Bölmə XXI İncəsənət əsərləri, kolleksiya əşyaları və antikvariat

Qrup 97 İncəsənət əsərləri, kolleksiya əşyaları və antikvariat

Qeydlər:

1. Bu qrupa aşağıdakılar daxil olunmur:

a) poçt markaları və ya ödənilməmiş dövlət rüsumu markaları, poçt dəftərxana ləvazimatları (gerbli kağız) və ya 4907 mal mövqeyinin analoji məmulatları;

b) teatr dekorasiyaları, bədii studiyalar üçün arxa fonlar və bəzəkli kətandan analoji əşyalar (5907 mal mövqeyi), 9706 mal mövqeyinə daxil olunanlardan başqa; və ya

v) təbii və ya becərilmiş mirvari, qiymətli və ya azqiymətli daşlar (7101-7103 mal mövqeləri).

2. 9702 mal mövqeyində «qravüraların, estampların və litoqrafiyaların əsilləri» termini, müəllif tərəfindən əllə hazırlanmış bir və ya bir neçə lövhələrlə yerinə yetirilmiş rəngli və ya ağ-qara basmaları bildirir, müəllif tərəfindən istifadə olunan texnika və ya materialdan asılı olmayaraq (mexaniki və fotomexaniki üsullardan başqa).

3. 9703 mal mövqeyinə böyük seriyalı sənaye reproduksiyaları və ya kommersiya xarakterli sənətkarlıq sənayesi məmulatları daxil olunmur, onlar rəssam tərəfindən yaradılıb və ya çəkilsə belə.

4a. Yuxarıda göstərilən 1-3 qeydlərinin şərtlərinə görə bu qrupun məmulatları Nomenklaturanın başqa qrupuna deyil, məhz bu qrupa daxil olunur.

4b. 9706 mal mövqeyinə bu qrupun əvvəlki mal mövqelərində təsnif olunan məmulatlar aid olunmur.

5. Rəsm, şəkil, pastel, kollajlar və ya digər dekorativ təsvirlər, qravüralar, estamplar və ya litoqrafiyalar üçün çərçivələr həmin sənət əsərləri ilə eyni mal mövqelərində təsnif olunmalıdırlar, bir şərtlə ki, çərçivələrin xüsusiyyətləri və qiymətləri bu əsərlərə uyğun gəlsin. Xüsusiyyətləri və qiymətləri yuxarıda sadalanan əsərlərə uyğun gəlməyən çərçivələr ayrılıqda təsnif olunmalıdırlar.