Financial and Legal Consulting of The CIS Regional Cluster
             Az | Ru | En |
          
 
 
   
Azərbaycan Respublikası Dövlət Gömrük Komitəsi

«Malların təkrar idxalı gömrük rejimi haqqında» Əsasnamənin təsdiq edilməsi haqqında

Əmr ¹ 8

10 fevral 1999-cu il

Azərbaycan Respublikasının Gömrük Məcəlləsinin 9-cu maddəsinə əsasən əmr edirəm:

1. «Malların təkrar idxalı gömrük rejimi haqqında» Əsasnamə təsdiq edilsin (əlavə olunur).

2. «Malların təkrar idxalı gömrük rejimi haqqında» Əsasnamə normativ-hüquqi akt kimi qeydiyyata alınması üçün Ədliyyə nazirliyinə təqdim olunsun.

3. Əsasnamə Ədliyyə Nazirliyində qeydiyyata alındıqdan sonra İşlər idarəsi (R.Həsənəliyev) Komitənin bütün gömrük orqanlarına göndərilməsini təmin etsin.

4. Əmrin icrasına nəzarət Gömrük Nəzarətinin Təşkili Baş İdarəsinə (A.Əliyev) tapşırılsın.

Komitənin sədri

K.F.HEYDƏROV.


Azərbaycan Respublikası
Ədliyyə Nazirliyində
qeydə alınmışdır.

«Təsdiq edilmişdir»
Azərbaycan Respublikası
Dövlət Gömrük Komitəsi

Qeydiyyat ¹ 147

Əmr ¹ 008

15 fevral 1999-cu il

10 fevral 1999-cu il

Nazir

Komitənin sədri

S.HƏSƏNOVA

K.F.HEYDƏROV

Malların Təkrar İdxalı Gömrük Rejimi Haqqında

Əsasnamə

1. Ümumi müddəalar

1.1. Malların təkrar idxalı — ixrac gömrük rejimində aparılmış Azərbaycan mallarının qanunla müəyyən edilmiş müddətdə gömrük rüsumları və vergilər alınmadan, həmçinin bu mallara iqtisadi siyasət tədbirləri tətbiq edilmədən geriyə gətirilməsindən ibarət gömrük rejimidir.

1.2. Xarici mallar və Azərbaycan Respublikasından başqa gömrük rejimi altında aparılmış (müvəqqəti aparılmış, Azərbaycan Respublikasının xaricdəki nümayəndəliyi üçün aparılmış, gömrük ərazisindən kənarda malların emalı, xarici dövlətlərin ərazisindən keçirildiyi halda tranzit) Azərbaycan malları, eləcə də Azərbaycan Respublikasına gətirilməsi və aparılması qadağan olunmuş mallar təkrar idxal gömrük rejimi altında yerləşdirilə bilməz.

2. Malların təkrar idxal gömrük rejimi altında yerləşdirilməsi şərtləri

2.1. Təkrar idxal gömrük rejimi altında yerləşdirmək üçün mallar aşağıdakı şərtlərə cavab verməlidir:

a) keçmiş SSRİ ərazisindən (31 dekabr 1991-ci il tarixə qədər) və ya Azərbaycan Respublikasının ərazisindən (1 yanvar 1992-ci il tarixdən) ixrac gömrük rejimi altında aparılmalıdır;

b) aparılana qədər Azərbaycan malları olmalıdır, belə ki, Azərbaycan mənşəli mallar (31 dekabr 1991-ci ilə qədər —keçmiş SSRİ mənşəli) və yaxud xarici mənşəli və Azərbaycan Respublikası ərazisində sərbəst dövriyyə üçün buraxılmış (31 dekabr 1991-ci ilə qədər —keçmiş SSRİ ərazisinə), bütün gömrük ödənişləri tam ödənilməlidir;

v) aparıldığı andan on il müddətində Azərbaycan Respublikasının gömrük ərazisinə qaytarılmalıdır.

Gətirilmə tarixi gömrük məqsədi üçün zəruri axırıncı sənədin qəbul olunduğu gündən hesablanır.

Aparıldığı halda tarix, aparılma gömrük bəyannaməsinin qəbul edildiyi gündən hesablanır, o olmadıqda isə keçmiş SSRİ-nin sərhədindən keçirilən gündən (31 dekabr 1991-ci ilə qədər) və ya Azərbaycan Respublikasının sərhədindən keçirilən gündən;

q) təbii aşınma nəticəsində dəyişikliklər, normal şəraitdə daşınma və saxlanc itkiləri, həmçinin bu Əsasnamənin 2.5 və 2.6 yarımbəndində müəyyən edilən digər hallar istisna edilməklə aparıldığı vəziyyətdə olmalıdır;

Təbii aşınma nəticəsində dəyişikliklər, normal şəraitdə daşıma və saxlanc itkiləri standartlar və həmin kateqoriya mallara aid Azərbaycan Respublikasında qüvvədə olan normativ aktlarla müəyyən edilir.

2.2. İxrac rejimində müvafiq olaraq aparılmış mallar təkrar idxal rejimi altında yerləşdirilərkən malların eyniləşdirilməsi, onların aparılma vaxtı və faktı, eləcə də həmin malların Azərbaycan mənşəli olması gömrük orqanının vəzifəli şəxsində şübhə yaratmayan üsullarla müəyyən edilməlidir. Göstərilən halların sübutu maraqlı şəxsə həvalə olunur.

Gömrük bəyannaməsi olmadıqda və ya sərhədi keçmə tarixi məqbul səviyyədə təsdiq edilmədiyi halda Azərbaycan mənşəli malların aparılması günü (31 dekabr 1991-ci ilə qədər — keçmiş SSRİ mənşəli) onun hazırlanma günü sayılır (əgər ancaq hazırlanma ayı göstərilibsə, ayın birinci günü həmin gün sayılır, əgər ancaq il göstərilibsə — həmin ilin 1 yanvarından).

Malın hazırlanma gününü göstərən sənədlər olmadıqda, ekspertiza keçirilə bilər.

2.3. Azərbaycan Respublikası hüdudlarından kənarda mallardan istehsalat və ya kommersiya məqsədi üçün istifadə edilməsi, həmin malların təkrar idxal gömrük rejimi altında yerləşdirilməsinə mane ola bilməz.

2.4. Malların hansı şəxs tərəfindən aparılmasından asılı olmayaraq, istənilən şəxs tərəfindən mallar təkrar idxal gömrük rejimi altında yerləşdirilə bilər.

2.5. Zədələnmiş və ya qəza və qarşısıalınmaz qüvvənin (təyin edilməmiş) təsiri ilə xarab olan mallar o şərtlə təkrar idxal gömrük rejimi altında yerləşdirilə bilər ki, qəza faktının təsdiqi, eləcə də müəyyən edilməmiş qüvvənin təsirinin həqiqiliyi və düzgünlüyü gömrük orqanının vəzifəli şəxsində şübhə yaratmasın.

2.6. Azərbaycan Respublikasının hüdudlarından kənarda olduqda, malların saxlanmasını təmin etmək üçün kiçik təmir, sahmana salmaq da daxil olmaqla və başqa belə əməliyyatlar aparıla bilər. Belə əməliyyatlar nəticəsində həmin malların dəyəri aparılma anında müəyyən edilmiş dəyərindən artıq olmamalıdır.

Aparılan və gətirilən vaxt dəyər münasibətləri ABŞ dolları əsasında müəyyən edilir. Əgər qiymətlər müqavilədə və ya digər sənədlərdə istənilən başqa valyutada göstərilmişsə, yenidən həmin valyutanın hesablanması aparılan və gətirilən anda ABŞ dollarına uyğun məzənnə ilə həyata keçirilir.

3. Gömrük rüsumlarının, vergilərin və başqa ödənclərin tətbiqi və qaytarılması

3.1. Mallar aparıldığı andan üç il ərzində təkrar idxal edildikdə Azərbaycan Respublikasının gömrük orqanı ödənilmiş ixrac gömrük rüsumlarının və vergilərin məbləğini qaytarır.

3.2. Ödənilmiş məbləğin qaytarılması aşağıdakı şərtlərlə həyata keçirilir:

  • əgər mallar ixrac gömrük rüsum və vergilərini ödəmiş eyni şəxs tərəfindən aparılmış və gətirilmişsə;
  • əgər gömrük orqanına ixrac gömrük rüsum və vergilərinin ödənilməsini təsdiq edən gömrük bəyannaməsi təqdim edilərsə;
  • əgər ixrac gömrük vergiləri Azərbaycan Respublikası ərazisində yerləşən gömrük orqanına ödənilmişsə;
  • əgər bu bəndin ikinci abzasında göstərilən şəxs gömrük orqanına ödənilmiş məbləğin qaytarılması barədə yazılı müraciət təqdim edirsə.

Belə müraciət sərbəst formada doldurulur. Ödənilmiş məbləğin qaytarılması üçün müraciət, YGB-nin qəbulundan bir il müddətində gömrük orqanına təqdim edilməlidir. Hansı ki, bunun əsasında mallar təkrar idxal gömrük rejimi altında yerləşdirilib.

Göstərilən şərtlərdən hər hansı birinə əməl edilmədikdə, ödənilmiş ixrac gömrük rüsumu və vergiləri qaytarılmır.

3.3. Yalnız ödənilmiş ixrac gömrük rüsumu və vergisi qaytarılmalıdır. Qanun və ya müqavilə ilə müəyyən edilmiş təəhhüdlərin vaxtında yerinə yetirilməməsi üçün alınan cərimələrin (peniya), gömrük ödənişlərinin ödənilməsi üçün verilmiş möhlət və buna bənzər ödənişlər qaytarılmır.

Qaytarılmış məbləğlərin indeksasiyası aparılmır, onlardan faizlər ödənilmir.

İxrac üçün ödənilmiş gömrük rüsumu və vergilərin hansı valyuta ilə ödənilməsindən asılı olmayaraq ödənişlər Azərbaycan Respublikası valyutasında ödənilir. Əgər ödəniş xarici valyuta ilə ödənilmişdirsə və həmin valyuta məzənnəsinin qiymətinin təyin edilməsi Azərbaycan Respublikası Milli Bankı tərəfindən həyata keçirilərsə, xarici valyuta Azərbaycan Respublikası Milli Bankının müəyyən etdiyi məzənnəyə əsasən təkrar idxal gömrük rejimi üçün tərtib edilmiş yük gömrük bəyannaməsinin təqdim olunduğu gün üçün Azərbaycan Respublikasının valyutası olan manatla hesablanaraq ödənilir.

3.4. Təkrar idxal gömrük rejimində gömrük rəsmiləşdirilməsini aparmış gömrük orqanı mallara ödənilmiş məbləğin qaytarılmasını təmin edir.

3.5. İxrac olunmuş mal partiyasının bir hissəsi təkrar idxal gömrük rejimi altında yerləşdirildikdə, ödənilmiş məbləğin qaytarılması həmin hissənin sayının ixrac olunan malların sayına nisbəti münasibətində həyata keçirilir.

3.6. Ödənilmiş məbləğin, həmçinin onun hissəsinin qaytarılmasını, bu qaytarmanı həyata keçirmiş gömrük orqanının vəzifəli şəxsi, şəxsin təqdim etdiyi ixrac gömrük rejiminə müvafiq olaraq yazılmış YGB-nin nüsxəsində qeyd edir. YGB-də həmçinin qaytarılan məbləğ (rəqəm və ya yazı ilə) və tarix göstərilir. YGB-də aparılan bütün qeydlər imza və şəxsi nömrəli möhürlə təsdiqlənir.

Ödənişlərin qaytarılması barədə qeyd aparılmış sənədin surəti malların ixrac edilməsini təsdiq edən sənədləri vermiş gömrük orqanına göndərilir. Həmin sənəd malların ixrac rejimində rəsmiləşdirilmiş gömrük orqanında yük gömrük bəyannaməsinin digər nüsxələri ilə birlikdə saxlanılır.

3.7. Təkrar idxal olunan mallar Azərbaycan Respublikasından gömrük ərazisinə gətirildikdə, gömrük rüsumu tutulmur.

3.8. 1992-ci il yanvar ayının 1-dən sonra Azərbaycan Respublikası ərazisindən ixrac edilmiş mallar təkrar idxal edilən zaman malların ixracı ilə əlaqədar azad olunmuş və ya qaytarılmış əlavə dəyər vergisi deklarant tərəfindən ödənilir.

Ödənilməli olan məbləğin miqdarı malların çıxarılması anında qüvvədə olan normativ sənədlərlə müəyyən edilir.

Malların təkrar idxal gömrük ərazisinə idxal olunan yüklərə ƏDV-nin ödənilməsi üçün müəyyən edilmiş güzəştlər bu zaman tətbiq edilmir.

3.9. Azərbaycan Respublikası ərazisindən 1 yanvar 1992-ci ildən sonra ixrac edilən mallar təkrar idxal olunan zaman deklarant Azərbaycan Respublikasında istehsal edilmiş yüklərin çıxarılması zamanı qüvvədə olan aksiz ödənişlərini ödəyir.

Ödənilməli olan məbləğin hesablanması üçün gömrük dəyərinin miqdarı malların təkrar idxal rejimi altında yerləşdirilməsinə görə yazılmış YGB-nin qəbul günü müəyyən edilir.

4. Təkrar idxal rejimi altında yerləşdirilmiş malların gömrük rəsmiləşdirilməsi

4.1. Təkrar idxal olunan malların gömrük rəsmiləşdirilməsi alıcının və yaxud onun struktur bölməsinin fəaliyyət zonasında yerləşdiyi gömrük orqanlarında həyata keçirilir.

4.2. Mallar təkrar idxal gömrük rejimi altında yerləşdirildikdə, deklarant gömrük orqanlarına aşağıdakı sənədləri təqdim etməlidir:

  • yük gömrük bəyannaməsi;
  • digər dövlət orqanlarının icazəsi, əgər təkrar idxal olunan mallar həmin orqanların nəzarətindən keçməlidirsə;
  • təkrar idxal olunan malların ixrac gömrük rejimi altında yerləşdirilməsi haqqında yük gömrük bəyannaməsinin nüsxəsi və yaxud malların SSRİ ərazisindən (31 dekabr 1991-ci ilə qədər) və ya Azərbaycan Respublikası ərazisindən (1 yanvar 1992-ci ildən) çıxarılmasını və çıxarılma anını təsdiq edən sənədlər — yük müşahidə sənədləri və s.;
  • bu Əsasnamədə nəzərdə tutulmuş və ya ondan irəli gələn gömrük sənədləşməsinin həyata keçirilməsi üçün digər sənədlər.

4.3. Təsdiqedici məlumatlar və yaxud sənədlər olmadığı təqdirdə qüvvədə olan qaydaların tələblərinə uyğun olaraq malların təkrar idxal rejimi altında yerləşdirilməsinə icazə verilmir.


© AzerSoft

Rəsmi məlumatlar Arxiv    
06.10.2007
Azərbaycan Respublikasının Prezidenti İlham Əliyev oktyabrın 2-də Prezident sarayında Qara Dəniz və Xəzər Dənizi Sahibkarlar Konfederasiyaları Birliyinin və Türk Sənayeçiləri və İş Adamları Birliyinin prezidenti Arzuxan Doğanı, Mərmərə qrupu vəqfinin sədri Akkan Suveri və ATA Holdinqin baş direktoru Əhməd Erentoku qəbul etmişdir. Azərbaycan Prezidenti ölkəmizdə “Qara dəniz və Xəzər dənizi regionunda regional birbaşa xarici investisiyalar” mövzusunda beynəlxalq konfransın keçirilməsinin böyük əhəmiyyətə malik olduğunu qeyd etdi və konfrans iştirakçılarına təbrik məktubu ünvanladığını bildirdi.

Daha ətraflı
06.10.2007
Azərbaycan və Xorvatiya arasında ikitərəfli münasibətlərin böyük perspektivləri var. Xorvatiya Prezidenti Stepan Mesiçin Azərbaycana rəsmi səfəri
Oktyabrın 2-3 tarixlərində Xorvatiya Respublikasının Prezidenti Stepan Mesiç Azərbaycanda rəsmi səfərdə olmuşdur.
Xorvatiya Respublikasının Prezidenti Stepan Mesiç oktyabrın 2-də Fəxri xiyabana gəlmişdir.
Xorvatiya dövlətinin başçısı türk dünyasının görkəmli oğlu, ümummilli lider Heydər Əliyevin xatirəsini ehtiramla anaraq, məzarı önünə əklil qoydu.
Xorvatiya Prezidenti görkəmli oftalmoloq alim, akademik Zərifə xanım Əliyevanın məzarı üstünə də tər gül dəstəsi qoydu.

Daha ətraflı
06.10.2007
MDB dövlət başçılarının növbəti zirvə toplantısı keçirilir
Oktyabrın 5-də Azərbaycan Respublikasının Prezidenti İlham Əliyev MDB üzvü olan ölkələrin dövlət başçılarının növbəti zirvə toplantısında iştirak etmək üçün Tacikistanın paytaxtı Düşənbəyə yola düşmüşdür.
Düşənbə hava limanında Prezident İlham Əliyevi Tacikistanın nəqliyyat və kommunikasiyalar naziri Əbdürəhim Aşur və MDB-nin İcraiyyə Komitəsinin sədri - icraçı katib Vladimir Ruşaylo və digər rəsmi şəxslər qarşılamışlar.

Daha ətraflı
    © 2006 — 2007, Financial and Legal Consulting of The CIS Supported by «Marco Computer Technologies» Dizayn MEQA şirkəti tərəfindən hazırlanıb