Azərbaycan Respublikasının ixrac və idxal əməliyyatları üzrə gömrük rüsumlarının dərəcələri haqqında Qərar в„

Azərbaycan Respublikası Nazirlər Kabineti

Azərbaycan Respublikasının ixrac və idxal əməliyyatları üzrə gömrük rüsumlarının dərəcələri haqqında

Qərar в„– 252

Bakı şəhəri, 27 iyun 1994-cü il

Azərbaycan Respublikasında ixrac və idxal əməliyyatlarının gömrük mexanizmi vasitəsilə tənzimlənməsi və daxili bazarın ehtiyaclarının ödənilməsi məqsədilə, Azərbaycan respublikası Nazirlər Kabineti qərara alır:

1. Azərbaycan respublikası Dövlət Gömrük Komitəsinin təqdim etdiyi və əlaqədar təşkilatlarla razılaşdırılmış Azərbaycan Respublikası ərazisindən çıxarılarkən gömrük ixrac rüsumuna cəlb olunan malların qruplar üzrə siyahısı və gömrük ixrac rüsumlarının dərəcələri, Gömrük ixrac rüsumu haqqında müvəqqəti Əsasnamə, Azərbaycan Respublikası ərazisinə gətirilərkən gömrük idxal rüsumuna cəlb olunan malların qruplar üzrə siyahısı və gömrük idxal rüsumlarının dərəcələri, Gömrük idxal rüsumu haqqında müvəqqəti Əsasnamə, Gömrük xidmətləri üçün alınan xərclərin tarifləri, Gömrük xidmətləri göstərilməsi qaydaları təsdiq edilsin (əlavə olunur) və 1994-cü il iyulun 1-dən etibarən tətbiq edilsin.

2. Müəyyən edilsin ki, aşağıdakılar gömrük rüsumundan azad olunurlar.

İxrac üzrə:

Dövlət tapşırığı (Nazirlər Kabinetinin qərarı, sərəncamı və Azərbaycan Respublikasında xarici iqtisadi əlaqələrə nəzarət üzrə Dövlət Komissiyasının Protokol qərarı) ilə mal mübadiləsi (barter) əməliyyatı üzrə göndərilən mallar;
müəssisələrin istehsalat tələbatı üçün xammal, ehtiyat hissələri, məmulatlar, avadanlıq, tikinti texnikası və maşınlar, yük və sərnişin nəqliyyat vasitələri alınması üçün barter əməliyyatları əsasında göndərilən qeyri-strateji əhəmiyyətli mallar;
dövlət tapşırığı (kvotası) ilə xarici valyutaya satılan mallar (ixracdan alınan valyuta gəlirindən respublika Vahid Valyuta Fonduna valyuta ayırmaları köçürüldükdə);
respublikada istehsal olunan maşınlar, avadanlıqlar, texnoloji qurğular və digər hazır məmulatlar;
kompensasiya və kooperasiya əsasında göndərilən mallar;
tam məhsullar və yarımfabrikatlar hazırlanması üçün sifarişçinin göndərdiyi xammallar;
hökumətlərarası sazişlər üzrə qarşılıqlı razılaşmalara müvafiq ixrac edilən mallar;
təkrar ixrac əməliyyatları.

İdxal üzrə:

uşaq geyimləri və ləvazimatı, dərman və əczaçılıq malları, tibb avadanlığı və məmulatları;
hökumətlərarası sazişlər üzrə qarşılıqlı razılaşmalara əsasən alınan mallar, materiallar, texnologiya və ya avadanlıqlar;
Azərbaycan Respublikası ərazisində yaradılan müştərək və tamamilə xarici investorlara məxsus olan müəssisələrin, beynəlxalq birliklərin və təşkilatların nizamnamə fonduna xarici iştirakçılar tərəfindən pay ödənişi şəklində respublikaya gətirilən yeni texnologiya, avadanlıq, istehsalat tələbatı üçün xammal və materiallar;
xarici investisiya qoyulmuş müəssisələrin əcnəbi işçilərinin öz ehtiyacları üçün Azərbaycan Respublikasına gətirdikləri əmlak;
Azərbaycan Respublikasına müvəqqəti olaraq gətirilmiş və gətirilmə şərtlərinə görə müəyyən olunmuş müddətdə dəyişiklik edilmədən xaricə aparılası mallar;
müəssisələrin istehsalat tələbatı üçün gətirilən xammal, material, məmulat və avadanlıqlar;
humanitar və texniki yardım, xeyriyyə məqsədi ilə gətirilmiş mallar, avadanlıqlar;

3. Gömrük ixrac rüsumları malların (iş, xidmətlərin) müqavilələr əsasında satıldığı valyuta ilə ödənilir.

4. Azərbaycan Respublikası Hökumətinin Müstəqil Dövlətlər Birliyi ölkələri və digər xarici ölkələrdə azad ticarət haqqında sazişi olduğu təqdirdə ikitərəfli razılığa əsasən malların ixracına və yaxud idxalına gömrük rüsumu tətbiq edilmir.

5. Müəyyən edilsin ki, respublikaya idxal olunan mallara əsassız məhdudiyyətlər tətbiq edilməsi nəticəsində idxalçıya vurulmuş ziyan günahkar tərəfin hesabına mövcud qaydada ödənilir.

6. 1994-cü il dekabr ayının 31-dək bu qərarın 7 nömrəli əlavəsində göstərilən ölkələrə əlverişli şərait rejimi tətbiq edilməsi məqsədəuyğun hesab edilsin və Xarici İşlər Nazirliyi həmin ölkələrə Azərbaycan Respublikası tərəfindən birtərəfli qaydada qəbul edilmiş bu qərar barədə məlumat versin.

7. Müəyyən edilsin ki, Azərbaycan Respublikasına gətirilmiş aşağıdakı mallar satılarsa, həmin malların satıldığı andan 10 gün müddətində gömrük rüsumları ödənilir:

müştərək müəssisələrin nizamnamə fonduna, onların xarici iştirakçıları tərəfindən pay ödənişi şəklində gətirilmiş avadanlıq, materiallar.
Göstərilən malları satan müəssisələr bu barədə əvvəlcədən gömrük orqanlarına məlumat verir, əks təqdirdə onlar satılmış malın 100 faizi və ikinci dəfə bu hal təkrar edildikdə isə, malın qiymətinin 200 faizi həcmində cərimə ödəyirlər.

8. Gömrük rüsumlarının respublika Vahid Valyuta Fonduna və büdcəsinə tam və vaxtında köçürülməsi Dövlət Gömrük Komitəsi, Maliyyə Nazirliyi və müvəkkil banklar tərəfindən təmin edilsin.

Müəyyən edilsin ki, Azərbaycan Respublikası gömrük orqanlarının səlahiyyətli əməkdaşlarının tələbi ilə gömrük rüsumlarının ödəyiciləri konkret ixrac-idxal əməliyyatının həyata keçirilməsi ilə bağlı lazımi sənədləri təqdim etməyə borcludurlar.

9. Dövlət Gömrük Komitəsinə tapşırılsın ki, bir ay müddətində:

Malın gömrük dəyərinin müəyyən olunması üsulu və Malın mənşəyi olan ölkənin müəyyən edilməsi qaydaları haqqında layihələri hazırlayıb təsdiq olunmaq üçün Nazirlər Kabinetinə təqdim etsin;
Xarici ticarətdə alqı-satqı və ya mübadilə obyekti olan mal və əmlakın buraxılması, bəyan edilməsi və bunların gömrük rəsmiləşdirilməsinə təqdim edilməsi qaydalarını bir ay müddətində hazırlayıb təsdiq etsin.

10. Azərbaycan Respublikası Nazirlər Kabineti 1992-ci il 13 iyun tarixli 335 saylı qərarının 2-ci bəndinin 4-cü abzası, 1993-cü il 21 iyun tarixli 401 saylı və 1993-cü il 13 oktyabr tarixli 539 saylı qərarları qüvvəsini itirmiş hesab edilsinlər.

Baş nazir

S.HÜSEYNOV

24 aprel 1995-ci il tarixli 90 saylı Qərarına əsasən qüvvədən düşmüşdür.

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarı ilə
təsdiq edilmişdir
1 saylı əlavə

Azərbaycan Respublikası ərazisindən çıxarılarkən gömrük ixrac rüsumuna cəlb olunan malların qruplar üzrə siyahısı və gömrük ixrac rüsumlarının dərəcələri

Xarici iqtisadi fəaliyyətdə malların ümumi siyahısında malın kodu	Malın adı	İxrac rüsumlarının dərəcələri (1000 kq üçün ekyu ilə və ya gömrük dəyərinə görə faizlə)
	Malın adı	I	II
02	Ət və ət məhsulları	100%	150%
3-cü qrup
03	Balıq və xərçəngkimilər, molyuskalar və başqa suda yaşayan onurğasızlar (kilkə balığından başqa)	5%	10%
5-ci qrup
05	Heyvan mənşəli və başqa yerdə adı çəkilməyən məhsullar, bunlardan:	15%	22,5%
050400000	Heyvanların bağırsaqları, kisələri və qarınları (balıqlarınkından başqa), bütöv və tikələr halında	20%	40%
051000000	Ənbər, qunduz şırnağı, qabar böcəyi, şrot, civetta və muskus öd, o cümlədən quru: vəzilər və heyvan mənşəli başqa məhsullar, əczaçılıq məhsulları istehsalında işlədilən, təzə, soyudulmuş, dondurulmuş və ya qısa müddət saxlamaq üçün başqa yolla emal edilmiş	100%	150%
7-ci qrup
07032000	Sarımsaq	25%	50%
8-ci qrup
08	Yeməli meyvə, qoz-fındıq və bənzərləri: sitrus və bostan məhsullarının qabıqları	15%	30%
0802	Digər qozlar, təzə və ya quru, təmizlənmiş və təmizlənməmiş, qabıqlı və ya qabıqsız meşə qozu (fındıq)	25%	50%
0805	Sitrus meyvələr, təzə və ya qurudulmuş	25%	50%
9-cu qrup
09	Qəhvə, çay, mətö (paraqvay çayı) və ədviyyat	10%	20%
12-ci qrup
12	Yağlı toxum və meyvələr; başqa toxum, meyvə və dən; dərman bitkiləri və texniki məqsədlər üçün bitkilər; küləş (saman) və yem	25%	50%
14-cü qrup
140420000	Pambıq linti	15,6 ekyu	23,4 ekyu
15-ci qrup
15	Heyvan və ya bitki mənşəli şeylər və yağlar; onların hissələrə ayıran məhsullar, hazırlanmış yeməli şeylər; heyvan və bitki mənşəli mumlar o cümlədən	25%	50%
1512	Günəbaxan, saflar və ya pambıq yağları və onların fraksiyaları təmizlənmiş və ya təmizlənməmiş, lakin kimyəvi tərkibi dəyişdirilməmiş	20%	40%
16-cı qrup
16	Ət, balıq və ya xərçəngkimilər, molyuskalar və ya suda yaşayan başqa onurğasızlardan hazırlanmış məmulatlar o cümlədən	15%	22,5%
160430100	Nərə balığının kürüsü (qara kürü)	25%	40%
22-ci qrup
220710000	Tərkibində 80%-dən az spirt olmayan denaturallaşdırılmamış (xammal) etil spirti	80%	100%
23-cü qrup
23	Tamlı məhsullar sənayesi qalıqlarının tullantıları; heyvanlar üçün hazır yem	40%	80%
24-cü qrup
2401	Xam tütün	20%	40%
2403	Emal olunmuş sənaye tütünü və onu əvəzedicilər hemogenləşdirilmiş və ya bərpa edilmiş tütün ekstratları və cövhərləri	20%	40%
25-ci qrup
250100	Duz (yemək duzu və denaturatlaşdırılmış da daxil olmaqla) və suda əridilmiş və ya əridilməmiş təmiz natrium xloridi	3 ekyu	4,5 ekyu
250810000	Bentonit	5%	10%
2516	Qranit, porfir, bazalt, qum daşı və abidə və ya inşaatda işlədilən başqa daşlar-qaba xırdalanmış və ya xırdalanmamış, mişarlanmış və ya mişarlanmamış və ya başqa üsulla bloklar və ya düzbucaqlı (kvadrat da daxil olmaqla) lövhələr halında düzəldilmiş;	14 ekyu	21 ekyu
2517	Çınqıl, xırda çay daşı, qırma daş	1,2 ekyu	1,69 ekyu
2518	Dolomit-kalsiumlaşdırılmış və ya kalsiumlaşdırılmamış donomit qaba xırdalanmış və ya mişarlanmış və ya başqa üsulla bloklar və ya düzbucaqlı (kvadrat da daxil olmaqla) lövhələr halında düzəldilmiş; aqlomeratlanmış (qudronlanmış da daxil olmaqla) dolomit	2 ekyu	3 ekyu
2519	Təbii maqnezium karbonatı (maqnezit); əridilmiş maqnezium-oksid; aqlomerasiyadan əvvəl tərkibində az miqdarda başqa oksidlər olan və ya olmayan yandırılmış maqnezium-oksidi: aşqarlı və aşqarsız başqa maqnezium oksidləri	30 ekyu	45 ekyu
2523	Portlandsement, giltorpaq sementi, şlak (pasa) sementi, superfosfat sementi və oxşar hidravlik sementlər-boyanmış və ya boyanmamış, hazır və ya klinker şəklində	3 ekyu	3,9 ekyu
26-cı qrup
2604	Filizlər və konsentratlar dəmir filizi, yanmış dəmir kolçedanı daxil olmaqla	2 ekyu	2,6 ekyu
27-ci qrup
270900	Xam neft	30 ekyu	45 ekyu
271000210	Uayt-spirit	40 ekyu	60 ekyu
271000250	Digərləri	40 ekyu	60 ekyu
	Benzinlər motor üçün;
271000310	Aviasiya benzinləri	40 ekyu	60 ekyu
271000330	Tərkibində 0,013 qr/l-dən çox qurğuşun olmayan motor benzinləri	40 ekyu	60 ekyu
271000350	Tərkibində 0,013 qr/l-dən çox qurğuşun olan digər motor benzinləri	40 ekyu	60 ekyu
271000410	Spesifik emal prosesi üçün orta distillatlar	30 ekyu	45 ekyu
271000450	Kimyəvi döndərmələr üçün orta distillatlar	30 ekyu	45 ekyu
271000510	Reaktiv yanacaq	40 ekyu	60 ekyu
271000550	Kerosin qeyri	40 ekyu	60 ekyu
271000610	Qazoyllar (dizel yanacağı) spesifik emal prosesləri üçün	30 ekyu	45 ekyu
271000650	Qazoyllar (dizel yanacağı) kimyəvi döndərmə proseslərində) 271000610 alt mövqeyində göstərilməyənlər	30 ekyu	45 ekyu
271000690	Qazoyllar (dizel yanacağı) başqa məqsədlər üçün	30 ekyu	45 ekyu
271000710	Maye yanacaq (mazut), spesifik emal prosesləri üçün	15 ekyu	22,5 ekyu
271000750	Maye yanacaq (mazut), 271000710 subpozisiyasında göstərilməyən kimyəvi döndərmə prosesləri üçün	15 ekyu	22,5 ekyu
271000790	Maye yanacaq (mazut), başqa məqsədlər üçün	15 ekyu	22,5 ekyu
271000910	Spesifik emal prosesləri üçün	15 ekyu	22,5 ekyu
271000930	271000910 yarım mal mövqeyində göstərilməyən proseslər kimyəvi dəyişikliklər üçün	15 ekyu	22,5 ekyu
271000950	Bu qrupa əlavə qeydlər 6 (C N) uyğun olaraq qarışdırmaları göstərmək üçün	15 ekyu	22,5 ekyu
271000990	Başqa məqsədlər üçün	15 ekyu	22,5 ekyu
2712	Neft vazelini (petrolatun), parafin-neft mumu-mikrokristallik, parafin qacı, ozokerit, liqnit (boz kömür) mumu, torf mumu, başqa mineral mumlar və sintez və ya başqa proseslər nəticəsində alınan oxşar məhsullar, boyanmış və ya boyanmamış	30 ekyu	45 ekyu
30-cu qrup
30	Əczaçılıq məhsulları	10%	20%
3005	Pambıq (vata), cuna, bint və oxşar məmulat	30%	60%
	İlan zəhəri	60%	80%
31-ci qrup
3102	Azot gübrələri	10 ekyu	15 ekyu
(31022000-dən başqa)
41-ci qrup
4101	Qaramal dəriləri və ya atkimilər ailəsindən olan heyvanların dəriləri təzə və ya duzlanmış qurudulmuş, küllənmiş, sıyırğa ilə işlənmiş və ya başqa üsulla konservləşdirilmiş, lakin aşılanmış perqament kimi işlənməmiş və sonra emal edilməmiş tüklü və tüksüz, suvandlanmış və ya suvandlanmamış	1530 ekyu	3195 ekyu
4102	Qoyun və ya quzu dəriləri (təzə, duzlanmış, qurudulmuş, küllənmiş, sıyırğa ilə işlənmiş və ya başqa üsulla konservləşdirilmiş, lakin aşılanmamış perqament kimi işlənməmiş və sonradan emal edilməmiş), yunlu və ya yunsuz, suvandlanmış və ya suvandlanmamış, bu qrupa aid I (v) qeydində göstərilənlərdən başqa	1500 ekyu	3000 ekyu
4103	Digər xam dəri növləri (təzə, duzlanmış, qurudulmuş, küllənmiş, sıyırğa ilə işlənmiş və ya başqa üsulla konservləşdirilmiş, lakin aşılanmış, perqamentlənməmiş və sonradan emal edilməmiş), tüklü və ya tüksüz, suvandlanmış və ya suvandlanmamış, bu qrupa aid I (b) və ya I (v) qeydi ilə çıxarılan növlərdən başqa	1000 ekyu	2000 ekyu
4104	4108 və ya 4109 mal pozisiyalarında təsnif edilən dərilərdən başqa qaramal gönləri və ya atkimilər ailəsindən olan heyvanların gönlərindən emal edilən dərilər (meşinlər)	1250 ekyu	1500 ekyu
4105	4108 və 4109 mal pozisiyalarında təsnif edilən dərilərdən başqa yundan təmizlənmiş və emal edilmiş qoyun və quzu dəriləri	1240 ekyu	2360 ekyu
4106	4108 və 4109 mal pozisiyalarında təsnif edilən dərilərdən başqa tükü təmizlənmiş və emal edilmiş keçi və ya çəpiş dəriləri	1240 ekyu	2360 ekyu
4107	4108 və 4109 mal pozisiyalarında təsnif edilən tükdən təmizlənmiş və emal edilmiş başqa heyvan dəriləri	1240 ekyu	2360 ekyu
4108	Zamşa (o cümlədən formallehid yağlı aşılanmış)	1240 ekyu	2360 ekyu
410900000	Lak dəri, təbii və təbii dərinin lak dəri bənzətməsi; metallaşdırılmış dəri	1500 ekyu	2750 ekyu
411000000	Təbii və ya süni dəri kəsikləri və tullantıları dəri məmulatı istehsalı üçün yaramayan dəri tozu, pudrası və unu	20 ekyu	30 ekyu
411100000	Süni dəri, təbii dəri və ya plastina, vərəq və ya lent halındakı dəri lifləri əsasında rulon və ya qeyri-rulon halında	400 ekyu	800 ekyu
50-ci qrup
500100000	Açılma üçün yararlı barama	10%	20%
500200000	Xam ipək (burulmamış)	15%	30%
500600100	İpək sap	10%	20%
51-ci qrup
51	Yun, heyvanların zərif və qaba tükü, at tükündən iplik və parça	5%	10%
5101	Yun, karda və ya daraqdan keçirilməmiş	220 ekyu	330 ekyu
5102	Heyvanların incə və ya qaba tükü, karda və ya daraqdan keçirilməmiş	1690 ekyu	2535 ekyu
5103	Yun tullantıları, heyvanların incə və ya qaba tükündən, əyirmə tullantıları daxil olmaqla, lakin bərpa edilmiş yundan başqa	208 ekyu	312 ekyu
510400000	Bərpa edilmiş yun və ya heyvanların bərpa edilmiş incə və ya qaba tükü	260 ekyu	390 ekyu
5105	Karda və ya daraqdan keçirilmiş yun və ya heyvanların incə və ya qaba tükü	598 ekyu	897 ekyu
5106	Yun aparat ipliyi, pərakəndə satış üçün kələflənməmiş	598 ekyu	897 ekyu
5107	Daraqlanmış yun ipliyi, pərakəndə satış üçün kələflənməmiş	2080 ekyu	3120 ekyu
5108	Heyvanların incə tükündən hazırlanmış aparat və ya daraq ipliyi, pərakəndə satış üçün kələflənməmiş	2080 ekyu	3120 ekyu
52-ci qrup
5201	Pambıq lifi, daranmamış	150 ekyu	300 ekyu
5202	pambıq tullantıları	10%	20%
520300000	Pambıq lifi, daranmış	650 ekyu	975 ekyu
5205	Pambıq ipliyi (tikiş saplarından başqa), tərkibində 85%-dən çox pambıq olan, pərakəndə satış üçün hazırlanmamış	416 ekyu	624 ekyu
72-ci qrup
7204	Qara metalların qırıntıları və tullantıları, əritmək üçün qara metalların külçələri (xəlitə külçələri)	30 ekyu	45 ekyu
7205	Qara metalların dənəvərləri və tozu	16 ekyu	24 ekyu
73-cü qrup
7301	Zivanalı dirəklər, qara metallardan	40 ekyu	60 ekyu
730300	Borular və borucuqlar, içiboş profillə, tökmə çuqundan	50 ekyu	75 ekyu
7304	Borular və borucuqlar, içiboş profillər, tikişsiz, qara metallardan (tökmə çuqundan başqa)	50 ekyu	75 ekyu
7305	Digər borular və borucuqlar	50 ekyu	75 ekyu
7306	Digər borular və borucuqlar, içiboş profillər	40 ekyu	60 ekyu
7307	Boru və borucuqlar üçün fitinqlər	50 ekyu	75 ekyu
74-cü qrup
74	Mis və mis məmulatı	400 ekyu	600 ekyu
7401	Şteyn misdən, sementasiya misi (çökdürülmüş mis)	400 ekyu	600 ekyu
7404	Mis tullantıları və qırıntıları	500 ekyu	750 ekyu
7410	Folqa (zərvərəq), misdən (basmanaxışlı və ya basmanaxışsız, kağız, karton, plastik kütlə və ya oxşar materiallardan özülü olan və ya olmayan), özülsüz qalınlığı 0,15mm qədər	250 ekyu	375 ekyu
76-cı qrup
76	Alüminium və alüminium məmulatı	130 ekyu	205 ekyu
	o cümlədən
7602	Alüminium tullantıları və qırıntıları	300 ekyu	450 ekyu
82-ci qrup
82	Adi metallardan alət, bıçaq məmulatı, qaşıqlar, çəngəllər;	5%	7,5%

Qeyd:

1. Mallar üçün alınacaq ixrac rüsumunun dərəcələri, yalnız malların xarici iqtisadi fəaliyyətdəki nomenklatura kodları ilə müəyyən edilir. Malların qısaldılmış adları rahat istifadə edilmək üçün göstərilmişdir.

2. Təbii qaz və qaz halındakı başqa məhsulların ixracatından alınacaq rüsumların tarif dərəcələrini müəyyən edib tətbiq etmək üçün, ixrac edilən malın həcminin hesablanması 1150 kub.m. qazın çəkisi 1000 kq bərabər olduğu hesabı ilə aparılır.

3. 2-ci sütunda göstərilən rüsum dərəcələri barter (mal mübadiləsi) müqavilələrinə əsasən ixrac edilən mallara tətbiq edilir.

İşlər müdiri

İ.HACIYEV

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarı ilə
təsdiq edilmişdir
2 saylı əlavə

Gömrük ixrac rüsumu haqqında müvəqqəti
Əsasnamə

1. Ümumi müddəalar

1.1. Azərbaycan Respublikasında Gömrük Tarifləri haqqında Qanun qəbul olunana qədər gömrük ixrac rüsumları bu Əsasnamə ilə tənzimlənir.

1.2. Mülkiyyət formasından, tabeçiliyindən və qeydiyyata alındığı yerdən asılı olmayaraq, bütün hüquqi şəxslər, hüquqi şəxs statusu olmayan xarici firmaların nümayəndəlikləri, fərdi (ailəvi) müəssisələr, hüquqi şəxs yaratmadan sahibkarlıq fəaliyyəti göstərən şəxslər Azərbaycan Respublikası ərazisindən çıxarılan mallar üzrə bu Əsasnaməyə uyğun şəkildə gömrük ixrac rüsumu ödəyirlər.

1.3. Azərbaycan Respublikası ərazisindən çıxarılan mallardan onların gömrük dəyərinə gömrük ixrac rüsumu dərəcələrinə uyğun faiz nisbətində və ya çəki (həcm) vahidinə görə ekyu tarifi ilə gömrük ixrac rüsumu tutulur.

1.4. Gömrük ixrac rüsumları bu Əsasnaməyə görə müxtəlif dərəcələrlə tutulur:

ticarət sazişlərinə əsasən valyuta ilə ixrac edilən mallar üçün gömrük ixrac rüsumunun birinci sütunda göstərilmiş dərəcələri tətbiq edilir.
barter (mal mübadiləsi) müqavilələrinə əsasən ixrac edilən mallara gömrük ixrac rüsumunun ikinci sütunda göstərilən dərəcələri tətbiq edilir.

1.5. Gömrük ixrac rüsumları malların (iş, xidmətlərin) müqavilələrə əsasən satıldığı valyuta ilə ödənilir. Barter əməliyyatlarında valyuta ilə ödəniş hissəsi olmadıqda Respublika Milli Valyutası-manatla ödənilir. Xarici valyutanın Respublika Milli pul vahidinə nisbəti gömrük yük bəyannaməsini gömrük əməliyyatı üçün qəbul edildiyi tarixdə Azərbaycan Respublikası Milli Bankının təyin etdiyi məzənnəyə görə müəyyənləşdirilir.

1.6. Gömrük ixrac rüsumu ödənməmiş və ya ödəmə üçün bank zəmanəti ilə möhlət verilməmiş mallar gömrük məntəqələrindən buraxılmır.

2. Gömrük ixrac rüsumu hesablanarkən gömrük yük bəyannaməsinin doldurulması qaydası

2.1. Ödənməli olan gömrük ixrac rüsumunun məbləği gömrük yük bəyannaməsinin 47-ci qrafasında və bəyannaməyə əlavə edilən vərəqələrdə aşağıdakı şəkildə göstərilir:

2.1.2. 47-ci qrafanın növ başlıqlı birinci sütununda gömrük ixrac rüsumunun ödəmə şifri göstərilir;

manatla ödəndikdə 25
sərbəst dönərli valyuta ilə ödəndikdə 26

2.1.2. Qrafanın hesablanma üçün əsas başlıqlı 2-ci sütununda aşağıdakılar göstərilir:

malın çəki (həcm) vahidinə görə ekyu tarifi ilə rüsum (malın qabsız (netto) çəkisi Gömrük Yük Bəyannaməsinin 38-ci qrafasında göstərilir).
manatla ödəndikdə 42-ci qrafada göstərilən və bəyannamə gömrük əməliyyatı üçün qəbul edildiyi gündə Azərbaycan Respublikası Milli Bankının müəyyən etdiyi məzənnə ilə Gömrük Yük Bəyannaməsinin 23-cü qrafası valyuta məzənnəsi).

2.1.3. Qrafanın tarif başlıqlı üçüncü sütununda gömrük ixrac rüsumu alınacaq malların siyahısına və gömrük ixrac rüsumunun dərəcələrinə uyğun olaraq rüsum dərəcələri göstərilir.

2.1.4. Qrafanın məbləğ başlıqlı 4-cü sütununda gömrük yük bəyannaməsinin 47 və 23-cü qrafalarının 2-ci və 3-cü sütunlardakı rəqəmlərin hasilindən alınan məbləğ göstərilir.

2.1.5. Qrafanın ödəmə qaydası başlıqlı 5-ci sütununda ödəmənin üsulu göstərilir:

NHH bank vasitəsilə nağdsız haqq-hesab;
GK rüsum məbləği naqd olaraq gömrük kassasına verilməsi;
BZ vəkil edilmiş bankın zəmanəti ilə rüsum ödənməsinə möhlət verilməsi.

2.1.6. Gömrük Yük Bəyannaməsinin hesablamanın təfsilatı başlıqlı V qrafasında ödənilən rüsum məbləği, ödəmə sənədinin nömrəsi və tarixi göstərilir.

2.2. Qrafa 20 Göndərmə şərtləri təsnifatı.

2.2.1. Göndərmə şərtləri təsnifatı qrafasının 1-ci bölməsinə uyğun olaraq göndərmə şərtlərinin rəqəmlə şifri göstərilir.

2.2.2. Qrafanın 2-ci bölməsində göndərmə şərtlərinin qısa adları və müvafiq olaraq gün, ay və il göstərilməklə kontrakt (müqavilə) şərtlərinə uyğun olaraq valyuta qazancının daxil olacağı müddət göstərilir.

Valyuta qazancının daxil olmasını dəqiq göstərmək mümkün olmadıqda günü bildirən ilk qoşa rəqəmin yerinə, mütləq ay və il göstərmək şərtilə oo yazılır.

2.2.3. Qrafanın 3-cü bölməsində xarici tərəf müqabili ilə hesablaşma üsulunun kodu göstərilir:

1 akkreditiv:
2 inkassa:
3 köçürmə:
hesablaşmada qarışıq (mürəkkəb) qaydalardan istifadə edildikdə, qrafada təşkil edən qayda göstərilir.

2.2.4. Əməliyyatlar barter (mal dəyişmə) yolu ilə və ya milli valyuta ilə həyata keçirildikdə 2-ci və 3-cü bölmələr doldurulmur.

2.3. Qrafa 28 Maliyyə və bank məlumatları başlıqlı qrafada hesab açıldığı barədə vəkil bankın təsdiq etdiyi məlumatlara uyğun olaraq ixracat sazişi üzrə hesablaşmaları aparan bankın rekvizitləri (hər rekviziti ayrıca və təzə sətirdən sıra nömrəsi yazılmaqla) və ixracatçının hesab nömrəsi göstərilir:

1 müəssisə və təşkilatların ümumi təsnifatına uyğun olaraq bankın MTÜT kodu;
2 bankın tam aydın adı;
3 bankın ünvanı, telefon, teleks və ya telefaks nömrəsi;
4 ixracatçının cari valyuta hesabının nömrəsi (kontrakt manatla bağlanmışsa, cari manat hesabının nömrəsi göstərilir).
Əməliyyat barter üsulu ilə aparıldıqda qrafa doldurulmur.

3. Gömrük ixrac rüsumunun ödənmə qaydası

3.1. Barter əməliyyatları üzrə gömrük ixrac rüsumları Gömrük Yük Bəyannaməsi gömrük əməliyyatı üçün qəbul edilənə qədər və yaxud edildiyi anda ödənməlidir. Digər hallarda isə 1.6. bənddə göstərilən qayda qüvvədə qalır.

3.2. 9-cu qrafada göstərilən Şəxs gömrük ixrac rüsumunun ödənildiyini təsdiq etmək üçün doldurulan bəyannaməyə, üzərində rüsumun ödənildiyi haqda bankın qeydi olan ödəmə tapşırığının bir nüsxəsini və yaxud zəmanətini əlavə etməlidir.

3.3. Gömrük orqanları Azərbaycan Respublikası ərazisindən mal ixrac edən müəssisə və təşkilatlara vəkil edilmiş bankın zamanət öhdəliyi təqdim edildiyi təqdirdə, Gömrük Yük Bəyannaməsinin gömrük əməliyyatı üçün qəbul edildiyi gündən etibarən (ödəmə tarixi də daxil olmaqla) gömrük ixrac rüsumunu ödəmək üçün 60 günə qədər möhlət verə bilər.

3.4. Manatla ödənən gömrük ixrac rüsumu məbləği gömrükxananın depozit hesabına keçirilir. Gömrükxana, depozit hesabına pul daxil olub-olmadığını bank çıxarışları ilə yoxlayır. Gömrükxananın depozit hesabına vəsait daxil olmadıqda, gömrük orqanları ödəmə tapşırığı verildiyi tarixdən etibarən 2 ay ərzində vəsaitin alınması üçün bu təlimatın 4.2. bəndində nəzərdə tutulan tədbirlər görür. Depozit hesaba daxil olan gömrük ixrac rüsumu məbləğləri ayda 3 dəfədən az olmamaq şərtilə Azərbaycan Respublikasının Dövlət büdcəsinin gəlir hissəsinin 8-ci bölməsinin 12-ci paraqrafına gömrük rüsumları hesabına keçirilir.

3.5. Sərbəst dönərli valyuta ilə ödənilən gömrük ixrac rüsumu məbləğləri Respublikanın Vahid Valyuta Fondunun Azərbaycan RespublikasınınMilli Bankındakı hesabına keçirilir.

3.6. Gömrük ixrac rüsumunun düzgün hesablanması və respublika büdcəsinə və ya respublika Vahid Valyuta Fonduna vaxtında keçirilməsinə gömrük orqanları nəzarət edir.

4. Ödəyicilərin məsuliyyəti

4.1. Ödəyicilər hesablamaların düzgünlüyü və gömrük ixrac rüsumunun vaxtında ödənməsi üçün məsuliyyət daşıyırlar.

4.2. Gömrük Yük Bəyannaməsində göstərilən məlumatlar ixrac rüsumundan yayınılmasına və ya rüsum məbləğinin azaldılmasına (malın kodunun səhv göstərilməsi, ixrac edilən malın miqdarının, onun dəyərinin və ya rüsum dərəcəsinin azaldılması) səbəb olduqda, gömrük orqanı ödəyicidən, rüsumdan gizlədilən malın gömrük ixrac rüsumunun tam məbləğini şərtsiz alır və büdcəyə və ya Vahid Valyuta Fonduna mədaxil edir.

4.3. Gömrük Yük Bəyannaməsində malın öz adı ilə deyil, başqa adla (malın kodunun düzgün göstərilməməsi) sərhəddən keçirilməsi niyyəti olarsa, yanlış bəyannamə verən şəxs bu malın dəyərinin 100 faizi məbləğində haqq ödəyir, mal isə müsadirə edilir.

4.4. Müəyyən edilmiş müddətdə gömrük ixrac rüsumunun tam ödənilməməsinə yol vermiş məsul şəxslər, ödənilməmiş gömrük ixrac rüsum məbləğinin 300 faizi, onları kəsirlə ödəyənlər 200 faizi və digər maliyyə pozuntularına yol verənlər isə 100 faizi məbləğində haqq ödəyir.

4.5. Gömrük orqanı verilən möhlət ərzində rüsumları ödəməyən hüquqi şəxslərdən bütün rüsum məbləğini şərtsiz şəkildə alır və büdcəyə mədaxil edir. Gömrük orqanı ödəyicinin öhdəliyini və vəkil bankın zəmanət məktubunu, penya da daxil olmaqla yaranmış borcu zəmanət vermiş vəkil bankdan almaq üçün Azərbaycan respublikası milli Bankına verir. Gələcəkdə mal ixrac etmək istəyən belə şəxslərə möhlət verilmir.

4.6. Hüquqi şəxslər gömrük ixrac rüsumu üzrə borclarını ödəmədikdə gömrük orqanları bu şəxslərin xarici iqtisadi əməliyyatlarının dayandırılması üçün müvafiq orqanlar qarşısında məsələ qaldırır və Azərbaycan Respublikasının müvafiq qanunlarında nəzərdə tutulan digər tədbirləri görməklə ixrac rüsumu üzrə ödənməli olan vəsaiti tamamilə büdcəyə mədaxil edir.

İşlər müdiri

İ.HACIYEV

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarı ilə
təsdiq edilmişdir
3 saylı əlavə

Azərbaycan Respublikası ərazisinə gətirilərkən gömrük idxal rüsumuna cəlb olunan malların qruplar üzrə siyahısı və gömrük idxal rüsumu dərəcələri

Xarici iqtisadi fəaliyyətdə malların nomenklatura kodları	Malın adı	Vergi dərəcəsi^* (faizlə)
Xarici iqtisadi fəaliyyətdə malların nomenklatura kodları	Malın adı	1	2
Qrup 6
	Canlı ağac və başqa bitkilər; bitkilərin soğanaqları, kökləri və bu qəbildən başqa hissələri; kəsilmiş gül və bəzək bitkiləri	3	6
Qrup 7
	Tərəvəz və bəzi yeməli meyvə köklülər və kök yumrusu	3	6
0701, 0703	Mal mövqeyi	0	0
Qrup 8
	Yeməli meyvə, qoz-fındıq və bu qəbildən olan sitrus və bostan məhsullarının qabıqları	5	10
Qrup 14
	Hörmə məmulatı hazırlamaq üçün bitki materialları; başqa yerdə adı çəkilməyən bitki mənşəli digər məhsullar	5	10
Qrup 20
	Tərəvəz, meyvə, qoz-fındıq və ya bitkilərin başqa hissələrindən hazırlanmış məhsullar	5	10
Qrup 22
	Spirtli və spirtsiz içkilər və sirkə	10	20
220110000	Mineral və qazlı sular	5	10
220300	Səməni (maya) pivəsi	50	100
220410	Köpüklənən şərablar	40	80
220421220429	Tündləşdirilənlər də daxil olmaqla təbii üzüm şərabları	40	80
2205	Vermutlar və başqa təbii üzüm şərabları, bitki və ya aromatik cövhər qarışdırılmış	40	80
220710000	Tərkibində 80%-dən az spirt olmayan denaturlaşdırılmamış (xammal) etil spirti	0	0
220810	İçki hazırlanmasında istifadə olunan qarışıq spirtli yarımfabrikatlar	2	4
220820220890	Tünd spirtli içkilər, likörlər və başqa spirtli içkilər	70	140
Qrup 24
	Tütün və tütünün sənaye əvəzedicisi məhsulları	35	70
2401	Xam tütün	0	0
Qrup 34
	Sabun, səthi aktiv üzvi maddələr, yuyucu maddələr, sürtkü materialları, süni hazır mumlar, təmizləmə və pardaxlama maddələri, şam və bənzəri məmulat, yapma pastaları plastilin, stomatoloji mum və diş həkimliyi üçün əsası gips olan birləşmələr	0	0
3402	Səthi aktiv üzvi-maddələr (sabundan başqa) səthi aktiv və yuyucu maddələr (köməkçi yuyucu maddələr daxil olmaqla) təmizləmə maddələri tərkibində sabun olan və olmayan (3401 mal mövqeyində təsnif olunanlardan başqa)
	Pərakəndə satış üçün nəzərdə tutulan və tutulmayan səthi aktiv üzvi maddələr	10	20
Qrup 39
	Plastik kütlələr və onlardan hazırlanmış məmulat	5	10
Qrup 42
	Dəri məmulatı, sərraclıq malları və qoşqu ləvazimatı, yol ləvazimatı, qadın çantaları və bənzəri mallar, heyvan bağırsaqlarından hazırlanmış məmulat (təbii ipəkdən hazırlanmış ketqutdan başqa)	5	10
Qrup 43
	Təbii və süni xəz və onlardan hazırlanmış məmulat	30	60
430400000	Süni xəz və ondan hazırlanmış məmulatlar	0	0
Qrup 45
	Montar probka və ondan hazırlanmış məmulat	10	20
Qrup 46
	Saman, ələf və başqa hörmə materiallardan düzəldilmiş məmulat, səbətçilik məmulatı və başqa hörmə məmulat	20	40
Qrup 50
	İpək	5	10
Qrup 53
	Başqa bitki mənşəli toxuculuq lifləri, kağız lifi və ondan hazırlanmış parça	5	10
Qrup 57
	Xalçalar və başqa toxuma örtüklər	30	60
Qrup 58
	Xüsusi parçalar, tikilmiş xovlu parçalar, krujeva, qobelen, bəzək materialları, çəkilər (naxış tikmələri)	5	10
Qrup 59
	Hopdurulmuş və yeri təkrarən doldurulmuş toxuma materialları, bunlardan düzəldilmiş texniki məmulat	10	20
Qrup 62
	Toxuma parçadan geyim və geyim ləvazimatı (trikotajdan başqa)	5	10
Qrup 63
	Başqa hazır toxuma məmulatı, dəstlər, istifadə olunmuş geyim və toxuma parçalar	5	10
Qrup 64
	Ayaqqabı, ketr və oxşarı məmulat, bunların hissələri	5	10
Qrup 65
	Baş geyimi və bunların hissələri	5	10
Qrup 67
	Emal edilmiş lələk və quş tükü və bunlardan hazırlanmış məmulat, süni güllər, insan saçından məmulat	10	30
Qrup 69
	Keramik məmulat	20	40
69016908	Mal mövqeləri	0	0
Qrup 76
	Alüminium və alüminium məmulatı	5	10
7601	Mal mövqeyi	0	0
Qrup 81
	Başqa adi metallar, metal-keramika və onlardan hazırlanmış məmulat	1	2
Qrup 83
	Adi metallardan başqa adı çəkilməyən digər məmulat	1	2
Qrup 84
	Universal mətbəx maşınları	10	20
	şirəçəkənlər	10	20
	mikserlər	10	20
	ətçəkən maşınlar	10	20
	Qəhvə üyüdənlər	10	20
841510000	Məişət kondisioneri	10	20
841810	Mətbəx soyuducuları	10	20
	Cib və stolüstü mikrokalkulyatorlar (12-16 dərəcəli mühasibat kalkulyatorlarından başqa)	10	20
Qrup 85
	Elektrik su qızdırıcıları	10	20
	Elektrik sərinkeşlər	10	20
	Lüminisent lampalar	5	10
	Düyməli elektron telefon aparatları (nömrə müəyyən edən, avtocavabvericisi və s. servisi olanlardan başqa)	25	50
	Elektrik maşınları və avadanlığı, bunların hissələri, səs yazan və səsləndirən aparatlar, televiziya təsviri və səslərini yazmaq üçün aparatlar, bunların hissələri və ləvazimatı	2	5
Qrup 87
8703	Yükgül minik avtomobilləri	15	25

* 1 Azərbaycan Respublikası ilə ticarətdə qarşılıqlı əlverişli şərait rejimi (ƏŞR) barədə ikitərəfli saziş bağlamış ölkələrin istehsalı olan (mənşə sertifikatı) mallara;

2 qarşılıqlı əlverişli şərait rejimi barədə sazişi (QƏŞR) olmayan ölkələrin istehsalı olan (mənşə sertifikatı) mallara.

İşlər müdiri

İ.HACIYEV

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarı ilə
təsdiq edilmişdir
4 saylı əlavə

Gömrük İdxal Rüsumu haqqında müvəqqəti
Əsasnamə

1. Ümumi müddəalar

1.1. Azərbaycan Respublikasında Gömrük Tarifləri haqqında Qanun qəbul olunana qədər gömrük idxal rüsumları ilə əlaqədar məsələlər bu Əsasnamə ilə tənzimlənir.

1.2. Mülkiyyət formasından, tabeçiliyindən və qeydiyyata alındığı yerdən asılı olmayaraq bütün hüquqi şəxslər, hüquqi şəxs statusu olmayan xarici firmaların nümayəndəlikləri, fərdi (ailəvi) müəssisələr, hüquqi şəxs yaratmadan sahibkarlıq fəaliyyəti göstərən şəxslər Azərbaycan Respublikası ərazisinə gətirilən mallar (o cümlədən müşayiət edilən və ya edilməyən baqajla gətirilən mallar və həmçinin poçt vasitəsilə göndərilən mallar) üzrə bu Əsasnaməyə uyğun şəkildə gömrük idxal rüsumu ödəyirlər.

1.3. Azərbaycan Respublikası ərazisinə gətirilən mallardan onların Gömrük dəyərinə gömrük idxal rüsumu dərəcələrinə uyğun faiz nisbətində rüsum tutulur.

Azərbaycan Respublikasında Gömrük Tarifləri haqqında Qanun qəbul edilənədək respublikaya gətirilən malların gömrük dəyəri hal-hazırda qüvvədə olan qaydalara uyğun surətdə müəyyən edilir.

1.4. Gömrük idxal rüsumları ödəyicinin arzusuna görə manatla və ya sərbəst dönərli valyuta ilə ödənilir. Xarici valyutanın respublikada dövriyyədə olan pul vahidinə nisbəti Gömrük Yük Bəyannaməsinin gömrük əməliyyatı üçün qəbul edildiyi tarixə Azərbaycan Respublikası Milli Bankının təyin etdiyi məzənnəyə görə müəyyənləşdirilir.

1.5. Gömrük idxal rüsumları Gömrük Yük Bəyannaməsi gömrük əməliyyatı üçün qəbul edilənə qədər ödənilir.

1.6. Gömrük orqanları əmlak girovu və ya vəkil edilmiş bankın zəmanəti olduğu təqdirdə gömrük idxal rüsumunun ödənilməsinə gömrük yük bəyannaməsinin qəbul edildiyi tarixdən etibarən 30 gün möhlət verə bilərlər.

1.7. Gömrük idxal rüsumu ödənməmiş və ya ödəmə üçün bank zəmanəti ilə möhlət verilməmiş mallar gömrük məntəqələrindən buraxılmır.

1.8. Müəyyən edilsin ki, Azərbaycan Respublikasına gətirilmiş mallar 36 saat müddətində gömrük orqanlarında bəyan edilməli və onların həqiqi idxalı təmin olunmalıdır.

2. Gömrük İdxal Rüsumu Hesablanarkən Kömrük Yük Bəyannaməsinin Doldurulması Qaydası

2.1. Ödənməli olan gömrük idxal rüsumunun məbləği gömrük yük bəyannaməsinin 47-ci qrafasında və bəyannaməyə əlavə edilən vərəqlərdə aşağıdakı şəkildə göstərilir:

2.2. 47-ci qrafanın Növ başlıqlı birinci sütununda gömrük idxal vergisinin ödəmə şifri göstərilir:

manatla ödəndikdə 20;
sərbəst dönərli valyuta ilə ödəndikdə 21.

2.3. Qrafanın hesablanma üçün əsas başlıqlı 2-ci sütununda malın dəyəri göstərilir:

manatla ödəndikdə 42-ci qrafada göstərilən və bəyannamə gömrük əməliyyatı üçün qəbul edildiyi gündə Azərbaycan Respublikası Milli Bankının müəyyən etdiyi məzənnə ilə (Gömrük Yük Bəyannaməsinin 23-cü qrafası Valyuta məzənnəsi);
sərbəst dönərli valyuta ilə ödəndikdə 42-ci qrafada göstərilən.

2.4. Qrafanın Dərəcəsi başlıqlı üçüncü sütununda Gömrük İdxal Rüsumu dərəcələrinə uyğun olaraq rüsumun dərəcəsi göstərilir.

2.5. Qrafanın Məbləğ başlıqlı 4-cü sütununda Gömrük Yük Bəyannaməsinin 47-ci qrafasının 2-ci və 3-cü sütunlarındakı rəqəmlərin hasilindən alınan məbləğ göstərilir.

2.6. Qrafanın Ödəmə üsulu başlıqlı 5-ci sütununda ödəmənin üsulu göstərilir:

NHH bank vasitəsilə nağdsız haqq-hesab;
GK rüsum məbləği naqd olaraq gömrük kassasına verilməsi;
BT vəkil edilmiş bankın zəmanəti ilə rüsum ödənməsinə möhlət verilməsi. Belə hallarda Gömrük Yük Bəyannaməsinin Ödəmə möhləti başlıqlı 48-ci qrafasında verilən möhlətin son tarixi göstərilir;
KM əmlak girovu ilə ödəməyə möhlət verilməsi. Belə hallarda Gömrük Yük Bəyannaməsinin Ödəmə möhləti başlıqlı 48-ci qrafasında verilən möhlətin son tarixi göstərilir.

2.7. Gömrük Yük Bəyannaməsinin hesablamanın təfsilatı başlıqlı V qrafasında ödənilən rüsum məbləği, ödəmə sənədinin nömrəsi və tarixi göstərilir.

2.8. Gömrük Yük Bəyannaməsinin 16-cı qrafasında malın mənşəyi olan ölkənin tam aydın adı göstərilir.

3. Gömrük İdxal Vergisinin Ödənməsi Qaydası

3.1. Gömrük rüsumunun ödənildiyini təsdiq etmək üçün doldurulan bəyannaməyə, üzərində rüsumun ödənildiyi haqda bankın qeydi olan ödəmə tapşırığının bir nüsxəsi əlavə edilməlidir.

3.2. Manatla ödənən gömrük idxal rüsumu məbləği gömrükxananın depozit hesabına keçirilir. Gömrükxana depozit hesabına pul daxil olub-olmadığını bank çıxarışları ilə yoxlayır. Gömrükxananın depozit hesabına vəsait daxil olmadıqda gömrük orqanları ödəmə tapşırığı verildiyi tarixdən etibarən iki ay ərzində bu təlimatın beşinci bəndində nəzərdə tutulan vəsaitin alınması üçün tədbirlər görür.

Depozit hesaba daxil olan gömrük idxal rüsumu məbləğləri ayda üç dəfədən az olmamaq şərtilə, Azərbaycan Respublikasının dövlət büdcəsinin gəlir hissəsinin 8-ci bölməsinin 14-cü paraqrafına Gömrük rüsumları hesabına keçirilir.

Sərbəst dönərli valyuta ilə tutulan gömrük idxal rüsumu məbləğləri respublikanın Vahid Valyuta Fondunun Azərbaycan Respublikasının Milli Bankındakı hesabına keçirilir.

3.3. Gömrük idxal rüsumları bu Əsasnaməyə görə müxtəlif dərəcələrlə tutulur:

Azərbaycan Respublikası ilə ticarətdə qarşılıqlı əlverişli şərait rejimi (ƏŞR) barədə ikitərəfli saziş bağlanmış ölkələrdən gətirilən mallara (malın mənşəyi haqqında sertifikat əsasında) gömrük idxal vergisinin birinci sütunda göstərilmiş minimum dərəcələri tətbiq edilir;
Azərbaycan Respublikası ilə ticarətdə qarşılıqlı əlverişli şərait rejimi barədə saziş olmayan (QƏŞR qeyri-əlverişli şərait rejimi) ölkələrdən gətirilən mallara (malın mənşəyi haqqında sertifikat əsasında) Gömrük idxal rüsumunun ikinci sütunda göstərilən dərəcələri tətbiq edilir.

4. Ödəyicilərin məsuliyyəti

4.1. Ödəyicilər hesablamaların düzgünlüyünə və gömrük idxal vergisinin vaxtında ödənməsinə görə məsuliyyət daşıyırlar.

4.2. Gömrük Yük Bəyannaməsində göstərilən məlumatlar verginin ödənilməməsinə və ya gömrük idxal rüsumu məbləğinin azalmasına (malın kodunun düzgün olmaması, gətirilən malın miqdarının, onun dəyərinin və ya rüsum dərəcəsinin azaldılması) səbəb olduqda, gömrük orqanı bəyannamə verəndən, rüsumdan gizlədilən malı gömrük idxal rüsumunun tam məbləğini şərtsiz alır və büdcəyə, və ya Vahid Valyuta Fonduna mədaxil edir.

4.3. Malın öz adı ilə deyil, başqa adla (malın kodunun bilərəkdən düzgün göstərilməməsi) sərhəddən keçirilməsi niyyəti ilə yanlış bəyannamə verən şəxs bu malın dəyərinin yüz faiz məbləğində haqq ödəyir, mal isə müsadirə edilir.

4.4. Müəyyən edilmiş müddətdə gömrük idxal rüsumunun tam ödənilməməsinə yol vermiş məsul şəxslər, ödənilməmiş rüsum məbləğinin 300 faizi, onları kəsirlə ödəyənlər 200 faizi və digər maliyyə pozuntularına yol verənlər isə 100 faizi məbləğində haqq ödəyirlər.

4.5. Gömrük orqanı verilmiş möhlət ərzində rüsumları ödəməyən şəxslərdən bütün rüsum məbləğini şərtsiz şəkildə alır və müvafiq olaraq büdcəyə və yaxud Vahid Valyuta Fonduna mədaxil edir.

Əgər möhlət əmlak girovuna görə verilmişsə, gömrükxana bu malı ödənməyən rüsum borcu hesabına dövlətin mülkiyyətinə keçirir.

Gömrük orqanı ödəyicinin öhdəliyini və vəkil bankın zəmanət məktubunu, penya da daxil olmaqla yaranmış borcu zəmanət vermiş vəkil bankdan almaq üçün Azərbaycan Respublikası Milli Bankına verir.

Gələcəkdə mal idxal edən belə hüquqi şəxslərə rüsum ödənişlərinə görə möhlət verilmir.

4.6. Hüquqi şəxslər gömrük idxal rüsumu üzrə borclarını ödəmədikdə gömrük orqanları bu şəxslərin xarici iqtisadi əməliyyatlarının dayandırılması üçün müvafiq orqanlar qarşısında məsələ qaldırır və Azərbaycan Respublikası qanunlarında nəzərdə tutulan digər tədbirləri görməklə idxal rüsumu üzrə ödənməli olan vəsaiti tamamilə büdcəyə mədaxil edir.

İşlər müdiri

İ.HACIYEV

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarı ilə
təsdiq edilmişdir
5 saylı əlavə

Gömrük xidmətləri göstərilməsi üçün alınan xərclərin tarifləri

Göstərilən xidmətlər	Gömrük xidməti ödənclər ABŞ doll. ilə^*
Gömrük rəsmiləşdirilməsi yerindən kənarda, o cümlədən müəssisə və təşkilatların ərazisində onların qoruduqları və gömrük nəzarətində olan malların gömrük işlərini rəsmiləşdirmək üçün gömrük işçisinin çağırılması, hər işçinin gündüz (iş vaxtı) bir saatlıq işi hesabı ilə	2
İş vaxtından əlavə (18.00-dan 09.00-a kimi), şənbə, bazar və bayram günləri	5
Sərgi yüklərinin rəsmiləşdirilməsi üçün, hər işçinin gündüz (iş vaxtı) bir saatlıq işi hesabı ilə	2
İş vaxtından əlavə (18.00-dan 09.00-a kimi) şənbə, bazar və bayram günləri	5
Qabaqcadan yazılı olaraq xəbər vermədən, sifariş olunan xidmətlərdən imtina etdikdə	5
Vətəndaşların Azərbaycan Respublikası ərazisinə gətirdikləri (o cümlədən müvəqqəti olaraq gətirilən) nəqliyyat vasitələrinin qeydə alınmasına vəsiqə verilməsi üçün:
Minik avtomobilləri, mikroavtobuslar, avtobuslar	20
Motorsuz nəqliyyat vasitələri (qoşqu, yarımqoşqu, araba və s.)	15
Motosikllər, motorollerlər	10
Mopedlər (qeydə alınmalı olanları)	8
Əşyaların aparılması (gətirilməsi) barədə rəsmi arayış (təsdiqedici) bəyannamə surəti, əşya və valyutanın qeydi kitabçaları və qanunda nəzərdə tutulan hallar barədə başqa məlumat sənədi üçün	1

* Azərbaycan Respublikası ərazisində dövriyyədə olan valyuta, gömrük ödənclərinin ödənilməsi üçün gömrük tələbnaməsinin verildiyi gün Azərbaycan Respublikası Milli Bankının müəyyən etdiyi və xarici iqtisadi əməliyyat hesablaşmalarında tətbiq edilən məzənnəyə görə hesablanır və manatla və ya valyuta ilə ödənilir. Xarici assosiasiyalar, təşkilatlar, firmalar və s. daxil olmaqla, göstərilən xidmətlər üçün gömrük ödəncləri ABŞ dolları ilə ödənilir.

İşlər müdiri

İ.HACIYEV

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarı ilə
təsdiq edilmişdir
6 saylı əlavə

Gömrük xidməti göstərilməsi üçün alınan xərclər haqqında
Təlimat

1. Mülkiyyət formasından, tabeçiliyindən və qeydiyyata alındığı yerdən asılı olmayaraq bütün hüquqi şəxslər, hüquqi şəxs yaratmadan sahibkarlıq fəaliyyəti ilə məşğul olan şəxslərdən Azərbaycan Respublikası ərazisinə gətirilən və ya Azərbaycan Respublikası ərazisindən çıxarılan mallara (əmlaklara) gömrük əməliyyatı aparılması üçün 01.07.94-cü ildən etibarən göstərilən qayda və miqdarlarda ödənclər alınması müəyyən edilsin:

1.1. Dövlət müəssisələri tərəfindən barter və qapalı valyuta (manatla) sövdələşmələrinə uyğun olaraq gətirilən və ya aparılan mallardan bu malların ümumi dəyərinin 0,15 faizi (lakin 3000 manatdan az olmayaraq), o cümlədən sövdələşmə sərbəst dönərli valyuta ilə aparıldıqda 0,1 faiz miqdarında manatla xarici valyuta ilə 0,1 miqdarında ödənc ödənilir.

1.2. Azərbaycan Respublikası ərazisində dövlət müəssisələri tərəfindən gətirilən və ya aparılan əmlaklara bu əmlakın ümumi dəyərinin 0,15 faizi miqdarında manatla (3000 manatdan az olmayaraq) ödənc alınır.

1.3. Dövlət müəssisəsinin bir Gömrük Yük Bəyannaməsi vasitəsilə müvəqqəti olaraq Azərbaycan Respublikası ərazisindən aparılan və ya gətirilən əmlaklarından gömrük əməliyyatları üçün 3000 manat miqdarında ödənc alınır.

Bu təlimatın 1.1, 1.2, 1.3 bəndlərində göstərilən şərtlərə uyğun olaraq Azərbaycan Respublikası ərazisinə gətirilən və ya buradan aparılan malların və əmlakın ümumi dəyəri Gömrük Yük Bəyannaməsinin doldurulması haqqında təlimata uyğun olaraq müəyyən edilir.

2. İstehsal kooperativlərinin, onların birliklərinin, müştərək müəssisələrinin, beynəlxalq birlik və təşkilatların, ictimai təşkilatların, xarici şirkətlərin malları və ya əmlakı Azərbaycan Respublikası ərazisinə gətirilərkən və ya buradan aparılarkən gömrük əməliyyatları üçün aşağıdakı 2.1, 2.2, 2.3 bəndlərində göstərilən miqdarlarda haqq alınır:

2.1. Azərbaycan Respublikası ərazisinə nizamnamə fondu hesabına əmlak və mal gətiriləndə gömrük əməliyyatları üçün 0,1 faiz miqdarında manatla (lakin 2000 manatdan az olmayaraq) və Azərbaycan Respublikası Milli Bankının müəyyən etdiyi məzənnəyə görə 0,05 faiz miqdarında xarici valyuta ilə (lakin 1000 manatdan az olmayaraq) haqq alınır.

2.2. Azərbaycan Respublikası ərazisində mal gətirilərkən və ya mal aparılarkın (barter sövdələşməsi, qapalı valyuta ilə sövdələşmələr) gətirilən və ya aparılan malların ümumi dəyərinin 0,25 faizi miqdarında (lakin 4000 manatdan az olmayaraq) gömrük əməliyyatları üçün haqq alınır.

2.3. Azərbaycan Respublikası ərazisində mal gətirilərkən və ya buradan mal aparılarkın (sərbəst dönərli valyuta ilə sövdələşmə) 0,1 faiz miqdarında manat hesabı ilə (lakin 2000 manatdan az olmayaraq) və Azərbaycan Respublikası Milli Bankının müəyyən etdiyi məzənnəyə görə 0,05 faiz miqdarında xarici valyuta ilə (lakin 1000 manatdan az olmayaraq) gömrük əməliyyatları üçün haqq alınır.

2.4. Azərbaycan Respublikası ərazisinə gətirilən və ya buradan aparılan mal və əmlakdan, sövdələşmə birbaşa istehsal əlaqələri üzrə mal göndərilməsi üsulu ilə aparıldığı təqdirdə 0,25 faiz miqdarında (lakin 4000 manatdan az olmayaraq), həmçinin emal üçün xammal və yarımfabrikatlar (sifarişçinin öz xammalından) göndərildikdə və bu xammal və yarımfabrikatlar emal olunduqdan sonra göndərildikdə 0,25 faiz miqdarında ( lakin 4000 manatdan az olmayaraq) gömrük əməliyyatları üçün ödənc alınır.

2.5. Konsiqnasiya mahiyyətli sövdələşmələr (konsiqnasiya, komisyon əsasında mal təslim etmək) aparılarkən 0,15 faiz miqdarında manat hesabı ilə (lakin 3000 manatdan az olmayaraq) və MDB ölkələri də daxil olmaqla göndərildiyi ölkədən asılı olmayaraq, ödəmə günündə Azərbaycan Respublikası Milli Bankının müəyyən etdiyi məzənnəyə görə 0,1 faiz miqdarında xarici valyuta ilə (lakin 1000 manatdan az olmayaraq) gömrük əməliyyatları üçün haqq alınır.

2.6. Azərbaycan Respublikası ərazisinə humanitar yardım məqsədi ilə gətirilən və ya aparılan mallara, avadanlıqlara gömrük əməliyyatları üçün ödənc alınmır.

2.7. Gömrük Yük Bəyannaməsinin hər bir əlavə vərəqi üçün 1000 manat, sövdələşmə sərbəst dönərli valyuta ilə aparıldıqda isə 5 ABŞ dolları və ya Azərbaycan Respublikası Milli Bankının müəyyən etdiyi məzənnəyə görə manatla haqq alınır. Sövdələşmələr manat hesabı, qapalı valyuta hesabı (21, 31, 27 və s.), sifarişçinin öz xammalı, birbaşa istehsal əlaqələri əsasında aparıldıqda, bir əlavə vərəq üçün 1000 manat miqdarında haqq alınır.

3. Tranzit yük bəyannamələri üçün hər bəyannaməyə görə 10 ABŞ dolları və hər əlavə vərəq üçün 5 ABŞ dolları miqdarında haqq alınır.

İşlər müdiri

İ.HACIYEV

Azərbaycan Respublikası Nazirlər Kabinetinin
1994-cü il 27 iyun tarixli 252 saylı qərarına
7 saylı əlavə

Azərbaycan Respublikası ilə ticarətdə qarşılıqlı əlverişli şərait rejimi (ƏŞR) tətbiq edilən ölkələrin Siyahısı

1. Rusiya Federasiyası

2. Ukrayna

3. Qazaxıstan

4. Özbəkistan

5. Belarus

6. Gürcüstan

7. Latviya

8. Litva

9. Estoniya

10. Moldova

11. Türkmənistan

12. Qırğızıstan

13. Tacikistan

14. Avstriya

15. Avstraliya

16. Braziliya

17. Bolqarıstan

18. Birləşmiş Ərəb Əmirlikləri

19. Əfqanıstan

20. Türkiyə

21. İran

22. Pakistan

23. Macarıstan

24. Rumıniya

25. Polşa

26. Belçika

27. Fransa

28. Çin Xalq Respublikası

29. Hindistan

30. İordaniya

31. Almaniya

32. İtaliya

33. Küveyt

34. Suriya

35. Çexiya

36. Slovakiya

37. Koreya Xalq Demokratik Respublikası

38. Koreya Respublikası

39. Misir

40. İsrail

41. Yaponiya

42. İsveçrə

43. Böyük Britaniya

44. İrlandiya

45. Danimarka

46. Hollandiya

47. Sinqapur

48. Vyetnam

49. ABŞ

50. Norveç

51. İsveç

52. Yunanıstan

53. Səudiyyə Ərəbistanı

54. Finlandiya

55. İspaniya

Qeyd: Xarici İşlər və Xarici İqtisadi Əlaqələr Nazirlikləri 1994-cü il dekabrın 31-nədək siyahıda göstərilən ölkələrə birtərəfli qaydada əlverişli şərait rejimi tətbiq edilməsi barədə məlumat versinlər.

İşlər müdiri

İ.HACIYEV

AzerSoft