Bakı şəhəri, 19 mart 2003-cü il

Azərbaycan Respublikası Dövlət Gömrük Komitəsinin Ədliyyə Nazirliyi ilə razılaşdırılmış təklifini nəzərə alaraq, Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2001-ci il 5 aprel tarixli, 75 nömrəli qərarı ilə təsdiq edilmiş «Azərbaycan Respublikası gömrük orqanlarının vəzifəli şəxsləri üçün xüsusi geyim formasının, fərqlənmə nişanlarının təsviri»nə aşağıdakı dəyişikliklər və əlavələr edilsin:

• 2-ci bəndinin ikinci abzasında «tünd mavi rəngli pencək» sözlərindən sonra «yüngül gödəkçə» sözləri və bu abzasın sonuna aşağıdakı məzmunda cümlə əlavə edilsin:

«Ali və baş rəis heyətinin qış geyim dəstinə pulover də daxil olur.»;

• 2-ci bəndinin beşinci abzası aşağıdakı redaksiyada verilsin:

«Furajka — gömrük orqanlarının ali rəis heyəti üçün tünd mavi, digər vəzifəli şəxslər üçün tünd göy (qaraya yaxın) rəngli parçadan tikilir, üst tərəfində ensiz yaşıl zolaq, ortasının kənarında eni 50 mm olan yaşıl rəngli məxmərdən zolaq vardır. Günlüyü ali rəis heyəti üçün tünd mavi rəngli parçadandır, digər vəzifəli şəxslər üçün isə qara rənglidir və laklanmışdır. Üzərində Azərbaycan Respublikasının Dövlət Gerbinin təsviri olan 2 ədəd sarı metaldan hazırlanmış düymə ilə bərkidilən qızılı rəngli ali rəis heyəti üçün ikili yastı, digər vəzifəli şəxslər üçün isə bir toxunma qaytanı vardır. Ali rəis heyəti üçün furajkanın enli zolağının qabaq hissəsinin ortasında Azərbaycan Respublikasının Dövlət Gerbinin təsviri olan kokardası vardır, kokardanın kənarlarına qızılı rəngli palıd yarpaqları şəklində olan naxışlar, günlüyünün üstünə qızılı rəngli palıd yarpaqları şəklində ikili nişan tikilir. Gömrük orqanlarının digər vəzifəli şəxsləri üçün furajkanın enli zolağının qabaq hissəsinin ortasında Azərbaycan Respublikasının Dövlət Gerbinin təsviri olan kokardası vardır. Qadınlara furajka əvəzinə eyni naxışlı və ya kokardalı şlyapa verilir.»;

• 2-ci bəndinin altıncı abzasında «gödəkçə» sözündən əvvəl «xəzli» sözü və bu abzasın sonuna aşağıdakı məzmunda cümlələr əlavə edilsin:

«Ali rəis heyəti üçün yüngül gödəkçə isə tünd mavi rəngli bir bortlu olur. Üstündə hər iki tərəfindən çəp yerləşdirilmiş yan cibləri, çiyinlərində fərqlənmə (xüsusi rütbə) nişanları olan poqonlar vardır. Yaxası «Molniya» tipli zəncirbəndlə açılıb bağlanır.»;

• 2-ci bəndinin yeddinci abzasında «Üstündə bir sırada yerləşən, üzərində» və «bir sırada yerləşən sarı metaldan hazırlanmış, üzərində» sözlərindən sonra «ali rəis heyəti üçün Azərbaycan Respublikasının Dövlət Gerbinin, baş rəis heyəti üçün isə» sözləri əlavə edilsin;
• 2-ci bəndinin onuncu abzasında «Üstündə iki sırada yerləşən, sarı metaldan hazırlanmış, üzərində» sözlərindən sonra «ali rəis heyəti üçün Azərbaycan Respublikasının Dövlət Gerbinin, digər vəzifəli şəxslər üçün isə» sözləri və «bütün vəzifəli şəxslərin pencəklərinin qollarının aşağı arxa hissəsində bir sırada yerləşən, üzərində» sözlərindən sonra «ali rəis heyəti üçün Azərbaycan Respublikasının Dövlət Gerbinin, digər vəzifəli şəxslər üçün isə» sözləri əlavə edilsin;
• 2-ci bəndinin on birinci abzasında «20» rəqəmi «30» rəqəmi ilə əvəz edilsin;
• 2-ci bəndinin on üçüncü abzasından «tünd göy (qaraya yaxın)» sözləri çıxarılsın;
• 2-ci bəndə aşağıdakı məzmunda on beşinci abzas əlavə edilsin:

«Pulover-çiyinlərində poqonlar olmaqla gömrük orqanlarının ali rəis heyəti üçün göy, baş rəis heyəti üçün isə tünd göy (qaraya yaxın) rəngli yundan toxunulur.»;

• 3-cü bəndinin 2-ci abzası aşağıdakı redaksiyada verilsin:

«Furajka və onun günlüyü ağ rəngli parçadan tikilir, üst tərəfində və ortasının yuxarı hissəsində ensiz yaşıl zolaq vardır, furajkanın enli zolağında üzərində Azərbaycan Respublikasının Dövlət Gerbinin təsviri olan sarı metaldan hazırlanmış 2 ədəd düymə ilə bərkidilən iki yastı qaytanı vardır, zolağın qabaq hissəsinin ortasında Azərbaycan Respublikasının Dövlət Gerbinin təsviri olan kokardası vardır, kokardanın kənarlarında qızılı rəngli palıd yarpaqları şəklində olan naxış, günlüyünün üstünə qızılı rəngli palıd yarpaqları şəklində ikili nişan tikilir. Qadınlara furajka əvəzinə naxışlı olan şlyapa verilir».

• 3-cü bəndinin üçüncü abzasında «gömrük orqanlarının tanınma nişanının» sözləri «Azərbaycan Respublikası Dövlət Gerbinin» sözləri ilə əvəz edilsin;
• 3-cü bəndin üçüncü abzasının sonuna aşağıdakı məzmunda abzas əlavə edilsin:

«Qadınlar üçün pencək forması eyni qalmaqla sol tərəfə düymələnir.»

• 3-cü bəndin dördüncü abzasında «20» rəqəmi «30» rəqəmi ilə əvəz edilsin və bu abzasın sonuna aşağıdakı məzmunda cümlə əlavə edilsin:

«Qadınlara qara parçadan tikilmiş yubka verilir.»;

• 5-ci bəndin 5.1-ci yarımbəndi aşağıdakı redaksiyada verilsin:
• «Üstündə sarı rəngli sapdan tikilmiş, Azərbaycan Respublikasının həqiqi dövlət gömrük xidməti müşaviri üçün diametri 40 mm olan, gömrük xidməti general-polkovniki, general-leytenantı və general-mayoru üçün isə diametri 30 mm olan 8 guşəli ulduzlar (ulduz), kənarları ensiz yaşıl zolaqlı, boz rəngli mövsümi poqon, Azərbaycan Respublikasının həqiqi dövlət gömrük xidməti müşaviri üçün poqonun yuxarı hissəsində sarı sapdan tikilmiş Azərbaycan Respublikasının Dövlət Gerbinin təsviri vardır. Gömrük xidməti generalları üçün poqonun yuxarı hissəsində sarı metaldan hazırlanmış, üstündə Azərbaycan Respublikasının Dövlət Gerbinin təsviri olan düymə, poqonun aşağı hissəsində qızılı rəngli toxunma aypara vardır. Dövlət Gömrük Komitəsi sədrinin poqonunun kənarında eni 5 mm olan qızılı rəngli çərçivə olur. Parad-çıxış xüsusi geyim formasının poqonu açıq sarı, yay mövsümi poqonu isə ağ rənglidir. Xüsusi rütbədən asılı olaraq poqonlarda ulduzların sayı aşağıdakı kimidir:

2. Azərbaycan Respublikası Nazirlər Kabinetinin 2001-ci il 5 aprel tarixli, 75 nömrəli qərarı ilə təsdiq edilmiş «Azərbaycan Respublikası gömrük orqanlarının vəzifəli şəxsləri üçün xüsusi geyim formalarının təchizat norması»nda «Ali rəis heyəti üçün» hissəsində 1-ci sütundakı «16» sıra nömrəsindən və bu sıra nömrəsi üzrə göstərilənlərdən sonra müvafiq olaraq ardıcıl surətdə «17» rəqəmi, «tünd mavi rəngli yüngül gödəkçə» sözləri, «1 ədəd», «6 il» rəqəm və sözləri, «18» rəqəmi, «göy rəngli pulover» sözləri, «1 ədəd», «3 il» rəqəm və sözləri, «Baş rəis heyəti » hissəsində isə 1-ci sütundakı «12» sıra nömrəsindən və bu sıra nömrəsi üzrə göstərilənlərdən sonra müvafiq olaraq «13» rəqəmi, «tünd göy rəngli pulover» sözləri, «1 ədəd», «3 il» rəqəm və sözləri əlavə edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri

A. RASİ-ZADƏ