Bakı şəhəri, 25 may 2001-ci il

Azərbaycan Respublikasının Nazirlər Kabineti qərara alır:

1. «Azərbaycan Respublikası ərazisinə gətirilən, əlavə dəyər vergisindən azad olunan malların siyahısı haqqında» Azərbaycan Respublikası Nazirlər Kabinetinin 2000-ci il 13 iyul tarixli 124 nömrəli qərarına aşağıdakı əlavələr və dəyişikliklər edilsin:

• qərara aşağıdakı mətndə yeni 1.7. yarımbəndi əlavə edilsin:

«1.7. xarici iqtisadi fəaliyyətin mal nomenklaturasına daxil olan bütün növ avtonəqliyyat vasitələri istisna olmaqla fiziki şəxslər tərəfindən Azərbaycan Respublikasının ərazisinə gətirilən istehsal və kommersiya məqsədləri üçün nəzərdə tutulmayan, ümumi dəyəri 1000 ABŞ dollarına ekvivalent və ya çəkisi 50 kiloqramdan artıq olmayan mallar.»;

• həmin qərarla təsdiq edilmiş «Azərbaycan Respublikasının ərazisinə gətirilən, əlavə dəyər vergisindən azad olunan malların siyahısında 38-ci mal qrupunda 1-ci sütunda «3801-3804» mal mövqelərindən və 2-ci sütunda onların adından sonra müvafiq olaraq «3808» mal mövqeyi və «İnsektisidlər, rodensitlər, fungisidlər, herbisidlər, bitkilərin boyartımını tənzimləyən vasitələr, dezinfeksiyaedici və ona oxşar vasitələr» sözləri əlavə edilsin, 74-cü mal qrupunda «Mis boruları» sözləri «Borular və ya borucuqlar üçün mis fitinqlər (məsələn, mufta, dirsək, flans və s.)» sözləri ilə əvəz edilsin.

2. Bu qərar imzalandığı gündən qüvvəyə minir.

Azərbaycan Respublikasının Baş naziri

A. RASİ-ZADƏ

31 yanvar 2005-ci il tarixli, 11 nömrəli qərara əsasən qüvvədən düşmüşdür («AzerSoft»).