«Yük gömrük bəyannamələrinin doldurulması Qaydaları»na dəyişikliklər edilməsi barədə Əmr № 39

Azərbaycan Respublikası Dövlət Gömrük Komitəsi

«Yük gömrük bəyannamələrinin doldurulması Qaydaları»na dəyişikliklər edilməsi barədə

Əmr № 39

25 may 2000-ci il

Komitənin 10 dekabr 1999-cu il tarixli 74 №-li Əmri ilə müəyyən edilmiş hesabatların təhlilindən göründüyü kimi, yük gömrük bəyannamələrinin tərtibi zamanı bir sıra yerli gömrük orqanları tərəfindən vergi və rüsumlardan qanunla nəzərdə tutulmuş azadolmaların düzgün kodlaşdırılmasına ciddi nəzarət edilməmiş, kodların kiril və latın qrafikalarına aid hərflərlə qeyd olunması nəticəsində gömrük statistikasında təhriflərə yol verilmişdir. Bu sahədə lazımi qayda yaratmaq məqsədi ilə əmr edirəm:

1. Komitənin 10 dekabr 1999-cu il tarixli 74 №-li Əmri ilə təsdiq edilmiş gömrük rüsumlarından tamamilə və ya qismən azadolmaların kodlaşdırma vasitəsi ilə uçotuna dair siyahıda göstərilən kodlar yeni kodlarla əvəz edilsin (əlavə olunur).

2. Komitənin 17 iyun 1998-ci il tarixli 27 №-li əmri ilə təsdiq edilmiş «Yük gömrük bəyannamələrinin doldurulması qaydaları»na 12 saylı əlavə ləğv edilsin.

3. Komitənin İşlər İdarəsi (R.Zalov) Ədliyyə Nazirliyində qeydiyyatdan keçikdən sonra Əmrin surətinin bütün gömrük orqanlarına və deklarant təşkilatlara çatdırılmasını təmin etsin.

4. Əmrin icrasına nəzarət Komitənin Maliyyə-Tarif və Valyuta Nəzarəti Baş İdarəsi (M.Vahabov), Gömrük Nəzarətinin Təşkili Baş İdarəsi (Ş.Bağırov) və Statistika və Təhlil İdarəsinə (A.D.Əliyev) həvalə edilsin.

Komitənin sədri

K.F.HEYDƏROV.

Vergi və rüsumlardan qanunla nəzərdə tutulmuş malların azadolma kodlarının
Siyahısı

1. Azəri, Çıraq	300
2. Şah Dəniz	310
3. Lənkəran	320
4. Kürdaşı	330
5. Naxçıvan	340
6. Muradxanlı	350
7. Oğuz	360
8. Alov	370
9. Qobustan	380
10. İnam	390
11. Dan-Ulduzu	400
12. Abşeron	410
13. Kürsəngi, Qarabağlı	420
14. Atəşkaş, Yanan tava, Muğannı	430
15. D-222	440
16. Kredit, ə/m yardımı, qrant, borc hesabı, idxal olunan mallar	200
17. Araz ticarət	210
18. Təkrar idxal	020
19. Diplomatik nümayəndəliklər üçün mallar	030
20. Humanitar yardım	040
21. Texniki yardım	050
22. Kənarda emal olunan malların idxalı	060
23. Gömrük nəzarəti altında emal üçün gətirilən malların idxalı	070
24. Nizamnamə fondu	080
25. Müvəqqəti gətirilən mallar	090
26. Dövlət xeyrinə imtina	100
27. Rüsumsuz ticarət mağazaları	110
28. Əcnəbi işçilərin özləri üçün	120
29. Məhvetmə	130
30. Təkrar ixrac üçün	140
31. Prezidentin Fərmanı	600
32. Nazirlər Kabinetinin məktubu	610