1. Ümumi müddəalar

1.1 Azərbaycan Respublikasının gömrük sərhədindən fiziki şəxslər tərəfindən nəqliyyat vasitələrinin keçirilməsi Qaydaları Azərbaycan Respublikası Gömrük Məcəlləsinin 9-cu Maddəsinə, Nazirlər Kabinetinin 15 mart 1999-cu il tarixli, 39 saylı, 31 may 2001-ci il tarixli, 105 saylı və 07 noyabr 2002-ci il tarixli, 176 saylı Qərarlarına uyğun olaraq hazırlanmışdır.

Azərbaycan Respublikasının gömrük sərhədindən fiziki şəxslər tərəfindən nəqliyyat vasitələrinin keçirilməsi Qaydaları (bundan sonra Qaydalar) Azərbaycan Respublikasının gömrük sərhədindən fiziki şəxslər tərəfindən nəqliyyat vasitələrinin keçirilməsini, gömrük orqanlarında rəsmiləşdirilməsini tənzimləyir.

Bu Qaydalarda aşağıdakı anlayışlardan istifadə olunur:

2. Fiziki şəxslər tərəfindən Azərbaycan Respublikası gömrük sərhədindən nəqliyyat vasitələrinin keçirilməsi

2.1. Fiziki şəxslər tərəfindən nəqliyyat vasitələrinin sərhəd gömrük məntəqələrində bəyan edilməklə aşağıdakı məqsədlərlə Azərbaycan Respublikası gömrük sərhədindən keçirilə bilər:

3. Fiziki şəxslər tərəfindən şəxsi və kommersiya məqsədləri üçün Azərbaycan Respublikası gömrük ərazisinə gətirilən nəqliyyat vasitələrinin gömrük rəsmiləşdirilməsi

3.1. Fiziki şəxslər tərəfindən şəxsi istifadə üçün gətirilən XİFƏN-nin 8703 mal qrupuna aid olan nəqliyyat vasitələrinin gömrük rəsmiləşdirilməsi sərhəd gömrük orqanlarında qüvvədə olan qanunvericiliyə uyğun olaraq gömrük ödənişləri və yığımları alınmaqla sadələşdirilmiş qaydada həyata keçirilir.

3.2. Fiziki şəxslər tərəfindən kommersiya məqsədləri üçün Azərbaycan Respublikasının gömrük ərazisinə gətirilən XİFƏN-nin 8703 mal qrupu və digər mal qrupuna aid olan nəqliyyat vasitələri sərhəd gömrük orqanlarında xarici-iqtisadi fəaliyyətin tarif və qeyri-tarif tənzimlənməsinə uyğun olaraq ümumi qaydalarla gömrük rəsmiləşdirilməsindən keçirilir.

3.3. Gömrük ödənişləri ödənilməklə gömrük rəsmiləşdirilməsi başa çatmış nəqliyyat vasitələrinin sərhəd gömrük məntəqəsindən buraxılması, qeydiyyat jurnalında qeyd olunmaqla və nəzarət qrafasında gömrük rəsmiləşdirilməsinin tam başa çatması haqqında məlumat qeyd olunmaqla həyata keçirilir.

3.4. Əlillər üçün xüsusi olaraq hazırlanmış avtonəqliyyat vasitələrinin Azərbaycan Respublikası gömrük ərazisinə daxil olmasına Azərbaycan Respublikası Əmək və Əhalinin Sosial Müdafiəsi Nazirliyinin təsdiqedici sənədi olduğu təqdirdə sərhəd gömrük orqanlarında gömrük ödənişləri alınmadan sadələşdirilmiş qaydada rəsmiləşdirilir.

4. Fiziki şəxslər tərəfindən nəqliyyat vasitələrinin Azərbaycan Respublikası gömrük ərazisinə müvəqqəti gətirilməsi

4.1.Fiziki şəxslər tərəfindən xarici dövlətlərin daimi qeydiyyatda olan bütün növ avtonəqliyyat vasitələri sərhəd gömrük məntəqələrində bəyan olunmaqla və nəqliyyat vasitələrini idarə edən şəxsdən öhdəlik alınmaqla Azərbaycan Respublikasının gömrük ərazisinə müvəqqəti olaraq gətirilməsinə icazə verilir.

4.2. Xarici dövlətlərin daimi qeydiyyatdan çıxarılmadan Azərbaycan Respublikasına 30 (otuz) günədək müddətə müvəqqəti gətirilən XİFƏN-nin 8703 mal qrupuna aid edilən nəqliyyat vasitələrinin qeyri -rezidentlərin bilavasitə özləri tərəfindən gətirildikdə, sərhəd gömrük məntəqələrində öhdəlik alınaraq rəsmiləşdirilir (depozit hesaba pul vəsaiti qəbul olunmadan).

4.3. Qeyd olunan nəqliyyat vasitələrinin müvəqqəti qalma müddətinin 30 (otuz) gündən artıq müddətə uzadılmasına qeyri-rezidentin müvəqqəti olduğu yerdə fəaliyyət göstərən gömrük orqanında sərbəst dövriyyə üçün buraxılış rejiminə uyğun həcmdə gömrük ödənişlərinə ekvivalent məbləğdə pul vəsaiti depozit hesaba qoyulmaqla nəqliyyat vasitəsi sahibinin vizasının və digər qeydiyyat sənədlərində göstərilən müddətə (bir ilədək) həmin gömrük orqanı tərəfindən icazə verilir və qeydiyyata alınması üçün gömrük vəsiqəsi yazılır.

4.4. Xarici dövlətlərin daimi qeydiyyatından çıxarılmadan Azərbaycan Respublikasına 30 (otuz) günədək müddətə müvəqqəti gətirilən XİFƏN-nin 8703 mal qrupuna aid edilən nəqliyyat vasitələrinin bilavasitə nəqliyyat vasitələrinin sahiblərinin (qeyri-rezidentlərin) özləri tərəfindən deyil, digər şəxslər tərəfindən etibarnamə ilə gətirildikdə, habelə digər mal qrupuna aid nəqliyyat vasitələrinin müvəqqəti gətirilməsinə sərbəst dövriyyə üçün buraxılış rejiminə uyğun həcmdə gömrük ödənişlərinə ekvivalent məbləğdə pul vəsaiti sərhəd gömrük orqanlarında depozit hesaba qoyulmaqla və öhdəlik alınmaqla müvəqqəti gətirilməsinə icazə verilir.

4.5. Azərbaycan Respubilkasının gömrük ərazisinə 30 (otuz) günədək müddətə müvəqqəti gətirilən nəqliyyat vasitələri sərhəd gömrük məntəqələri tərəfindən nəzarətdə saxlanılır.

4.6. Bu qaydaların 4.3 və 4.4 yarımbəndlərində qeyd olunan avtonəqliyyat vasitələrinin respublikada müvəqqəti qalma müddətinin uzadılması nəqliyyat vasitəsinin qeydiyyata alınması üçün gömrük vəsiqəsi tərtib olunmaqla və öhdəlik alınmaqla qeyri-rezidentin müvəqqəti olduğu yerdə fəaliyyət göstərən gömrük orqanı tərəfindən həyata keçirilir. Rəsmiləşdirmə aparmış gömrük orqanı sərhəd gömrük orqanını bu barədə rəsmi qaydada məlumatlandırır və həmin nəqliyyat vasitələri rəsmiləşdirmə aparmış gömrük orqanı tərəfindən nəzarətdə saxlanılır.

4.7. Sərhəd gömrük orqanı qeydiyyat jurnalının nəzarət qrafasında rəsmi məlumat haqqında qeydlər edildikdən sonra həmin nəqliyyat vasitəsini nəzarətdən çıxarır.

4.8. Gömrük vəsiqəsinin və fiziki şəxs tərəfindən götürülən öhdəlikdə nəqliyyat vasitəsinin müvəqqəti qeydiyyat müddəti nəqliyyat vasitəsi sahibinin Azərbaycan Respublikasında qalması haqqında verilmiş sənədin və ya vizanın müddəti qədər (1 ilədək) müəyyən edilir.

4.9. Xarici dövlətlərin daimi qeydiyyatında olan bütün növ nəqliyyat vasitələrinin rezidentlər tərəfindən Azərbaycan Respublikasının gömrük ərazisinə müvəqqəti olaraq gətirilməsinə sərbəst dövriyyə üçün buraxılış rejiminə uyğun həcmdə gömrük ödənişlərinə ekvivalent məbləğdə pul vəsaiti sərhəd gömrük orqanlarında depozit hesaba qoyulmaqla 1 (bir) ildən artıq olmayan müddətə öhdəlik alınmaqla icazə verilir və qeydiyyata alınması üçün gömrük vəsiqəsi yazılır və qeyd olunan nəqliyyat vasitəsinin müvəqqəti qeydiyyat vaxtı artırılmır.

4.10. Xarici dövlətlərin daimi qeydiyyatda olmayan (və ya uçotdan çıxarılmış) nəqliyyat vasitələrinin rezident və qeyri rezident fiziki şəxslər tərəfindən Azərbaycan Respublikasının gömrük ərazisinə müvəqqəti olaraq gətirilməsinə icazə verilmir.

4.11. Sərhədyanı rayonlarda daimi yaşayan fiziki şəxslər tərəfindən Azərbaycan Respublikası gömrük sərhədindən müntəzəm olaraq müvəqqəti keçirilən şəxsi nəqliyyat vasitələrinin rəsmiləşdirilməsi qüvvədə olan "dövrü gömrük bəyannaməsinin verilməsi, tətbiqi və sənədləşdirilməsi Qaydalarına" uyğun həyata keçirilir.

4.12. Müəyyən edilmiş müvəqqəti qeydiyyat vaxtı bitən günə qədər şəxsi nəqliyyat vasitəsi Azərbaycan Respublikasından geri aparılmalı və ya onun sahibinin istəyi əsasında müvəqqəti olduğu yerdə fəaliyyət göstərən gömrük orqanında gömrük ödənişlərini ödəməklə tam gömrük rəsmiləşdirilməsindən keçirilə bilər və bu barədə nəqliyyat vasitəsinin müvəqqəti qeydiyyatda olduğu gömrük orqanı rəsmi qaydada rəsmiləşdirmə aparmış gömrük orqanı tərəfindən məlumatlandırılmalıdır.

4.13. Azərbaycan Respublikası ərazisinə müvəqqəti gətirilmiş şəxsi nəqliyyat vasitəsi sahibi əvvəlcədən qeydiyyatda olduğu gömrük orqanlarına yazılı müraciət edərək hansı sərhəd gömrük buraxılış məntəqəsindən çıxması barədə məlumat verməlidirlər. Depozit hesaba götürülmüş pul vəsaiti nəqliyyat vasitəsi Azərbaycan Respublikası ərazisindən çıxarıldıqda sərhəd buraxılış məntəqəsində qaytarılır.

4.14. Nəqliyyat vasitəsi respublika ərazisindən çıxarılanadək qeydiyyatda olduğu gömrük orqanı tərəfindən nəzarətdə saxlanılır və respublika ərazisindən çıxarıldıqdan sonra sərhəd gömrük orqanı bu barədə müvafiq gömrük orqanını rəsmi məlumatlandırır.

4.15. Müvəqqəti gətirilmiş şəxsi nəqliyyat vasitəsinin geri aparılması üçün verilmiş öhdəlik şərtləri pozulduqda, Azərbaycan Respublikasının qüvvədə olan qanunvericiliyinin tələblərinə uyğun olaraq müvafiq tədbirlər görülür.

5. Daimi yaşayış məqsədilə Azərbaycan Respublikasına köçüb gələn fiziki şəxslər tərəfindən nəqliyyat vasitələrinin Azərbaycan Respublikasının gömrük ərazisinə gətirilməsi

5.1. Daimi yaşayış məqsədilə köçüb gələn fiziki şəxslər tərəfindən yalnız 8703 mal qrupuna aid edilən ailə üçün bir nəqliyyat vasitəsi güzəştli qaydada gətirilə bilər və rəsmiləşdirilməsi üçün aşağıdakı şərtlərə əməl olunmalıdır;

6. Azərbaycan Respublikasının gömrük ərazisindən nəqliyyat vasitələrinin aparılması

6.1. Fiziki şəxslər tərəfindən bir şəxsi nəqliyyat vasitəsinin müvəqqəti aparılmasına sərhəd buraxılış məntəqələrində gömrük orqanlarında bəyan edilməklə və aşağıdakı şərtlərə əməl edilməklə 2 (iki) il müddətinə qədər icazə verilə bilər:

7. Azərbaycan Respublikası gömrük ərazisindən nəqliyyat vasitələrinin tranzit qaydada keçirilməsi

7.1. Fiziki şəxslər tərəfindən Azərbaycan Respublikası gömrük ərazisindən tranzit qaydada keçirilən nəqliyyat vasitələri, respublika ərazisinə gələrkən sərhəd giriş gömrük məntəqəsində bəyan edilməklə rəsmiləşdirilir və çıxış gömrük orqanı bu barədə rəsmi qaydada məlumatlandırılır.

7.2. Sərhəd giriş gömrük məntəqəsi həmin nəqliyyat vasitəsi qeydiyyat jurnalında müvafiq qeydlər etməklə nəzarətdə saxlayır. Həmin nəqliyyat vasitəsinin çıxış sərhəd gömrük məntəqəsinə çatdırılma müddəti 48 (qırx səkkiz) saatdan artıq olmamalıdır.

7.3. Sərhəd çıxış gömrük məntəqələrində tranzit qaydada keçirilən nəqliyyat vasitələri rəsmiləşdirildikdən sonra giriş sərhəd gömrük orqanına rəsmi qaydada məlumat verilir və həmin nəqliyyat vasitəsi giriş sərhəd gömrük məntəqəsinin qeydiyyat jurnalının nəzarət qrafasında müvafiq qeydlər aparılmaqla nəzarətdən çıxarılır.

7.4. Giriş və çıxış gömrük məntəqələrində qeydiyyat jurnalına daxil edilən bütün nəqliyyat vasitələri haqqında məlumat sərhəd bazasında daxil edilməlidir.

7.5. Azərbaycan Respublikasının gömrük ərazisindən tranzit qaydada keçirilən nəqliyyat vasitələri qeyd edilən müddət ərzində çıxış sərhəd gömrük məntəqəsinə çatdırılmadıqda (giriş sərhəd gömrük orqanına nəzarətdən çıxarılmaq üçün rəsmi məlumat daxil olmadıqda) sərhəd giriş gömrük orqanının struktur bölmələri tərəfindən qanunvericiliyin tələblərinə uyğun olaraq müvafiq tədbirlər görülür.