Financial and Legal Consulting of The CIS Regional Cluster
             Az | Ru | En |
          
 
 
   

Azərbaycan Respublikası Nazirlər Kabineti

Rusiya Federasiyası və Azərbaycan Respublikası yanacaq-enerji komplekslərinin əməkdaşlığı üzrə koordinasiya Komitəsi haqqında

Qərar ¹ 227

Bakı şəhəri, 7 iyun 1994-cü il.

Rusiya Federasiyasının Yanacaq və Energetika Nazirliyi və Azərbaycan Respublikası Hökuməti arasında 20 noyabr 1993-cü il tarixində Bakı şəhərində imzalanmış Sazişin (əlavə olunur) həyata keçirilməsi ilə əlaqədar, Azərbaycan Respublikası Nazirlər Kabineti qərara alır:

1. Rusiya Federasiyasının Yanacaq və Energetika Nazirliyi və Azərbaycan Respublikası Hökuməti arasında bağlanmış Sazişin 5-ci maddəsinə əsasən Bakı şəhərində yerləşməklə, yanacaq-enerji komplekslərinin əməkdaşlığı üzrə Koordinasiya Komitəsi yaradılsın.

2. Azərbaycan Respublikası tərəfindən əməkdaşlıq üzrə koordinasiya Komitəsinin tərkibinə aşağıdakı müvəkkil şəxslər daxil edilsin:

N.A.Əliyev

Dövlət Neft Şirkətinin prezidenti

T.Ə.Hüseynov

«Azəriqaz» Dövlət Şirkətinin prezidenti

M.M.İmanov

«Azərenerji» Dövlət Şirkətinin prezidenti

S.Y.Quliyev

«Azneftkimyamaş» Dövlət Şirkətinin vitse-prezidenti

3. Nəzərə alınsın ki, Rusiya Federasiyasının Yanacaq və Energetika Nazirliyinin təklifi ilə əməkdaşlıq üzrə Koordinasiya Komitəsinə Rusiya Federasiyası tərəfindən aşağıdakı müvəkkil şəxslər daxil edilmişdir.

V.A.Dvureçenskiy

Rusiya Federasiyasının yanacaq və energetika Nazirinin müavini

V.S.Ulyanov

Rusiya Federasiyasının Yanacaq və Energetika Nazirliyi Xammal bazasının inkişafı və geoloji-kəşfiyyat işləri Baş idarəsinin rəisi

İ.N.Çernov

«Rosneft» Dövlət müəssisəsi dənizdə neft və qaz yataqlarının mənimsənilməsi Departamentinin direktoru

V.N.Korniyenko

«Rosneft» Dövlət müəssisəsi yeni regionların mənimsənilməsi Departamentində şöbə müdirinin müavini

4. Yanacaq-enerji komplekslərinin əməkdaşlığı üzrə Koordinasiya Komitəsinin səmərəli fəaliyyətinin təşkili məsələləri Azərbaycan Respublikası Dövlət Neft Şirkətinə həvalə edilsin.

Baş nazir

S.HÜSEYNOV

© AzerSoft

Rəsmi məlumatlar Arxiv    
06.10.2007
Azərbaycan Respublikasının Prezidenti İlham Əliyev oktyabrın 2-də Prezident sarayında Qara Dəniz və Xəzər Dənizi Sahibkarlar Konfederasiyaları Birliyinin və Türk Sənayeçiləri və İş Adamları Birliyinin prezidenti Arzuxan Doğanı, Mərmərə qrupu vəqfinin sədri Akkan Suveri və ATA Holdinqin baş direktoru Əhməd Erentoku qəbul etmişdir. Azərbaycan Prezidenti ölkəmizdə “Qara dəniz və Xəzər dənizi regionunda regional birbaşa xarici investisiyalar” mövzusunda beynəlxalq konfransın keçirilməsinin böyük əhəmiyyətə malik olduğunu qeyd etdi və konfrans iştirakçılarına təbrik məktubu ünvanladığını bildirdi.

Daha ətraflı
06.10.2007
Azərbaycan və Xorvatiya arasında ikitərəfli münasibətlərin böyük perspektivləri var. Xorvatiya Prezidenti Stepan Mesiçin Azərbaycana rəsmi səfəri
Oktyabrın 2-3 tarixlərində Xorvatiya Respublikasının Prezidenti Stepan Mesiç Azərbaycanda rəsmi səfərdə olmuşdur.
Xorvatiya Respublikasının Prezidenti Stepan Mesiç oktyabrın 2-də Fəxri xiyabana gəlmişdir.
Xorvatiya dövlətinin başçısı türk dünyasının görkəmli oğlu, ümummilli lider Heydər Əliyevin xatirəsini ehtiramla anaraq, məzarı önünə əklil qoydu.
Xorvatiya Prezidenti görkəmli oftalmoloq alim, akademik Zərifə xanım Əliyevanın məzarı üstünə də tər gül dəstəsi qoydu.

Daha ətraflı
06.10.2007
MDB dövlət başçılarının növbəti zirvə toplantısı keçirilir
Oktyabrın 5-də Azərbaycan Respublikasının Prezidenti İlham Əliyev MDB üzvü olan ölkələrin dövlət başçılarının növbəti zirvə toplantısında iştirak etmək üçün Tacikistanın paytaxtı Düşənbəyə yola düşmüşdür.
Düşənbə hava limanında Prezident İlham Əliyevi Tacikistanın nəqliyyat və kommunikasiyalar naziri Əbdürəhim Aşur və MDB-nin İcraiyyə Komitəsinin sədri - icraçı katib Vladimir Ruşaylo və digər rəsmi şəxslər qarşılamışlar.

Daha ətraflı
    © 2006 — 2007, Financial and Legal Consulting of The CIS Supported by «Marco Computer Technologies» Dizayn MEQA şirkəti tərəfindən hazırlanıb