Qrup 59 Hopdurulmuş, üzlüklü, təkrarlanmış toxuculuq (tekstil) materialları; texniki təyinatlı toxuculuq məmulatları

Qeydlər:

Əgər kontekstdə başqa şərt qoyulmayıbsa, bu qrupda toxuculuq materialları termini yalnız 50-55-ci qrupların və 5803 və 5806 mal mövqelərinin parçalarına, 5808 mal mövqeyindəki tesma və bəzək materiallarına və 6002-6006 mal mövqelərindəki maşınla və ya əllə toxunmuş trikotaj kətana şamil edilir.

5903 mal mövqeyinə aşağıdakılar daxil edilir:

a) üzəri istənilən səthi sıxlıqlı və istənilən xassəli (sıx və ya məsaməli) plastik kütlə ilə örtülmüş, hopdurulmuş və ya təkrarlanmış toxuculuq materiallar, aşağıdakılardan başqa:

1) üst örtüyü adi gözlə görünməyən materiallar (adətən 50-55, 58 və ya 60-cı qruplar); bu zaman hər hansı bir rəng dəyişməsi nəzərə alınmır;

2) 15-30⁰ C temperaturda diametri 7 mm olan silindrin ətrafına sınmadan sarımaq mümkün olmayan məmulatlar (adətən qrup 39);

3) tamamilə plastik kütlənin içərisinə yeridilmiş və ya hər iki uçu plastik kütlə ilə örtülmüş məmulatlar, bir şərtlə ki, bu cür örtük adi gözlə görünsün; bu zaman hər hansı bir rəng dəyişməsi nəzərə alınmır (qrup 39);

4) qismən plastik kütlə ilə örtülmüş, və belə emal nəticəsində üzərinə şəkil əks olunmuş materiallar (adətən 50-55, 58 və ya 60-cı qruplar);

5) məsaməli plastmass qarışıq (plastik kütlədən) toxuculuq materialından (toxuculuq materialı yalnız armaturlaşdırma (möhkəmlənmə) üçün istifadə olunacaq) plitələr, vərəqlər və ya zolaqlar və ya lentlər (qrup 39); və ya

6) 5811 mal mövqeyinin toxuculuq məmulatları;

b) saplardan, yastı və ya 5604 mal mövqeyinin plastik kütlə ilə örtülmüş, hopdurulmuş və ya üzlüklü analoji saplarından hazırlanmış məmulatlar.

3. 5905 mal mövqeyində toxuculuq materialından divar örtükləri termini eni ən azı 45 sm olan, divar və tavanların bəzədilməsi üçün nəzərdə tutulmuş və toxuculuq materialından ibarət olan, astar üzərinə bərkidilmiş və ya astar tərəfdən emal olunmuş (yapışqanlı maddə hopdurulmuş və ya yapışqanlı qatla örtülmüş), rulonlarda olan məmulatları bildirir.

Lakin bu mal mövqeyinə birbaşa parça (5907 mal mövqeyi) və ya kağız (4814 mal mövqeyi) astar üzərinə yapışdırılmış və ya astar tərəfi emal olunmuş, toxuculuq tiftiyindən və ya tozundan hazırlanmış məmulatlar aid edilmir.

4. 5906 mal mövqeyində rezinləşmiş toxuculuq materialları termini aşağıdakıları bildirir:

a) rezin hopdurulmuş, üzlənmiş və ya təkrarlanmış toxuculuq materialları:

i) səthi sıxlığı ən çoxu 1500 q/m²; və ya

ii) səthi sıxlığı 1500 q/m² dan çox və tərkibində toxuculuq materialı 50 kütlə %-dən çox olan;

b) sapdan, yastı və 5604 mal mövqeyinin rezinlə hopdurulmuş, üzlənmiş və ya rezin örtüklü analoji saplarından hazırlanan məmulatlar; və

v) səthi sıxlığından asılı olmayaraq, rezinlə aqlomerasiya olunmuş paralel saplardan hazırlanmış məmulatlar.

Lakin, toxuculuq materialları ilə qarışdırılmış məsaməli rezindən hazırlanmış, tərkibində toxuculuq materialı yalnız armaturlaşmaya xidmət edən, plitələr, vərəqlər və ya zolaqlar və ya lentlər (qrup 40) və ya 5811 mal mövqeyinin toxuculuq məmulatları daxil olunmur.

5. 5907 mal mövqeyinə aşağıdakılar daxil deyil:

a) hopdurulmuş maddə (propitka) və ya üst qat adi gözlə görünməyən materiallar ( adətən 50-55, 58 və ya 60-cı qruplar); hər hansı rəng dəyişməsi nəzərə alınmır;

b) üzərinə naxış çəkilmiş materiallar ( teatr dekorasiyası, bədii studiyalarda arxa fon kimi və ya analoji məqsədlərlə istifadə olunan, üzərinə şəkil çəkilmiş kətanlar istisna olmaqla);

v) üzəri qismən tiftik, toz və ya toz şəkilli mantarla örtülmüş və ya analoji, belə emal nəticəsində üzərinə şəkil əks olunmuş materiallar; lakin xov imitasiyalı materiallar bu mal mövqeyinə daxildir;

q) nişasta və analoji maddə əsaslı tərkiblə emal olunmuş materiallar;

d) fanerlənmiş oduncaq, toxuculuq materiallarından astar üzərində (4408 mal mövqeyi);

e) təbii və ya süni abraziv toz və ya dənələr, toxuculuq materialından astar üzərində (6805 mal mövqeyi);

j) aqlomerasiya və ya regenerasiya olunmuş slüda, toxuculuq materialından astar üzərində (6814 mal mövqeyi); və ya

z) metallik folqa, toxuculuq materialından astar üzərində (XV bölmə).

6. 5910 mal mövqeyinə aşağıdakılar daxil olunmur:

a) qalınlığı 3 mm-dən az olan toxuculuq materialından ötürücü və ya konveyer beltinqi; və ya

b) konveyer lentləri və ya ötürücü qayışlar, və ya üzəri rezinlə örtülmüş, hopdurulmuş və ya təkrarlanmış toxuculuq materialından, üzəri rezinlə örtülmüş, hopdurulmuş və ya rezin üzlüklü toxuculuq liflərindən və ya korddan hazırlanmış beltinq (4010 mal mövqeyi).

7. XI bölmənin heç bir digər mal mövqelərinə daxil edilməyən aşağıdakı mallar 5911 mal mövqeyinə daxildir:

a) lazım olan ölçüdə və ya sadəcə düzbucaqlı (kvadrat daxil olmaqla) şəklində kəsilmiş toxuculuq məmulatları, 5908-5910 mal mövqeyinin mallarından başqa:

i) toxuculuq materialları, keçə və ya fetr və keçə astarlı parçalar, üzəri rezinlə, dəri ilə və ya digər analoji materiallar ilə örtülmüş və təkrarlanan, adətən iynəli lentlərin istehsalı üçün və əsasən digər texniki məqsədlərlə istifadə olunan analoji materiallar, toxuculuq sarğıları üçün rezin hopdurulmuş ensiz velvet parçalar daxil olmaqla;

ii) süzgəc parça;

iii) yağ sıxmaq üçün preslərdə və ya analoji məqsədlərlə istifadə olunan, toxuculuq materialından və ya insan saçından hazırlanmış filtr parçalar;

iv) çoxsaylı altlıq və arğac saplardan ibarət olan yastı parçalar, basılmış və ya basılmamış, hopdurulmuş və ya hopdurulmamış, üzlüklü və ya üzlüksüz, maşınqayırmada və ya digər texniki məqsədlərlə istifadə olunan;

v) texniki məqsədlərlə istifadə olunan, metalla armaturlaşdırılmış toxuculuq materialları;

vi) qaytanlar (bağlar), tesmalar və anoloji məmulatlar, üzlüklü və ya üzlüksüz, hopdurulmuş və ya hopdurulmamış, metalla armaturlaşdırılmış və ya armaturlaşdırılmamış, sənayedə qablaşdırılma və ya aralıq materialı kimi istifadə olunan;

b) texniki məqsədlərlə istifadə olunan toxuculuq materialları (5908-5910 mal mövqeyinin mallarından başqa). Məsələn, kağızdüzəldən və analoji maşınlarda (məsələn, sellüloz və ya asbestsement üçün) istifadə olunan sonsuz və ya birləşmə qabiliyyətinə malik toxuculuq materialları, aralıq materialı, bərkidicilər, cilalayıcı disklər və maşınların digər hissələri).