüsum» hissəsinin sağ yuxarı hissəsində həmin mal növü üzrə gömrük rüsumunun dərəcəsi, aşağı hissəsində isə onun məbləği göstərilir.

Əgər gömrük rüsumları vahid dərəcə üzrə alınırsa, onda yarımqrafanın üçüncü, dördüncü, beşinci, altıncı hissələri doldurulmur, onların aşağı hissələrində xətt çəkilir.

Əgər həmin mal hər hansı bir növ üzrə ödənişə cəlb olunmursa, onda bu tədiyələr üzrə sağ yuxarı hissəyə və aşağı hissəyə xətt çəkilir.

«Yekun» yarımqrafasında ƏGMO-da yer çatışmadıqda növbəti vərəqdən istifadə olunur.

Qrafa 5. «Əlavə məlumat»

Bu qrafada zəruri əlavə məlumatlar göstərilir, gömrük tədiyələrini hesablamaq üçün zəruri olan sənədlər sadalanır (GMO-nun 6-cı qrafasında olduğu kimi).

Qrafa 6. «Gömrük əməkdaşının imzası»

Bu qrafada gömrük orqanının ƏGMO-nu dolduran icraçı inspektoru imza edir. İmza icraçı inspektorun şəxsi nömrəli möhürü ilə təsdiq olunur.

Qrafa 7. «Tədiyəçini imzası»

Bu qrafada gömrük ödənişlərinin tədiyəçisi və ya hüquqi şəxsin vəkil etdiyi şəxsin soyadı, adı və vəzifəsi göstərilir.

GA-1

GA-1

GA-1

GA-1

26 dekabr 2000-ci il tarixli 48-IIQ saylı qanuna əsasən dəyişikliklərlə («AzerSoft»).