Azərbaycan Respublikası Dövlət Gömrük Komitəsi və Qazaxıstan Respublikası Dövlət Gəlirləri Nazirliyinin Gömrük Komitəsi arasında qarşılıqlı yardım göstərilməsi qaydaları haqqında

Memorandum

Maddə 1

Tərəflər bu Memorandumun I və II Əlavələrində göstərilən mərkəzi aparatların və ayrı-ayrı gömrükxanaların müəyyən bölmələrinin rəhbərlərinə Sazişdə göstərilən müddəaları həyata keçirmək məqsədilə birbaşa əlaqələr yaratmaq və saxlamaq səlahiyyəti verilir.

Zəruri hallarda hər bir Tərəf digər Tərəfi xəbərdar etməklə Əlavələrdə dəyişikliklər və əlavələr edə bilər.

Maddə 2

Sazişin fəaliyyətini qiymətləndirmək və Gömrük orqanlarının fəaliyyətinə dair digər aktual sualları müzakirə etmək məqsədilə gömrük idarələri rəhbərlərinin görüşü iki ildə bir dəfə keçiriləcəkdir.

Maddə 3

Əməkdaşlıq haqqında Sazişə əsasən, gömrük idarələri sorğu əsasında yüksək gömrük rüsumları təyin edilmiş mallar və gömrük dəyərinin aşağı salınması barədə məlumatla təmin edəcəklər və həmçinin idxal və ixrac zamanı qadağan və məhdudiyyətlər tətbiq edilən malların siyahılarını mübadilə edəcəklər.

Maddə 4

1. Əməkdaşlıq haqqında Saziş çərçivəsində yardım göstərmək haqqında sorğular və onlara cavablar yazılı surətdə, o cümlədən faks, teleks və ya digər rabitə vasitələrilə təqdim olunacaqlar.

2. Təxirəsalınmaz hallarda sorğular şifahi surətdə qəbul oluna bilər, lakin onlar təcili olaraq yazılı formada təsdiq olunmalıdırlar. Sorğu edən Tərəfin tələbilə faks, teleks, yaxud digər rabitə vasitələrilə verilmiş məlumatlar məktubla təsdiq olunur.

3. Sorğu alan gömrük idarəsi təcili olaraq tələb olunan məlumatları və sənədləri təqdim edir.

Maddə 5

Yardım göstərilməsi haqqında sorğu rus, ingilis dillərində və ya sorğu ünvanlamış Tərəf üçün münasib sayılan başqa dildə təqdim ediləcəkdir.

Maddə 6

Yardım göstərilməsi haqqında sorğuya aşağıdakı məlumatlar daxildir:

a) sorğu edən gömrük idarəsinin adı;

b) tələb olunan tədbirlər;

v) sorğunun mövzusu və səbəbi;

q) sorğuya aid olan qanunlar və digər normativ aktlar;

d) barəsində təhqiqat həyata keçirilən fiziki və hüquqi şəxslər haqqında daha dəqiq və müfəssəl məlumat.

Maddə 7

Bu Memorandum imzalandığı gündən qüvvəyə minir və Sazişə müvafiq olaraq fəaliyyətini dayandırır.

Bakı şəhərində «7» aprel 2000-ci il tarixdə Azərbaycan, qazax və rus dillərində iki nüsxədə imzalanmışdır, bütün mətnlər eyni qüvvəyə malikdir.

Xarici ölkələrin Gömrük orqanları ilə birbaşa əlaqələr saxlayan səlahiyyətli şəxslərin siyahısı

Xarici ölkələrin Gömrük orqanları ilə birbaşa əlaqələr saxlayan səlahiyyətli şəxslərin siyahısı