Qrup 19. Taxıldan, undan, nişastadan və ya süddən alınan hazır məhsullar; un qənnadı məmulatları

Qeydlər:

1.Aşağıdakılar bu qrupa daxil edilmir:

a) tərkibində 20 kütlə%-dən çox kolbasa, ət, ət məhsulları, qan, balıq və ya xərçəngkimilər, molyusklar və ya digər su onurğasızları və ya onların hər hansı kombinasiyası olan hazır məhsullar (16-cı qrup), 1902 mal mövqeyindəki içi doldurulmuş məmulatlardan başqa;

b) məxsusi heyvan yemi üçün hazırlanmış, un və nişasta əsaslı quru peçenyelər və ya digər məmulatlar (2309 mal mövqeyi); və ya

v) 30-cu qrupun dərman vasitələri və ya digər məhsulları.

2. 1901 mal mövqeyində:

a) «yarma» termini 11-ci qrupdakı taxılların yarmasını bildirir;

b) «narın üyüdülmüş un» və «qada üyüdülmüş un» termini aşağıdakı mənaları bildiri:

1) 11-ci qrupdakı taxılların narın və qaba üyüdülmüş unu; və

2) istənilən qrupun bitkilərinin narın və qaba üyüdülmüş unu və tozu, qurudulmuş tərəvəzlərin (0712 mal mövqeyi), kartofun (1105 mal mövqeyi) və ya qurudulmuş paxlalı tərəvəzlərin (1106 mal mövqeyi) narın və qaba üyüdülmüş unu və tozundan başqa.

3. 1904 mal mövqeyinə tamamilə yağsızlaşdırılmış əsasa hesablanmada tərkibində 6 kütlə %-dən çox kakao olan, və ya şokoladla şirələnmiş və ya tərkibində kakao olan digər hazır məhsullar (1806 mal mövqeyi) daxil olunmur.

4. 1904 mal mövqeyində «digər üsullarla hazırlanmış» termini 10 və ya 11-ci qruplarda göstəriləndən fərqli kulinar emala məruz qalan məmulatları bildirir.

Əlavə qeydlər:

1. 1905 31 yarımmövqeyindəki « quru şirin peçenye» termini tərkibindəki suyun miqdarı 12 kütlə%-dən çox olmayan və ya yağ tərkibi 35 kütlə %-dən çox olmayan məhsulları bildirir (bu gösətiriciləri müəyyən edərkən üzlük və içliklər nəzərə alınmır).

2. 1905 32 mal mövqeyinə 10 kütlə %-dən çox maye tərkibli vafli daxil deyil.