Qeydlər:

1. Bu qrupda 1q, 1d, 1e qeydlərindəki hallar tətbiq olunarsa bütün Nomenklaturada göstərilən terminlər aşağıdakıları bildirirlər:

a) «poladlıq çuqun» - dəmirlə karbonun döymə üçün yararsız olan ərintisi, iki kütlə faizdən çox karbondan və aşağıda göstərilən nisbətlərdə (faizlə) bir və a bir neçə elementlərdən ibarət ola bilər:

• xrom 10 kütlə % -dən çox olmamaqla
• manqan 6 kütlə % -dən çox olmamaqla
• fosfor 3 kütlə % -dən çox olmamaqla
• silisium 8 kütlə % -dən çox olmamaqla
• digər elementlər bütövlükdə 10 kütlə % -dən çox olmamaqla

b) «güzgü çuqunu (şpigel)» - tərkibində 6 kütlə % -dən çox, lakin 30 kütlə % -dən çox olmayaraq manqan olan başqa göstəricilərinə görə bu qeydlərin (a) bəndində göstərilmiş şərtlərə uyğun gələn dəmirlə karbonun ərintisi;

v) «ferroərintilər»- külçə, parca və ya fasiləsiz tökmə nəticəsində alınmış digər ilkin formalar, eləcə də dənəvər və toz şəkilli formalar, aqlomerasiya olunmuş və ya olunmamış, bir qayda olaraq başqa ərintilərin alınması üçün əlavə kimi istifadə olunan və ya qıcqırdıcılar, desulfuratorlar kimi və ya anoloji məqsədlər üçün qara metallurqiyada işlənilən, adətən döymə üçün əlverişsiz, tərkibində 4 kütlə % -dən az olmayaraq dəmir və aşağıda göstərilən nisbətlərdə bir və ya bir neçə elementlər olan:

• xrom 10 kütlə % -dən çox
• manqan 30 kütlə % -dən çox
• fosfor 3 kütlə % -dən çox
• silisium 8 kütlə % -dən çox
• digər elementlər çəmi 10 kütlə % -dən çox, karbon istisna olmaqla və tərkibində mis 10 kütlə % -dən çox olmamaq şərti ilə;

q) «polad» - 7203 mal mövqeyində göstərilənlərdən başqa, döyülən və tərkibində 2 kütlə % -dən çox olmayaraq karbon olan dəmir əsaslı ərinti (bəzi tökmə formada hazırlanan növlər istisna olmaqla). Xromlu poladlarda isə karbonun kütlə %-i yüksək ola bilər;

d) «paslanmayan polad» (korroziyiyadavamlı) - tərkibində 1,2 kütlə % və ya daha az karbon, 10,5 kütlə % və daha çox xrom olan, başqa elementlərlə və ya onlarsız, legirlənmiş polad;

e) «legirlənmiş poladların digər növləri» - paslanmayan metallara aid edilməyən və tərkibində aşağıdakı nisbətdə, aşağıdakı elementlərin biri və ya bir neçəsi olan polad:

• alüminium, 0,3 kütlə % və ya çox,
• bor, 0,0008 kütlə % və ya çox,
• xrom, 0,3 kütlə % və ya çox,
• kobalt, 0,3 kütlə % və ya çox,
• mis, 0,4 kütlə % və ya çox,
• qurğuşun, 0,4 kütlə % və ya çox,
• manqan, 1,65 kütlə % və ya çox,
• molibden, 0,08 kütlə % və ya çox,
• nikel, 0,3 kütlə % və ya çox,
• niobium , 0,06 kütlə % və ya çox,
• silisium, 0,6 kütlə % və ya çox,
• titan, 0,05 kütlə %və ya çox,
• volfram, 0,3 kütlə % və ya çox,
• vanadium, 0,1 kütlə % və ya çox,
• sirkonium, 0,05 kütlə % və ya çox,
• ayrılıqda götürülmüş digər elementləri (kükürd, fosfor, karbon və azotdan başqa), 0,1 kütlə % və ya çox;

j) «yenidən əridilmə üçün qara metal külçələri (ərinti külçələri)» - tökmə mənfəətsiz külçə və boru formasında kobud tökülmüş, aşkar səthi defektlərə malik və kimyəvi tərkibinə görə poladlıq çuqun, güzgü çuqunu və ya ferroərintilərdən fərqləqənən məmulat;

z) «qranullar (dənəvərlər)» - 90 kütlə %-dən az hissəsi 1 mm deşikli ələkdən və

90 kütlə %-dən çox hissəsi 5mm deşikli ələkdən keçən məmulat;

i) «yarımfabrikatlar» - fasiləsiz tökmə nəticəsində alınmış bütöv kəsməli məmulatlar, ilkin isti yaymaya məruz qalmış və ya məruz qalmamış; ilkin isti yayma və qaba formalaşdırmadan başqa heç bir digər emala məruz qalmamış digər bütöv kəsikli məmulatlar, künclük üçün, fasonlu və ya xüsusi biçmələr də daxil olmaqla. Bu məmulatlar satışa rulonlarda buraxılmır;

k) «yastı prokat» - bütöv düzbucaqlı (kvadratdan başqa) kəsməli, yuxarıda göstərilən (i) bəndinin təsvirlərinə uyğun gəlməyən və aşağıdakı formalarda istehsal olunan yayma məmulatlar:

• qatları ardıcıl sarınmış rulonlar, və ya
• qalınlığı 4,75 mm olduqdan eni qalınlığından ən azı 10 dəfə artıq olan, qalınlığı
• 4,75 mm və çox olduqda eni qalınlığının heç olmasa ikiqatı və ya 150 mm olan vərəqlər.

İstı prokata relyef səthli, yayma nəticəsində alınmış (məsələn, şırımları, çıxıntısı, qəfəsləri və rombları olan) məmulatlar, və ya perforasiya olunmuş, büzmələnmiş və ya cilalanmış məmulatlar aid edilir, bir şərtlə bu zaman digər mal mövqelərinə daxil olan məmulatın xassələrini qəbul etməsinlər.

Düzbucaqlı və ya kvadrat formalardan fərqli olan, istənilən ölçülü yastı prokat eni 600 mm və ya çox olan məmulat kimi təsnif olunur, bir şərtlə ki, bu zaman onlar başqa mal mövqeyinə daxil olan məmulatların xassələrini qəbul etməsinlər.

l) «sərbəst dəstələr şəklində sarınmış isti yayma çubuqları» - en kəsiyi bütünlükdə üçbucaq və ya digər qabarıq çoxbucaqlı şəklində olan isti yaymadan sonra sərbəst burulub yığılmış məmulatlar. Yayma zamanı bu məmulatlarda şırımlar, çıxıntılar və digər deformasiyalar yarana bilər;

m) «digər çubuqlar» — yuxarıda göstərilən (i), (k) və ya (l) bəndlərindəki təsvirlərin heç birinə və məftil anlayışına uyğun gəlməyən, en kəsiyi bütünlükdə eyni, dairə, dairəvi seqment, oval, düzbucaqlı (kvadrat da daxil olmaqla) formalarda olan (iki əks tərəfi qabarıq qövs, və başqa iki tərəfi isə bərabər uzunluqlu və paralel düzxətli olan «yastılanmış dairələr» və «şəkli dəyişmiş düzbucaqlılar» da daxil olmaqla) məmulatlar.

Bu məmulatlarda:

• yayma prosesi nəticəsində çöküklər, çıxıntılar, şırımlar və digər deformasiyalar (armatur özəklər) ola bilər;
• yaymadan sonra burulmuş ola bilər;

n) «xüsusi və fasonlu bucaqlar» — en kəsiyi bütün uzunluğu boyu eyni olan, yuxarıdakı (i), (k), (l) və ya (m) bəndlərində göstərilən təsvirlərin heç birinə və məftil anlayışına uyğun gəlməyən məmulatlar.

7301 və ya 7302 mal mövqeyinin məmulatları bu qrupa daxil edilmir;

o) «məftil» - bütün uzunluğu boyu istənilən en kəsiyi eyni olan, yastı prokat anlayışına uyğun gəlməyən, buruqşəkilli, soyuq deformasiya məmulatları;

p) «qazma işləri üçün nəzərdə tutulmuş içiboş çubuqlar»- istənilən en kəsikli, qazma işləri üçün yararlı, en kəsiyinin maksimal xarici ölçüsü ən azı 15 mm və ən çoxu 52 mm, maksimal daxili ölçüsü maksimal xarici ölçüsünün 1/2-dən çox olmayan içiboş çubuqlar. Bu təsvirə uyğun gəlməyən qara metallardan hazırlanmış çubuqlar içiboş çubuqlar 7304 mal mövqeyində təsnif edilir.

2. Üzəri digər qara metalla örtülmüş qara metallar, kütləsinə görə üstünlük təşkil edən qara metal kimi təsnif edilməlidir.

3. Elektrolitik çökdürmə, təzyiq altında tökmə və ya qızdırıb bişirmə üsulları ilə qara metallardan alınmış məmulatlar, formasına, tərkibinə və xarici görünüşünə görə, analoji isti yayma məmulatları üçün ayrılmış mal mövqeyinə aid edilir.

Yarımmövqelərə dair qeydlər:

1. Bu qrupda göstərilən terminlər aşağıdakıları bildirir:

a) «legirlənmiş poladlıq çuqun» - tərkibində aşağıdakı elementlərdən biri və ya bir neçəsi bu nisbətlərdə olan çuqun:

• xrom, 0,2 kütlə %-dən çox,
• mis, 0,3 kütlə %-dən çox,
• nikel, 0,3 kütlə %-dən çox,
• növbəti elementlərin hər biri, 0,1 kütlə %--dən çox olmaqla: alüminium, molibden, titan, volfram, vanadium;

b) « legirlənməmiş avtomat polad» tərkibində aşağıdakı elementlərdən biri və ya bir neçəsi bu nisbətlərdə olan legirlənməmiş polad:

• kükürd, 0,08 kütlə %-i və ya çox,
• qurğuşun, 0,1 kütlə %-i və ya çox,
• selen, 0,05kütlə %-dən çox,
• tellur, 0,01 kütlə %-dən çox,
• vismut, 0,05 kütlə %-dən çox;

v) «silisiumlu elektrotexniki polad»- tərkibində ən azı 0,6 kütlə % və ən çoxu 6 kütlə % silisium və ən azı 0,08 kütlə % karbon olan legirlənmiş polad. Onun tərkibində 1 kütlə %-dən çox olmayaraq polad ola bilər, lakin, poladın tərkibinə, ona başqa legirlənmiş polad növünün xüsusiyyətlərini verə biləcək nisbətdə hər hansı digər element daxil edilməməlidir;

q) «tezkəsici polad»- tərkibində aşağıdakı üç elementdən - molibden, volfram, vanadium- heç olmasa ikisi olan, onların ümumi kütləsi 7külə% və ya daha çox, karbon 0,6 kütlə % və ya daha çox və xrom 3 kütlə %-dən 6 kütlə %-nə qədər təşkil edən, tərkibində başqa elementlər olan və ya olmayan legirlənmiş poladlar;

d) «silisium manqanlı polad» - tərkibində aşağıdakı elementlər olan legirlənmiş polad:

• - karbon 0,7 kütlə %-dən çox olmayan,
• - manqan, 0,5 kütlə % və ya daha çox, lakin 1,9 kütlə %-dən çox olmayan, və
• - silisium 0,6 kütlə % və ya çox, lakin 2,3 kütlə %-dən çox olmayan. Lakin tərkibində polada başqa legirlənmiş polad növlərinin xüsusiyyətlərini verə biləcək nisbətdə başqa elementlər olmayan.

2. Ferroərintiləri 7202 mal mövqeyinə daxil edərkən aşağıdakı qaydalara əməl olunmalıdır:

ferroərinti ikiqat ərinti kimi qəbul edilir və müvafiq yarımmövqeyə daxil edilir (belə yarımmövqe mövcuddursa), bir şərtlə ki, ərintinin tərkibindəki legirləyici elementlərdən birinin minimal faiz tərkibi bu qrupun 1v qeydində göstərilən kəmiyyətdən artıq olsun; əgər ərintinin tərkibindəki iki və ya üç legirləyici element qəbul edilmiş minimal faiz tərkibindən artıq olarsa, analoji olaraq həmin ərinti üçqat və ya dördqat hesab oluna bilər.

Bu qaydanı bu qrupun 1v qeydində göstərilən, adı çəkilməyən «digər elementlər»ə tətbiq edərkən hər bir elementin tərkibi 10 kütlə %-dən artıq olmalıdır.

Əlavə qeydlər:

1. aşağıdakı terminlər bildirir:

- «Elektrotexniki polad» (7209 16 100 0, 7209 17 100 0, 7209 18 100 0, 7209 26 100 0, 7209 28 100 0 və 7211 23 910 0 alt yarımmövqeləri) — Epşteyn metodu ilə hesablanmış dəyişkən cərəyanda tezliyi 50 Ns olan 1T maqnit selində itkisi Vt/kq olan yastı prokat:

• qalınlığı 0,20 mm-dən az olduqda 2,1 Vt və ya az,
• qalınlığı ən azı 0,20 mm və ən çoxu 0,60 mm olduqda 3,6 Vt və ya az,
• qalınlığı ən azı 0,60 mm və ən çoxu 1,50 mm olduqda 6 Vt və ya az.
• «Ağ tənəkə» (7201 12 110 0, 7210 70 310 0, 7212 10 100 0 və 7212 40 100 0 alt yarımmövqelər) — tərkibində 97kütlə%-i və daha çox qurğuşun olan metal qatı ilə örtülmüş yastı prokat.
• «alət (instrumental) poladı»- ( 7228 30 200 0, 7228 40 100 0, 7228 50 200 0 və 7228 60 810 0 alt yarımmövqeləri)- paslanmayan və ya tezkəsən poladdan fərqli, tərkibində, digər elementlərlə birlikdə və ya onlarsız, aşağıdakı kompozisiyalardan biri olan :
• 0,6 kütlə % -dən az karbon və 0,7 kütlə % və daha çox silisium və 0,05 kütlə % və daha çox vanadium və ya 4 kütlə % və daha çox volfram;
• 0,8 kütlə % və daha çox karbon və 0,05 kütlə % və ya daha çox xrom;
• 1,2 kütlə %-dən çox karbon və ən azı 11 kütlə % və ən çoxu 15 kütlə % xrom ;
• 0,16 kütlə % və daha çox lakin 0,5 kütlə %-dən çox olmayaraq karbon və 3,8 kütlə % və daha çox, lakin 4,3 kütlə % -dən çox olmamaqla nikel və 1,1 kütlə % və ya çox, lakin 1,5 kütlə %-dən çox olmayaraq molibden;
• 0,3 kütlə % və çox, lakin 0,5 kütlə %-dən çox olmayaraq karbon və 1,4 kütlə % və ya çox, lakin 2,1 kütlə %-dən çox olmayaraq xrom və 0,15 kütlə % və ya çox, lakin 0,5 kütlə %-dən çox olmayaraq molibden və 1,2 kütlə %-dən az nikel;
• 0,3 kütlə % və ya çox karbon və 5,2 kütlə %-dən az xrom və 0,65 kütlə % və ya çox molibden və ya 0,4 kütlə % və ya çox volfram;
• 0,5 kütlə % və ya çox, lakin 0,6 kütlə %-dən artıq olmayaraq karbon və 1,25 kütlə % və ya çox, lakin 1,8 kütlə %-dən çox olmayaraq nikel və 0,5 kütlə % və çox, lakin 1,2 kütlə %-dən çox olmayaraq xrom və 0,15 kütlə % və ya çox, lakin 0,5 kütlə %-dən çox olmayaraq molibden.