Qrup 96 Müxtəlif hazır məmulatlar

Qeydlər:

Bu qrupa aşağıdakılar daxil olunmur:

a) kosmetik və ya gigiyenik məqsədlər üçün karandaşlar (33-cü qrup);

b) 66-cı qrupun məmulatları (məsələn, çətirlərin və ya çəliklərin hissələri);

v) bijuteriya (7117 mal mövqeyi);

q) XV bölməyə 2-ci qeyddə göstərilmiş, qiymətsiz metallardan (XV bölmə) ümumi təyinatlı hissələr və ya plastmassdan analoji hissələr (qrup 39);

d) oyma və ya tökmə materialdan tutacaqları olan bıçaq və ya 82-ci qrupun digər məmulatları; lakin, bu məmulatların tutacaqları ayrıca təqdim olunduqda 9601və ya 9602 mal mövqeyində təsnif olunur;

e) 90-cı qrupun məmulatları (məsələn, eynək sağanaqları (9003 mal mövqeyi), reysfederlər (9017 mal mövqeyi), stomatologiyada və ya terapevtik, cərrahiyyə və ya baytarlıq məqsədləri ilə istifadə üçün nəzərdə tutulmuş fırçalar (9018 mal mövqeyi));

j) 91-ci qrupun məmulatları (hər növ saatlar üçün korpuslar);

z) musiqi alətlər və ya onların hissələri və ya ləvazimatları (92-ci qrup);

i) 93-cü qrupun məmulatları (silahlar və onların hissələri);

k) 94-cü qrupun məmulatları (məsələn, mebel, lampalar və işıqlandırıcı avadanlıqlar);

l) 95-ci qrupun məmulatları (oyuncaqlar, oyunlar, idman inventarı); və ya

m) sənət əsərləri, koleksiya ləvazimatlar və ya antikvariat (97-ci qrup).

2. 9602 mal mövqeyində, «oyma üçün yararlı, bitki və mineral mənşəli materiallar» termini aşağıdakıları bildirir:

a) oyma üçün istifadə olunan bərk toxumlar, dənlər, qoz-fındıq, qoz-fındıq qabıqları və bitki mənşəli analoji materiallar (məsələn, «korozo» və «dum»);

b) kəhrəba və sepiolit, təbii və ya aqlomerasiya olunmuş, qaqat və qaqata analoji mineral maddələr.

3. 9603 mal mövqeyində «süpürgə və ya fırçaların hazırlanması üçün hazırlanmış topalar və dəstələr» termini qaba heyvan tüklərindən, bitki liflərindən və ya digər materiallardan düzlənməmiş, sarınmadan süpürgə və ya fırçaların düzəldilməsi üçün hazır və ya hazır olmaq üçün kiçik düzəlişlərə (kəsilərək yuxarıda göstərilən formalara salınmaq üçün) ehtiyacı olan topalar və dəstələri bildirir.

4. Bu qrupa məmulatlar (9601-9606 və ya 9615 mal mövqeyindəkilərdən başqa), tamamilə və ya qismən qiymətli metallardan və ya qiymətli metalla örtülmüş təbii və ya becərilmiş mirvaridən, qiymətli və ya azqiymətli daşlardan (təbii, süni və ya rekonstruksiya olunmuş) hazırlanmasından asılı olmayaraq təsnif olunurlar. Lakin, təbii və ya becərilmiş mirvari, qiymətli və ya azqiymətli daşlar (təbii, süni və ya rekonstruksiya olunmuş), qiymətli metallar və ya qiymətli metallarla örtülmüş metallar cüzi bir hissəsini təşkil edən məmulatlar 9601-9606 və 9615 mal mövqelərinə daxil edilir.