Qrup 92 Musiqi alətləri; onların hissələri və ləvazimatları

Qeydlər:

1. Bu qrupa aşağıdakılar daxil olunmur:

a) XV bölməyə 2-ci qeyddə göstərilən, qiymətsiz metallardan hazırlanan, ümumi təyinatlı hissələr (XV bölmə) və ya plastmassdan analoji mallar (qrup 39);

b) mikrofonlar, səs gücləndiriciləri, reproduktorlar, baş telefonları, dəyişdirici açar, stroboskoplar və ya 85 və ya 90-cı qrupda təsnif olunan, bu qrupa daxil olan alətlərlə birgə istifadə üçün nəzərdə tutulmuş, lakin onlarla birləşməmiş və ya eyni korpusa yığılmamış digər köməkçi qurğular, apparatura və ya avadanlıqlar;

v) oyuncaq alətlər və ya apparatura (9503 mal mövqeyi);

q) musiqi alətlərinin təmizlənməsi üçün fırçalar (9603 mal mövqeyi); və ya

d) kolleksiya üçün əşyalar və ya antikvariat (9705 və ya 9706 mal mövqeyi).

2. 9202 və ya 9206 mal mövqeyində təsnif olunan musiqi alətlərində çalmaq üçün istifadə olunan, bu musiqi alətləri ilə lazım olan kəmiyyətdə təqdim olunan və aşkar şəkildə onlarla istifadə üçün nəzərdə tutulmuş çubuqlar və ya yaylar, müvafiq alətlərlə eyni mal mövqeyində təsnif olunmalıdırlar.

Musiqi alətləri ilə birgə təqdim olunmuş, 9209 mal mövqeyində təsnif olunan kartlar, disklər və valiklər, bu alətlərin tərkib hissələri deyil, müstəqil məmulatlar sayılır.